ليت الهوى يامنكر الشوق زارك
ليته سكن باسم المحبه لياليك
ليت اختياري غالب لاختيارك
اغمض عيوني وافتح والاقيك
لو اللقا بيدي ولاهوب قرارك
كان وغلاتك جيتك الحين ساريك
افرش لك بقلبي وناضيف دارك
واطلق وله بحلى الاماني يناديك
اكحل عيوني بمتعة جوارك
وازف روحي لهفة بين اياديك
اولعك لين احترق وسط نارك
واروي ظما شوقك بشوقي واناجيك
كلي مشاعر هايمه في انتظارك
مركب غرامي راسي عند شاطيك
وثوب الظروف اللي يغطي اعتذارك
اشقه بيدي انا,, يامحاكيك