بسافر في سما النسيان ورجوعي محال
بـرحـل وبـاخـذ روحي الـلي كانت سجينه
برحل بعيد ورجعتي لحبيبي شبه احتمال
برحل بـعيـد وأنـسى أيـام الـحـب وسنينه
أبي أنسى حبي اللي على الأرض اغتال
أبي أحرر روح كانت للحب بيوم رهينه
روحٍ اشقتها الهموم والدمع على الخد سال
روح تحتضر وقلـب كل يـوم يعـلن ونينه
حاولت كم مره ارسل له من الغرام مرسال
واذكّره يوم كانـت يميـني تحتضـن يميـنه
لكن ياللأسف قابل مرسال الغرام باهمال
ومارحم روحي وقـلبـي وعيوني الحزينه
قمت من القهر ابكي واغني للحزن موال
ياربي كيف قلبي يرضى مـحـبوبي يهينه
ليه انا دايم أتعب وهو ياربي خالي البال
ليه اعطيه الحنين وهو حارمني حنينه
ياناس قولولي أنا حبيت انسان والا تمثال
ياهي لعينه أيام الحب ويّاه ياهي لعـيـنـه
ربي بلاني بانسان مايسوى بالدنيا ريال
لعب بروحي لعب وخلاها ياللأسف مسكينه
وانا قررت اسافر ولا لي رجعه بكل الأحوال
بحاول انسى حبه وقلبي على النسيان الله يعينه
.,’ 