صباح الخير وارجع لكم بيوم الجمعه صحيت الصبح الساعه 10 وقعدت اتقهوا ويا اهلي وجلست اسولف ويا اخواتي وامي وبعد ما اذن الظهر رقيت لغرفتي اصلي وثم نزلت افطر وبعدها رحت للمطبخ انظف واختي قاعده تسوي تورته >> تسلم يديها ورجعت لغرفتي افتح النت وثم صليت العصر ونزلت اكل التورته وثم راحوا اخواتي وامي السوق وانا رجعت للنت وبعدين جاني اخوي الصغير يتفلسف مدري وش يبغى ثم سكرت النت ويجيني اخوي الثاني ويقعد يسولف ويهايط وقعدت امزح وياه شوي وبعد ماصليت المغرب قريت سورة الكهف وثم نزلت اتفقد الرعيه >> عشان امي مو موجوده ورجعت افتح النت وبعدين رجعت امي ويا اخواتي من السوق جايبين معاهم عشاء >> بروستد وتعشينا بدري وثم رحت للمطبخ شوي انظف بعض الحوسه ويا اخواتي وبعدها صليت العشاء وجلست مع اخواتي وامي نتقهوى شاهي ونسوي عرض ازياء وضحك ويوم جت الساعه 11,15دخلت غرفتي اشغل النت والساعه 12 رحت اشوف صدى الملاعب وثم غيرتها ع artالزعيم ورجعت لنت وهذا انا اكتب يومي وابروح انام راسي مصدع وهذي صوره التورته كان ودي مصورتها كامله بس ما لحقت الا اختي مقطعه التورته وثم صورت قطعتي وهذي على جنب بعد ما اكلت منها وهذي قطعة اخوي الصغير شافني اصور قال صوري تورتتي >> شوفوا حوسته ولا اكل شي ياحبي له دايم إذا شافني اصور يطلب مني اصور اي شي له والله يجعل ايامنا عامره با الخير والطاعه والحمدالله على النعمه والعافيه ومشكوورين قسم المجلس