’,
سلامي لك يا أغلى الناس..
سلامي لك يا سيد الإحساس..
سلامي يا أغلى البشر..
سيدي وتاج الراس..
يبه لك السلام..
يا بعد عمري والاحترام..
وحروف القصيد..
يا بعد عيني وأغلى الكلام..
بوصوفك يبه ما لقيت الوصوف..
مات القصيد اللي بقوله والحروف..
العذر يا تاج راسي..
امتلت عيني طيوف..
عجز حرفي عن وصوفك..
’,
وعجز لا يلمح طيوفك..
وعجزت بسمة عيوني..
تعبر عن غلاها بشوفك..
عفوك يا يبه سامحني..
أدري بقلبك طيب يسامحني..
شوف دمعة عيوني..
دخيل الله تسامحني..
أذكر في ذيك الديار..
يوم طال الانتظار..
ولا اتصال ولا خبر..
سامحني يا بعد كل الأنظار..
ما باليد حيلة..
فرقتك ماهي قليلة..
أكيد بعد الغياب نتقابل..
,’
لكن أنساك هذه مستحيلة..
ليتني أفقد عيوني..
وليتها تذبل شجوني..
وما أنساك في يومٍ أبد..
يا ساكن أهدابي وجفوني..
دعوة لبنتك في صلاتك..
يسعدك ربي في حياتك..
تفتح أبواب السعادة..
وأدعي عسى عيوني فداتك..
جعل السعادة في حياتك تباريك..
جعل ربي يحفظك ويبقيك..
وجعل ربي يقدرني..
وأبرك يا يبه وأفديك..
ما وفيتك يا يبه ما وفيت..
’,
مهما قلت ومهما حكيت..
كود أهديلك أنا عمري..
ولو هديتك ما كفيت..
إن قلت لك طيب كفرت..
وإن قلت إنك ملاك قصرت..
احترت بوصوفك يبه..
في حقك أعترف قصرت..
أعتذر لك يا بعد نور العيون..
اعتذر لك واقبل مني صادق شجون..
ما وفيتك يا حياتي..
اعذرني يا القلب الحنون..
"..ياعساني ماافقدك .. ياروح المشاعل .."
