|||| ماهـــو وقتــه..~
,احيان تكون معزوم لسهرة لاصارت ولا استوت يوم تجي تطلع من البيت
يقابلك ابوك يقول لك : رح جيب ذبيحه وودها عند الطباخ لأن بيجون
رجال يتعشون عندنــــا .. ( مالقــوا يجــون إلا اليــوم ) 
,
احيان تكون مندمج تسولف على المسن بموضوع مهم وشوي تطفي الكهرب
وصيانه لمدهـ 4 ساعـــات .. ( وش هـ النحس ) 
,
بعض العيال المطافيق يروح يجيب اخته من الجامعه او زوجته .. وبعضهم من الكسل
يوقف السيارهـ بعيدهـ عن البوابه ويروح يجيبها بنفسه يخاف من الزحمه ..
فـ بعز الظهر .. يلاقي نفســه ناسي المفتا ح جوا السيارهـ( ياحبيبي)..
||| نـــاس فـاضـيـــه ..~
بعض الناس العاطلين عن الوظيف لاشغل ولا مشغله ..
تكون وظيفتهــم الرئيســـة اذيــة خلـــق اللـــه ..
- عندهـ كمبيوتـر يقعد يهكـر بالمنتديات ولا يرقم ذي ويسولف مع ذي 
..!
- وبعضهم عندهـ سيارهـ آخر موديل يقوم يفحط بها .. ولا يغير شكلها وتصير ( هوقاهوقن ) 
- بعض البنات العاطلات من كثر الطفش تلاقيها تسولف مع نفسها وتحكي وحتى اهلها يطفشون من قرقرتها 
- وبعض البنات من زود الفراغ تقعد تسوي خلطات بوجهها ولابشعرها .. على شان لاجت الصيفيـه تصيــر تركيــه ولافرنسيــه 
.!
,
فيه ناس يفرحون لااشتروا جوال جديد تلاقيــة دايم بيدهم .. ولاحاضنينه
ولا طول الوقت يروح ويجي يشوف احد ماسكـــه ولالا ..وحتى بالســـوق
تشوفهــم يطلعــون ويدخلون يورن الناس انهم معاهم جوال جديد وكشخه
( طيب وبعدين ) 
||| لقافـــه × لقـافــه ...~
احيان يوم يكون فيــه موضــوع مهــم وخطير يتناقشــون فيه اهــلك قدامـك
ومايبونك تدري عنــه .. ويقولون لك اطلع وسكرالباب .. تلقى نفسك تروح وتجي
عند الباب .. ولا تسوي اي شغلــه إلا شاء اللـــه تكنس الي عند الباب
على شان تسمع .. ( ياويلي على اللقافـــه ) 
,
بعض الاحيان تجيك رساله على الخاص من بنت اوالعكس من ولد لبنت
وتقول : تعال المسن ابغاك ضروري الموضوع مايتأجل .. وانت تطير بالنضيم
ودك تعرف وش هـ الموضوع .. تستنى وتستنى .. وحتى بعض الناس
من اللقافه يسالون عنها يشوفون هي فيه ولالا ( لامو كذا اللقافه عاد )
,
بعض الناس يستعجلون يوم يكتبون رساله بالجوال ..
وبعضهم يرسلون وكلها أخطاء إملائيــة .. والجمل مكانها غلط × غلط
يعني ماادري ليه العجلــه ..
( اسمع جيب معاك مزيل عرق من الصيدليه , وجيب تايد وكلوركس
ولاتنسى ابغى بطاقه شحن .. بالفلوس الي عطيتك ورجع الباقي )
وحدهـ متزوجـه بترسل لزوجها من العجله رسلتها ..لجارتها
الي ماتشتهيها
:
||| يـومـيات بـخيــل..~
يبـه ابـي ريــال
الأبو: ماعنــدي !
يبه ريال واحد بس ..
الأبو : اقول لك ماعندي ..
يبه طيب نـص ريال ..
الأبو: ماعندي ماتفهم انت
يبه طيب قــرش ..!
الأبو: لحظــة ..
عندي هللة تبيها ..!
,
تدرون اخس شيء بالحياهـ البــخل ..
وحتى الرجال البخيل مذموم من المجتمع الـــي يعيش فيه وبالذات اسرتــه ..!
ولاموب بس كذا تلاقونــه بخيل ( بالمشاعر , بالكلمة الحلوة , بالفلوس )
بكل شيء ..!
|||..رجل بخيل من واقع الحـياهـ ..
هذا رجل بخيل يسكن بالــرياض ويشتغل باليوم شغلين عسكري ( مــلازم ) ..
وسمكري ياخذ عمارهـ كامله ويسمكر الكهرب فيها .. وغني بالحيل ..
ولــكن فيــــه عيب واحد إلا وهو ( البخل )
شوفوا وش كان يسوي ..!
1- من شدهـ البخل نعوله لاانقطعت يخيطها ..
2- باب الحمام متآكل من الدود بدال مايغير الباب شال الباب وحط بداله شرشف 
..!
3- ملابس بناته حقت المدرسه من اولــى ابتدائي الـى سادس نفس المريول مايتغير ..
4- بدال مايكلف على نفســـه ويدوي عيالــه للمدارس يخليهم يروحون مشي .
5- سيارتـه قديمــة مرهـ ومصديـة حتى لاطالعت على رجليك تخاف على نعولك
لاتسقــط بالشارع ..!
ماأقوووووول غيـر إلا : [ياحــظ عيالـــه لامات ابوهـــم] ..
المساحـــة لكم ..