هآي
شلونكم شخباركم
ندخل بالموضوع على طووول < رآح أتكلم لك عن يومياتي و بعض من المواقف لي صارت معي
وأبي منكم تكتبون وشو الموقف لي عجبكم و موقف صار معكم بس نبي مواقف فلة و هيصة,
أبو صعفق),,,
كنت قاعده بالصف و مدرسه الفيزياء تشرح عن الطاقة و الكهرباء و أنا سرحان ببيت شعر مكتوب على الطوفة مثل (لاتحسبني يوم أطالعك مغليك ضيعت كلبي و الملامح شبيه) تناديني الأبلة و أنا عايشة الجو مع الشعر و ماتدري إلا الطاولة (طرااااااااخ) وتفز وتقول شسالفة 
و طبعا الأبلة تتنيذل و تقول
ديمة شنو أخر جملة قلتها و تنح ديمة
إمممممممممممممم و تقرى العنوان و تقوله و تقول الأبلة طلعي براااا تطلع ديمة و تروح الكفتريا تطلب لها أكل و تأكل 
و تشوف هوشة بنات صايرة تقول وحدة مالت عليج و ثانية شب يا غبية ترد الأولي و تقول شب يشبج و هكذا 
و تقول ديمة يا زين هواش البنات ولا هواش العيال 
و تلتف إلا تشوف شلة بويات جاين عندي طبعا عندنا بنت بس ملقبة (أبو صعفق)
و هي مسترجلة و المصيبة إنها معجبة فيني
تقول لية هلا و غلا حبيبتي طبع أنا تبلعمت الأني مصخرة و خوافة
و قلت لها إمممممم ههههلا و تسحب الكرسي و تقعد يمي وتحط يدها على كتفي أنا عيوني دمعت من الخوف قلت لها لو سمحتي شيل يدج ترد علية بعصبة أنا صبي
يا قلبي طبعا ان قمت من الطاولة و قلت عن إذنك عندي حصة بااي
تقول البنت بحضر معاك انا مدري شلون جتني القوة شان أقول لها يلا ذلفي عني يا الصبيك 
هي عصبة و قالت لية الوعد براا المدرسة
ديمة نحاشة و علمت رفيجاتها طبعا رفيجتي كووول و دلوعاات
قالو لية لا يا معوودة كلش ولا أبو صعفق
أنا قررت أنحاش أول ما يرن الجرس رن الجس نحشت براااا المدرسة لقيتها عند الباب تقولي ها لي أحين عن الوعد و أقول لها أي وعد طبعا 
تعرفون ثانوية البنات و قت الطلع وش يصير برااا كل المغازلجية عند الباب
طبعا في صبي كل يوم يغازلني عند الباب هو ولد جيرانة المهم أول مرة اعرف إن منه فايدة نحشت عندة و هو يصطر أبوصعفق كف على وجهها 
و أول مرة نشوف دموع أبو صعفق
الصبي كشخ علبالة إني أحبة وع
المهم نحشت البيت واليوم الثاني جت أبو صعفق أنا قلت لروحي أكيد جاية تمردقني يابوووي خن أحب راسها علشان أفتك 
و قالت لية أسفة بس قولي لولد عمك لا يصطر مرة ثانية ,,,,ها وش رايكم ترى جد المغازلجين ينفعون مراات 
...
موقف مع أبوية جسووم,,,
كنت شارية فلم عجيب المهم قلت لبابا هذى فلم يصلحلك تعال نشوفة قالي يلا
و ناديت كل إخواني و ماما و شغلنا الفلم طبعنا أنا كاشخة معاية الرموت كنترول طبعا طلع الفلم إباحي يابووووووووووووووو طلع مشهد وصخ جيت بغير الرموت مبدلة بطارياتة 
هههه بابا قام سكر الفلم قرب عند ويهي وقالي أنتى حيوانة أنا ساكتة فوق ما إنة الفلم إباحي هم بعد مبدلة البطارية 
طبع أنواع الزف و التهزيء لي جاني و إخواني مسكوة علية ,,,
روجي الأحمر ,,,
كنت أدور الروج هذى من شهرين وفي الأخير لقيتة و شريتة و حطيتة على تواليتي بلشة لو كان عندك اخو صغير
أنا رحت تحت أسولف مع ماما ونحش بفلانة و علانة 
ينزل سعود أخوية ويه أحمر
لعب بروجي انا ستخفيت و بكيت كنت ودي أصطرة الكلب لعب في مكياجي المهم بابا قالي أف تبكين علشان روج قومي أوديكي و أشريلك واحد جديد ترى على فكرة( أنا أكبر وحدة بين إخواني و المدلعة عند بابا و المدقرة عند ماما) المهم ركبت مع بابا السيارة و قلت لبابا جسوووم عادي أشغل ميوزك قالي أوكية طقيت بلي طلعت غنية ( الشيشة) 
هاااا يا الصيدة يا جسوم شنو هالغنية يرقع جسسوم السالفة و يقول مو شريطي شريط محمد أخوك هههههههههههه ننزل و نشترى الروج و أقول لبابا انا عازمتك على العشاء قالي ترى على حسابج قلت أفا عليك بس ونطلب من المطعم و نأكل و تجي الفاتورة بابا يطالعني يعني يلا دفعي الأحساب
و أنا أقول شفيك قالي يلا عطي الفلوس قلت نعم ليش في أحد عازمك أساسا ماعندي فلوس مفلسة قالي ليش تعزيمن أنتى ويا فيسك قلت لة كيفك القانون لا يحمل المغفلين ههههههههههه 
بابا دفع الحساب وهو معصب و ردينا البيت وحلف بابا مرة ثانية ما أروح عزايم ديووم ,,,
تكون معلق على غنية بس ما تعرف المعنى,,
غنية يارا (ماروم)
وتكون حافظ الغنية بعد و تسألك إختك شنو يعني ماروم طبع أنا قلت شدراني هههههههه
بابا قال حافظة الغنية و ماتعرفين معناها قلت له يلا غرد لنا شنو المعنى قالي مسبة انااااا صرت كذا بعدين قالي لا أكذب عليج معناها (ما أقدر)
متحاان كيمياء,,
كنت حاافظة كل العناصر و لما شفت الإمتحان تخسبقت الأن كان فاينل و الصف12 و كانوو الموراقبين رياجيل طبع (مدرسة خااصة إنجليزية ) المهم البنات مستحين لا يغشون جدام الرياجيل و أنا قفلت نسيت رمز العنصر و أتذكر و أعصر مخي ماكو تبخر
طبع فكرت بالغش لفيت على لي يمي لقيتها ضاايعة تبي نفس الجواب و لي وراية عايدة السنة مرتين ولي جدامي جعيصة ماتغشش أحد و تورطت الأن الجواب علية 16 درجة 
فكرت بحيل ناديت المراقب قلت لة تكفى شنو الجواب خزني شان يقول إعقلي لا أسحب ورقتك و أطردك برااا لجنة يا إستخدمت سلاح المرء
معة و بكيت و طلعت دمووع التماسيح و قلت لة حرااام عليك تدري لو رسبت بالمادة أهلي راح يزوجوني ولد عمي المعوق حرااام يرضيك أعيش مع معوق بسببك قالي لا لا
وااي كسرتي خاطري خلاص ثواني أغشلك الجواب و أرجع طبع جاني وحل الجواب وراح خلص المتحان و طلعت ديمة و هي فاتحة الكشرة من الوناسة و سئلوني رفيجاتي أأوة طلعتي مبضبطتة قلت لهم إكلن ترااب يا حميير لا قالو محد قدر يروض المراقب ذا غييرك شنو قلتي لة تنيذلت عليهم و قلت سر المهنة
,,,ونجحت بالإختبار و قالي أشوة نجحتي يعني ماراح يزوجونك المعوق قلت له وربي إنك درو يا غبي أكذب عليك هههههههه قالي (إن كيدهن عظيم)
مغازل سارة رفيجتي,,,
مواصفات سارة (بطة شعرها فلافل حنطاوية طولها لا بئس فية وجهها كلة حب شباب) مزيونة صح ,,,
كنت رايح الصباح مع سارة الكوفي بالأفنيوز 
المهم رحت أطلب كبتشينو و دونت رديت لقيت في واحد يكلم رفيجتي أنا تفكيري رااح المريخ و قربت ولا سارة تقول للصبي يلا إذلف يا قليل الأدب طبعا الولد قال لها شفتي ويهج علشان أغازلج أنا نحشت يعني ما أعرفها و سارة تقول ديمة تعالي ماعليج منة هالتعبان و أنا عمك أصمخ و لعيال لي بالقهوة يقولون آفة يا ديمة رفيجتج روحي لها قلت منو ديمة لا مخربطين ما اعرفها طبعا رحت كوفي ثاني و هي لحقتني و سفلت فيني وأنا بو لباس المهم حوبت سارة جاني واحد منتهي يعني ماعلية شرها قالي لو سمحتي ممكن أخذ الكرسي قلت له تفضلل إخذة شان يرجع يقول ممكن أخذك قلت لة عفوينا عما إن شاء اللة يلا تقلع بس يا حقير سارة سوت نفس الحركة و نحاشت بس ترى طلع رفيج ولد خالتي و جاة ولد خالتي بغازل ولا يشوفني أنا قلت له جرااااح ويعة طبع تهاوش مع رفيجة و حنا طلعنا من الإفنيوز و رحنا البحر واايد أبرك,,,
السينما مع رجال وع,,,
تروحين السينما مع ولد خالتك العصبي و المحافظ فلم كومدي يابووووووووووووو
المهم رحنا مع بنات خالتي السينما طبع أخوهم غثيث مايرضى خواتة يطلعون من البيت بروحهم
المهم حجزنا تذاكر و دخلنا الفلم (رمضان مبروك أبو العلمين حمودة) و هالفلم يموت ضحك طبع كان زحمة و سينمت سوق شرق في نصف عوائل و الثاني شبابي العوائل كان زحمة رحنا حجزنا شبابي المهم قعدنا عند صطرت العيال ولد خالتي عبودي معصب مو عاجبة الوضع الفلم يضحك انا قعت أضحك يلف علية يقولي لا تضحكين أنا لما قالي جذي فطست ضحك يعني جتني هستيرة و أنا مستغربة من خواتة ما يضحكون مروعهم عبودي و قالي ديوووم سكتي قلت له ليش داخلين عزااء هو عصب و طلع من الفلم مع خواتة هيلق المهم انا قعت و كملت الفلم و ضحكت و هيصت و طلعت و قالي حنا بسيارة تعالي طبعا رحت و قعد يتفلسف عيب تضحكين قلت له الفلم يضحك و الناس تضحك أسكت ليش مينونة و بعدين ترى شكلك و انت تقول لية لا تضحكين 
يموت ضحك قالي بعلم أبوك قلت علمة راح و علم بابا و قالي ديووم الفلم حلووو قلتلة وااي عجيب قالي يلا باكر نروح المهم رحنا مرة ثانية مع بابا و ماما و إخواني و شفت الفلم على راحتي بدال عبودي المعقد ,,,
بنات السالفة محرجة عيال برا لحد يقراء,,,
تخيلي بليل و تكون أمك و أبوك مسافرين و تنزل عليكي الحبيبة لي تشرف علينا كل شهر ,,,,,الشهرية فهمتو صح و تروحين عند واحد من إخوانك تقولين لة أعطيك 500 ريال بس روح جيب لية الأغراض من السوبر ماركت و يقولك أخوكي يلا شنو تبيني أتفشل جدام الناس يلا نقلعي ما لي شغل تروحين عند الثاني و نفس السالفة يا دي الورطة و تطرين تلبسين و تروحين بس طبع بوقفونج و يقولون لا خلااص جيبي 500 ريال و نروح يروح أخوكي و يشترى اغراض وايد بس علشان محد يفطن بالأغراض ههههههههههههههه ويتهزء لشاف واحد من ربعة ,,أنا أكره بالسبوع ذا إني بنت ض1
شباب ادري قريتو الكلام بس وش تسوى لو قالت لك أختك روح جيب الأغرض؟؟؟؟
الرقم غلط ,,,
كنت توني قاعدة من النوم
و دقت على سارة قلت ألو قوه يا متخلفة ها نروح نقز بالأفنيوز اليوم يرد علية صبي عفون اختي أنا مو سارة طبع أنواع الفشايل و تقولين أسفة الرقم غلط,,,عمرة صار معكم؟؟؟؟
بوستر ياسر القحطاني,,,
طبعا غرفتي كلها بوسترات على صور ياسر أنا كنت نايمة ولما فتحت عيوني أشوف الطوف ما ليقيت صور القناص و لا بوستر و أفزع من السرير و ماغسلت ويهي ونازلة بجامة النوم و شوشتي منفوشة
و ألقاهم يتغدون بس عمي موجود معهم و أصارخ منووو لي أخذ صور ياااااااااااااااااسر طبعن ينصدمون منو ياسر قالت لية ماما انا شلتهم حرااام عليكي عيب قلت لها مالج شغل وربي لو ماتجبين البوسترات راح أرروح المطبخ و أكسر مواعينج و صحونج و قلاساتج امي خاافت على المطبخ و قالت لا خلاص روحي تلقينهم هنالك كذا القوة ولا بلاش،،، ترى الإمهات يعني محافظين يهني ما كنو يسون مثلنا قبل
موقف صارلي بالرياض,,,
كنت واقفة أشترى لخواني آيس كريم و كان في إثنين شباب وقحين حيل من اليوم تلحق و مغازل المهم قلت لراعي باسكن روبنز بمجمع (غرناطة) لوسمحت ابي كيت و كيت و في الأخير قلت عطني( قفشة) قعد يضحك و العيال بعد يقولون أحلى يا الكويتية أجل قفشة و يفطسون ضحك أنا سفهتهم و المصري يتضحك قلت له أقول قايل نكتة أنت ويا فيسك قالي لا يا ست أسف أنا مأخزة بس ماعرفش إي قفشة؟ قلت لسعودين أقول خن نستفيد منكم شنو يعني قفشة بالسعودي
شان يقولون و هو فاطس ضحك (ملعقة) انا قلت وي شدعوة حصة عربي ملعقة هههههههه المهم خذيت الملعقة ورحت و قلت لهم شكرا على المعلومة ,,,بس جد في فرق واايد بين كلام الكويتين و السعودين
وآي فديت كلام السعودين يهبل ....
مطاوعت الرياض يا ساتر,,,
كنت لابسة عباية بالرياض و ملفعي بيجي و حجاب الكويتيات معروف صح المهم وأنا أشوف المطوع ذا من اليوم يقز بالحريم وفي الأخير جاني و يقول لية ستتري يا بنت عيب هذى فساد لايجوز انا قلت له سلامات خير منو شان يقولي معك رجل الهيئة قلت لة سم شنو هيئة ؟ قالي غطي وجهك و لا تلبسي الحجاب المزكرش شنو مزركش يا جماعه أنا إنغثيت قلت لة أقول انت أبوية أخوية عمي خالي زوجي رفيجي نعم يلا تقلع بس شان يجي حمودي أخوية و يقول لوووووووول ديووم منو هذى؟؟ قلت لحمودي آفة حمود ماتعرف منو هذى هذا المسيح الدجال المطوع عصب شان يقول الللة يهديكم و يروح,,,هههههههههههه بس جد تفشل
وبس ها وش رايكم بمواقفي هههههه كلها صرقة
الأسئلة
!- شنو الموقف لي عجبك و أبي تعليقك علية؟؟؟
2- قول لنا موقف صار لك بس نبي يضحك؟؟؟
3- هال عمرة صار لك موقف شبيه من مواقفي؟؟؟
4-وش رايك بموقف (القفشة و الملعقة)؟؟؟
5- شنو لي ونسك بالموضوع و هالعجبك ولا لا ترى عادي أتقبل الإنتقاد؟؟؟
وشكرآ,,,