- بسم الله الرحمن الرحيم مسائكم صباحكم رضى الرحمن .. ... موضوعي اليوم عباره عن مواضيع في موضوع واحد .. كثير في راسي معلومات من أثر القرائه بالإجازه .. خلونا نستفيد منها سوى .. نبدأ .. يقولون المويه تسمع وتتأثر ! جرت أبحاث تكلم عنها الشيخ محمد العريفي إن في أحد الدول الأجنبيه أجروا دراسه على المويه بالطريقه التاليه ::. جابوا عده أشخاص كل شخص يمسك كاس مويه وكل واحد منهم يقول للمويه كلمه مثلا ً 2 قالوا للمويه "أنا أحبك" و "أنتي جميله ورقراقه " و " أنتي لطيفه " و2 قالوا " لا أحبك " و "أنتي حقودة " الخ .. لاحظوا بأن المويه الي قالوا لها كلام حلو كان شكل جزيئاتها رقراقه ولامعه وتركيبتها تشبه الألماس ! أما المويه إلي قالوا لها كلام مش حلو لاحظوا إن جزيئاتها عاديه وفي وضع عادي . والأروع من كذا لما قرى الشيخ على الماء آيه الكرسي والفاتحه كان الماء شكله في غايه الروعه والسطوع سبحان من قال : {لَوْ أَنزَلْنَا هَذَا الْقُرْآنَ عَلَى جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ } سورة الحشر ... ... في معلومه جذبتني .. إن النساء يرمشون ضعف الرجال .. طبعا ً أخوي قال " من التميلح والله " وش رايكم صح ولا ؟ ... هذي معلومه ثانيه بس مالي تعليق عليها الصراحه ! يقولون إن عدد الدجاج بالعالم أكثر من عدد البشر ! ... للبوسه فوائد يقولون إن للبوسه فوائد عِدوا معي .. أول شيء::.. حرق 12 كالوري .. تساعد على خفض السكر بالدم . تساعد على ضبط الكوليسترول في الدم.. تساعد على تهدئه الطفل العدواني .. وربي شيء غريب سبحان الله ! يالله مني لكم كلكم بوسه . ... للدموع فوائد::.. < فيس للتوضيح لاأكثر! لما تخلصون من البكي إيش تحسون بالراحه صح ؟ وطبعا ً هذا كله يرجع إلى الدموع الي تخرج معها مواد كيميائيه مرتبطه بالتوتر.. فلما تبكون تزيد ضربات القلب الي تمرن الحجاب الحاجز وعضلات الصدر والكتفين.. وبعد "برهه " تسترخي العضلات وبعدها تحسون بالراحه .. الله يكتب لكم حياه سعيدة ماتحتاجون تبكون أبدا ً .. الأذآن ... تعرفون إن الأذان على الكرة الأرضيه كلها ماينقطع ! يعني يأذن عندنا ويخلص يروح يأذن في مدينه ثانيه وبعدها في بلد ثاني وهكذا .. بس الأغرب من هذا كله إن في رائد فضاء أمريكي سمع الأذان لما كان بأحد الصواريخ المطلوقه في الفضاء وهو داخلها ! وفي وقتها أعلن إسلامه وفقد وضيفته وقال ::. " فقدت وضيفتي ولكن وجدت الله " .. سبحان الله ... ... معلومه قديمه شوي بس قلت يمكن في أحد مايعرفها .. ليش يلبس الطبيب اللون الأخضر في غرفه العمليات ! وذلك لأن اللون الأخضر مريح للعين ومريح بعد للنفس البشريه ويقولون بعد إن اللون الأحمر يوافق اللون اأخضر فالطبيب يكون بالساعات ينظر إلى لون الدم .. ولما يرفع راسه وينظر للبسه أو للأطباء الموجودين معه يشعر بالراحه الفوريه .. .... ألم الحب مرض .. يقولون إن ألم الحب يسبب تركيز هرمونات الإعياء في الدم مما يسبب إرهاق في القلب .. " يالله سترك " وبعد يقولو كبت المشاعر يؤدي إلى فقد الذاكره أدري ضيقت صدوركم بس معليش كل هذا حرصا ً عليكم علشان إلي ما يتألم من الحب يحاول إنه مايتألم < احلفي ... حل للي مايقدرون ينامون بسرعه للي يعانون من أرق في الإجازه كيف تنامون بسرعه .. يقول الباحثون أول شيء توقف على رجل وحدة لمده 30 ثانيه وبعدين روح لسريرك وخذ نفس عميـــــــق لمده 10 ثواني .. وبعدين تعطر بعطر في تركيبه ياسمين .. وتصبح على ألف خير . ... نداااااء هااااااااااام إلي ينامون بالصباح ويصحون بالليل إنتوا عارفين إن خلايا الجسم ماتتجدد إلا في نوم الليل ! وإذا مانمتوا الليل معناته إن خلايا جسمكم ماراح تتجدد وهذا يصيب ألم المفاصل والإنفلونزا وحراره أحيانا ً .. ويكفينا قول الله تعالى :::.. ((وجعلنا الليل لباسا - وجعلنا النهار معاشا)) .... انتهى موضوعي إن شاء الله يكون أعجبكم حبينا نفيد ونستفيد .. إلي عندوا معلومات مايبخل علينا تحياتي