^
ابشري بنزلها بس بكرة ان شاء الله
متعجيزة احمل الصور وقرب يجيني النوم وراي دوام بكرة
بقولك الصدق
متى بدت علاقتي في المطبخ
شوفي انا لي شهرين جاني عشق للمطبخ بشكل موطبيعي
حتى في بيتنا مستغربين مرة
لدرجه اخوي الصغير يقولي بتعرسين شكلك
والسبب البنات في المكتب كل يوم وحدة جايبه حلا مع القهوة من يديها ويقولون مقاديره
المهم مسكت معي يوم من الايام اني اسوي لاهلي
وكانت البداية تشيز كيك تخيلي طلعت من الشغل مريت التميمي وتقضيت
واول ماوصلت من غيرت لبسي وبديت اسوي
والعصر اقدمه لاهلي واستمريت على هالوضع اكرر التشيز كيك
وعجب اهلي مرة وكان الاربعاء جمعه شباب العائلة في الاستراحة والوالد
طلب مني يوم شافني ابدع
وسويت 3 تشيز كيك بكذا نكهه وتخيلي وقتها اتصل على اخواني الصغار هاه
كلتوا ماكلتوا ازعجتهم مرة
وكنت خايفه مررررررررررة مرررة
ويوم رجعوا مدحوا حلاي مررة وكبروا راسي
وانبسطت وعطتني دافع قوي وصرت كل مرة ودي اتعلم واجرب بس مشكلتي ماعرفت اتعدى الحلا
واخاف من اي حلا في فرن كنت استعين بطباختنا وتساعدني الله يعافيها
لدرجه صارت تسألني عن اي شي اسويه وصرت انا اللي اعلمها مو هي اللي تعلمني
وصار الطبخ عندي شي رهييب ودي اتعلم اكثر اقرا في كتب ومنتديات بس
عقدتي في المطبخ ادوخ من ريحه القلي ولا احب كشنه البصل ولا احب افتح الفرن
الا الكهربائي احيانا من فوق بس
وهذا قصتي من الطبخ من طقطق الى السلام عليكم <-- تكفين
واوعدكم في السنه الجاية بمرقوق ض1
لا ماعندي بس بعد محاولات استثنوني الشغل باجازة اسبوعين بس عشاني بسافر منتصف هالشهر
اي كلمة مافهمتك ترى
