اقتباس:
المشاركة الأصلية كتبت بواسطة حرهـ مـ ـاتنقـ ـاد ...
ضايقه بالحيل محتاجـه أشكـي
لولا طبع فـيّ يمدينـي شكيـت
بس أدوّر عذر منشـان أبكـي
لو يدوسون بطرف ثوبي بكيـت
كل ما جيـت أتريّـح وأرتكـي
يزدحم في خاطري ألفيـن بيـت
ويش بيّدي أفعله غيـر الحكـي
قاصره خطوات رجلي لو مشيت
أسرعي يا نفس موتي واهلكـي
صرتي همي يوم في الدنيا شقيت |
.
.
على الله يازمن بشكي جروحي والليالي طوال
...... عسى راعي العنا ينسى عناه وينشرح صدره
على الله يازمن بشكي همومي والهموم جبال
...... تعدت عاصمة حزني حدود العالم بأسره
خساره يالسنين اللي كتبتي قصة الترحال
...... فرحت أمس وحزنت اليوم بس الخوف من بكره
لساني كم شكى صمته والا منه حكى ماقال:
...... [طغى طبع السكوت بسيرة المحروم من صغره]
سقى الله يوم أنا كنت أضحك وبالي مريح البال
...... ضحوك ماعرفت الحزن وش معناه وش قدره
كبرت وكبرت أحلامي وصارت قصة الترحال
...... أماني في مهب الريح حلم مااكتمل سحره
عزيزه يالحروف اللي سكتي والكلام يقال
...... حكيتي ماشكيتي الهم وهم القلب ياكبره
أنا منهو فقد صوته وبعض الصوت به مازال
...... دعيت الله يفرجها علي وبحت أنا النظره
أشيل الحمل عن غيري وحملي صار ماينشال
...... كما الشيخ الهزيل اللي مشيبه منقض ظهره
وعن حر الزمن صارت حروفي للجروح ظلال
...... تذرت عن هموم الياس حلم قد بنى قصره
عساها للمطر روح بها وادي الظما ماسال
...... عروق سنينها جفت ووراها الزمن غدره
على الله ينجلي وقت قضيته هم وغربال
...... ويشع النور في قلب غشى بين الظلام فجره
على الله والولي الله وبأمر الله يزين الحال
...... ويضحك الزمن قلب من همومه قضى عمره..
