للحين حنا بالرياض ان شاء الله على الاسبوع الجاي راجعين لوادينا وسفرة الشرقية تأجلت للحين لظروف .... ويمكن على الاربعاء ان شاء الله مسافرين اليوم صحيت على العصر الساعه 4 مادري وش فيني لاجيت الرياض اصحى على العصر وفي وادينا على 11 طبعاً لان وراي غداء مسوين جدول انا وخواتي وهنا لا آكل واشرب على كيفي المهم / اليوم حدث غريب من جدتي الي هي ام ابوي طبعاً هي معها مس من الجن الله يحفظنا ويشفيها المهم اليوم مررررة تعبانه ودوها للشيخ قبل شوي بعد العصر .... لانها حاسه بتعب ومعدتها تقلب عليها ووغير كذا معها خوووف مو طبيعي لاول مرة يصير معها حاسة بشيء ...!!!!! لان عمي بيسافر بكرة وابوي بيسافر وحنا معه للشرقية وهي حاسة انه بيصير شيء موب طيب مادري عليها تفكير غريييب وعماتي يهدونها وكذا ...!!! عاد انا انحشت فوووق مااحب اشوفها وهي محضرة وكذا لاول مرة يصير معها كذا ..... كل ماانسدحت قامت وراحت تمشي تقول ماش ماجاني النوم لانها لاحضرت وحضروا الي فيها يعطونها اهلي عوده وعطور وتهدأ يالله الله يكتب الي فيه خير