. . بما ان مادري وش صاير لي من اول مادخل رمضان تصير اشياء غريبه يعني لاتستغربون ان مادخلت خير شر اوله امس مرام تضحك علي من اول مادخلت سويت مصيبه مايعلم به الا الله وشخصين الين الحين مادري وش احس فيه والمصيبه الثانيه الابتوب اليوم سوا انفجار بالبيت والحسنه الثانيه دخلت المطبخ وطبخت لكم من الحين يكفي اني دخلت اللي بتقول شي ياويله المهم قوه اعطيكم المقادير لا2 مثل ماتشوفون مويه وابريق القهوه مادري وش تسمونه اللي هو اص اصبرو لااحد يعصب خل نكمل وبعده نجيب القهوه والذي منه والهيل والخلطه عاد خلطه اماراتيه (خشه تحرك حواجبه) قصيت الصوره لقيت خشتي عاكسه وهنا تفوح مادري تغلي القهوه <مادري وانا اكتب احس احد يدعي علي ماعلينا نكمل الطبخه وبعده حطيته بالمجلس الارضي وبعده حطيته بالترمس وحطيت معه التمر ماادري رطب اللي هو اهم شي سويته لهم <تذلهم اشتهيت اصوره مره ثانيه هذا لونه مادري شكله بس اني ضبطته وهنا مير اقهوي ابوي اقوله ابعد رجولك قال وش فيتس تصورينه قلت ذكرى ثاني رمضان نبي نتذكره رمضان الجاي (قلب) وبس اقسم بالله انه هالقهوه اخذت ساعه ونص يعني لاتحسبون اني ماتعبت والله تعبت عليه هالقهوم توه على السحور (قلب) امي قالت لا عاد اشوفتس تسوين قهوه القهوه اللي تاخذ ربع او نص ساعه بالكثير صارت ذبيحه .. المهم اللي يبي المقادير هذي عندكم وترا نسيت اصور الخلطه اصوره لكم ان شاء الله مع الطبحه الجايه اللي هو شاهي ايه صح ترا مادخلت وطبخت الا لان مرام شجعتن تقول موب محمسهم الا طبختس نبيتس تحركين الفعالايات (خشه واثقه)<ياويله من مرام مدحكم لو سمحتو (w) سلام..