و إنتهينا !
والزمن يضحك علينا
لا بكينا !
والوداع اللي دريت إنه نصيبي ..
ياحبيبي ..
مو بيدينا !!
صرت قاسي
صرت أصب أحلامي الحلوة بكاسي ..
وأكسره !
صرت أخاف أتذكره
وقبل ميلاد الظروف اللي احصلت لك
بعت ناسي !
صرت مثلك
صرت قاسي !
ما أحس برقة القمرا وهي تضوي جبينك
أو أحس برقة القمرا ولا أدري إنت وينك !
من زمان
أتخيل إحساسي وأنا أودعك راحل
للحنين ..
لآخر حدود المدينة والسواحل
للسنين ..
اللي مثل جسمي وأنا ناحل
حبيبي .
ما علينا ..
يمكن العشق القديم يظل فينا
أو يموت إليا بكينا !
المهم .
إنا إنتهينا !
والزمن يضحك
على باقي حكينا !
والوداع اللي دريت إنه نصيبي
يا حبيبي
مو بيدينا !