القوس قوسك والسهام سهامك .. مالي على رمشن تسله قوه
انا اسيرك واقفن قدامك .. واللي تبيه تسويه فيّه
سوه
وثقت في قلبك وطيب انسامك .. ماظن تظلم وانت فيك امروه
قلبي رهيف ولا يروم هيامك .. توه تعلم كيف يعشق توه
قلبن جبرته لا ترص احكامك .. خفف على قلبن حكمت بجوه
يفداك لكنه يشيل احلامك .. ملكك ولا لي منه غير امخوه
بك زين من راسك إلين ابهامك .. والليل ياخذ من صباحك ضوّه
مايحجب الوجه الصبوح الثامك .. طلتك دايم يالحلى محلوّه
