أقتباسقمر للحين مآسويتي شيء ؟؟ أقتباس لا لازم تقولين .. قريت الصفحآت الثلآث وتحمست أبشوف وش النهآيه .. قولي لنا .. أقتباس الحيين يعني تتغليين ولا وش؟؟ قال ماابقوول لكم قاال كل هالنااس اللي متاابعيين قصة عزوومي وعبييير يبوون يعرفوون النهااية طييب... لآآزم تقووولين.. ننتظرك... / ماننحرمش باك اطلز باك ادري>> الموهم رجعت عشانكم بس والا انا مسويه مقاطعه >>برا لاصدتس لاخلا ولا عدم من ذا المتابعه حسستون اني غطيت على (مافيه داعي يلمح الجرح حساد)>>نامي بس اييه وين وصلناا ايوه وش سويتي مع عبير الهبلا يانوير؟؟ سلمكم الله.... عاد شوفوا هالبنت ذي يامسكينه ياضعيفه يابه خلل عقلي يانفسيه يابه فشل كلوي>>وش دخل الاخيره طيب وكل الطرق تؤدي الى روما مسكته طول الله بعميركم هاك اليوم وسردت له السولافه كله وقلت ترى كيت.. وكيت.. وكيت.. وهي طول الوقت ساكته اعرفوا اني بعد كل جمله ارسل اشارة تنبيه احسه ماتستوعب الا كذا ويوم قضيت سارده القوصه المخجله والمؤلمه بنفس الوقت وأتبعت ذلك بمسح قطرات العريقات من جبيني وقلت هاه وش ردتس؟؟ قالت طيب هو جا من السفر والا بعد..!! ياربي انتحر انا والا وش اسوي بعمري قلت يامن الحوله احاتسي روحي على قولة السدحان قلت يابنت الحلال من قالتس ان عمره طلع من عونيزتنا بس معين تفهمين انتي قالت انتي انسانه حقوده وتبين تفرقين بين العشاق او قالت كلام بما معنى ذالك قلت شوفي تبين تصدقين بكيفتس ماتبين بكيفتس بعد عندتس 1 2 3 4 5جدران مع الغمى اختاري اللي يناسبتس وتحسينه مرتب وطقي دميجتس والا لاتطقينه اصلا فارغه اخااف تشطب وبعدين هذا جزاي الحين اللي لعنت ابن ابي وامي على شانتس وخليته يمسح صورتس اللي كل وحده تقول الشين عندي مير الشرهه موب عليتس على نوير اللي دفعت عمره عشانتس>>وش تحسين بوه واصكه بلوك تحبه قلوبكم يوم صار عقب يومين ومير اشيل البلوك قلت يمكن تحسفت يمكن اتسعد الله بصيرته على قولة تيتا>>اوما تيتا كثري منه وأول ماشلته ومير تهبلن وين عزام انتي وش قلتي له وو.... قلت الناس يسلمون اول يرحبون قالت لاهلا ولا مسهلا وانا الي ارجع البلوك مره ثانيه مافيش فيده الظاهر لا والمشكله بهالتوبيكاات قطعن قلبي مره وين انت؟؟ ماهي مثل وين انت دايم ومره والله واحشني زمانك ومن يوم ماعطيته ذاك البلوك ماشلته الى يومكم وتوته توته خلصت الحتحوته>>هي تسذا