هلا ومسهلا .. يامرحبا بأبونواف من طول الغيبات جاب الغنايم .. نخش بالموضوع المتفرق النقاط : طبعاً ماراح أتكلم عن الجمهور الهلالي وقوه تأثيره وأنه سلاح قوي جداً كأستثمار في يد أداره النادي بتكلم عن محمد نجيب .. حلوه سؤاله لكل مشجع هلالي والأحلى أنه كل مايكلم الامير عبدالرحمن أو يجي طاريه في مقابله يقول بنروح له الرياض نطيب خاطره .. يعني الان أرضاء الزعيم يكون بزياره وإلا بطبطبه على الكتف ..؟! وبين فتره وثانيه يطقطق على رؤوسنا بكلمات معسوله لجمهور الزعيم .. طبعاً هذا ماراح يغير في الموضوع شيء وموقف بن مساعد البطل واضح وصريح أعطني حقي مثلما تعطي الاخرين وأبشر .. وهذا اللي كلنا ماراح نسمح فيه .. ويتأكد محمد نجيب لو أن أداره الهلال دخلت حجر ضب راح ندخله .. بدون مانشوف وحنا مغمضين وخل نجس النيه يبيض وجه القناه .. النقطه الثانيه اللي هي عن أحمد الدوخي وأشغلونا بأحمد الدوخي .. وأحمد الدوخي أصلاً عرض نفسه على الهلال ببلاش من خلال شبكه الزعيم لكن الزعيم كبير والكبر لله ورفضه وراح يرفض 10 من أشكاله يعتقدون بأن النادي راح يموت بدونهم .. مهما كان الأسم والشهره يظل الفضل لله ثم للهلال فقــط .. نجي عاد لسالفه أبوعبدالله .. قبل فتره أتكلم مع شخص فقالي ودي سامي يترك أداره النادي علشان نبي نشوف مين يلزقون الاخطاء والسقطات والاشاعات . لو يزلق لاعب داخل الملعب ويأخذ كرت أحمر قالوا سامي السبب .. لو وش ماصار بيظل سامي والسبب لأنه هاجس لهم مخيف .. لأنه شيء هلالي خااااالص .. المشكله يابونواف فيه بعض اللي يسمون أنفسهم هلاليين ينجرفون وراء هالموضوع .. وأذكر مره قريت بأحدى الشبكات الهلاليه الكبيره موضوع يتكلم ويسب في سامي من مشجع له ثقله ومشاركاته والسبب : لأنه سامي طفش طارق من النادي , وسامي بيبعد عزيز عن النادي سامي سبب طرد كوزمين من النادي وسامي سامي وسامي .. هنا المشكله .. لما تنشر صحيفه قذره وأعلاميين أطفال كلام مشبوه ضد سيد القاره وأسطورتها ويجيك كم مشجع يظنون أنهم هم الان الحق وأنهم الان منصفين ويدافعون عن الهلال ..! لكن مثل ماقلت .. سامي تعود على هالامور .. وصار عنده حصانه .. وسامي الآن أسمه وشهرته وطيبه قلبه قبل كل شيء وحكمته وجمهوره العريض قادره كل هالأشياء على انها توقف بوجه كل من ينشر سمومه في سامي وبأذن الله بيكرر سامي أنتصاراته وهزيمتهم والزمن كفيل يثبت لهم هالشيء .. مكانك الخالي محد ملاه يابويعقوب محد ملاه .. أبونواف : الف شكر على تواجدك يابعدي ,, أخ وزميل سابق وعزيز .. لاتبطي .. دايم سير علينا ..