هااااااااي قااايز هذا أول مره أكتب عن بومي هنا ابكتب لكم يومي أمس واليوم . < استحملوا المهم أمس يالغاليين زواج أخوي الله يوفقه ويسعده ويهينه ويرزقه ويحميه أول واحد من اخواني يعرس فتعرفون الحوسه والدوسه قبل الحفله واثناء الحفله نبي كل شي يكووون تماااااااااااااام كل شي نبي نسويه ومانبي يصير قصوووووور أبد ومو مهم قد ايش بيكلف المهم يطلع مضبووووووووط كل شي تم القاعه وترتبت وحطوا الورد وزينوها وانتهى أمرها خلاااااااااااااااااااااص ترتب كل شي وبدوا يجون الحضور والمعازيم وقفنا في الاستقبال أمي وعمتي الكبيره وخالتي وانا واخواااتي كلنا من وقفت في الاستقبال وانا خانقتني العبره كل ما اتذكر ان هذا زواج أخوي واني اخوي اليوم لابس البشت وزافينه تخنقني العبره أكثر طبعا تهزات من اخواتي لا تبكين يخرب المكياج وعمتي ياعمري تحسب عيوني طار فيها شي بعد ما اكتمل الحضور تفريبا بدا الطق والرقص وهالامور وبعد هالحركات رحنا وسلمنا على عروووسه الله يحفظها ويهنيها ويسعدها وبعد كذا انزف اخوي ياعمري عليه من قبل زواجه وهو يقول اخاف اطيح من الربكه اتعكرف بالبشت ولا بشي وأنا بس رايحه جايه يقالك أشرف على الفلبينات اللي يمشون بصواني الحلى والحركات وانتهى الزواااج وانا مرتااااحه نفسيا .. اللي عنده استفسار عن زواجنا اللي أمس يسدحه هنا واليوم لما قمت مكسله وراسي ورفبتي تعورني ورجليني تدعي علي .. طبعا اليوم كل السوالف عن الزواج .. وبس .. < ماطولت أبد