مرثية تركي الميزاني في فيصل الرياحي آهـ ياخوي
خيم الحزن في صدري ونوخ ركابه
وابتدا ليل هم ونوم عيني هجرته
مابقى للقصايد وسط صدري رحابه
غير همٍ ليا اجتاح الخفى ماشكرته
كل مخلوق فالدنيا مقدر حسابه
لو يقولون توه ماخلص من ثمرته
والسبايب تفاوت والمنايا تشابه
وجلَ الانسان تكسب ساعته من صغرته
آهياخوي اللي ماتعوض غيابه
اشهد اني فقدته واشهد اني خسرته
كيف ابنساه وادله واتناسا مصابه
وكل طاروق لاجيت ابتديبه ذكرته
يابدر كل كسر يهون واجبر صوابه
غير كسرن يبا يبطي وانا ماجبرته
رحمة الله على اللي له مقام ومهابه
منبع الطيب يوم الطيب تثمر شجرته
من فراقه غديت اقنب قنيب الذيابه
وبح صوتي ودمعي من عيوني نثرته
ودي اسلا عن الهاجوس واصك بابه
مير حزني وهمي ساقني ماقدرته
الله يرحم الفقيد بواسع رحمته