أقتباس اقتباس: المشاركة الأصلية كتبت بواسطة سيدة خلانها . علمينا بالمستجدات حريم لازم يعرفن السالفه قمر ... بالله علمينا بالجديد علمينا بالمستجدات دوكم: هماي قلت لكم اليوم بتصرف مع عبير الصراحه غيرت وجهتي وقلت الاقربون اولى بالمعروف فكرت اني اتصرف معه هو واحطه بالامر الواقع جيتكم وحشرت عزومي بربعه ماادري زاويه المهم اني حجرته وقلت اسمع يالتسلب اما تقولي وش قصك مع الي اسمه عبير وتنهي سالفته والا اتصرف معك تصرف ثااني..! بالاول شاتن شوته يحبه قلوبكم قال خوفتين الصراحه قعدت ارجف يمممممه..> بعدين ارتد نظره الي باستعجاب مره اخرى>>متعووب عليه هالعبااره ترى وشو وش عبيره وش دراك انتي هااه؟؟ ومسك عنقي بعنف>>مثل اللي قبله بسطر تججسسين علي! قلت عزام فك وافك اول شي بعدين ترى قسمن باللله ان ماغديت رجاال تراى ابقول لبوي نبذه عن ابوي(ابوي هذا اقوى واحد بالعالم..شديد على العياالين,,حنوون على البنياات والصبايا..كلمته الشهيره:يااحلالاات لو الخلفه كله بناات>>بعذره اللي عنده مثل عزومي واشكاله..وانا وأمثالي) الموهم ان عزومي يوم سمع طااري ابوي ومسبوقتن بحلف قال طيب خليناا نتفااهم قلت ماابوه تفااهم يالخسيس وانا اللي اجيب لاب توبه واجدعه بوجهه بغى يكسر راسه>>حسيت اني قويه بذيك اللحظه قلت افتحه قدامي عجل وامسح كل الصور والمقااطع اخلص قال طيب وشلون دريتي انتي قالت مهب شغلك خلص وبعد مفاوضات استمرت ربع ساعه تقريبا ورفض تاام بالاعتراف من قبل القوات القمريه رغم جميع المحاولات العزاميه التي قوبلت بالرفض التام>>داخله جو مع غزه وهو اللي يمسحهن واحد ورا الثاني قلت اسمع ترى مثل مادريت بسواليفك يالداشر تراي ادري ان كاان بووه مقطع منا والا منا او صوره منا والا منا ماانمسحت فهمت قال وقسم بالله كل شي مسحته بعدين لاتنفخين لابطرااق بعدين رجع وعينااه تبلص من البراءه>>عربي&قصيمي قال طيب وشلون عرفتي تكفين قلت اذا سمعت كلامي اليوم كله علمتك>>استغلال قال اقوول اشتغل عند ابوتس انا قولي لابالنعله قال لا بس ذا نوع من العقاب بحكم اني اختك التسبيره بكيفك تبي اعلمك ذا شرطي وانطم بس لااعلم ابوي يجي يكوفنك بذا>>لااحد يسألن وش معناه سمعته من ابوي قبل سنتين وثلاثت اشهر بالضبط وانا اللي اكرفه اليوم كله رح جبلي من كودو //من هرفي//ودني للسوق//خذ بي دوره حول البيت//رح للبقاله جب لي توكس //اشبك الشاحن بالاب توب//جب لي مااء//حتى بغيت اخربها اقول البس تنووره ورح للجامعه بدالي... ويوم دقت الساعه 12الا دقيقه.. قال يالله قوولي بسرعه وانا اللي ابلع ريقي بصعوبه ياربي وش اقولوه اللحين قلت لا سااعتي انا للحين 9 ماحسيت الا بكف على حدى خديداتي ماادري ايهن من قوتوه قلت يااخييي وراك تسذاا جفس امزح معك يابن الحلال قال من اليوم لاعنتن خيري مابقى الا امسح نعالتس وانتي تتريقين علي قلت لا محشووم يااخيي>>توه تجي محشوم الموهم اني مادري وش اقولوه ان قلت له الصدتس يبي يلعن خيري ويقول هذا جزاي اللي وثقت بتس وش اقول وش اقول وش اقول وانا اللي تنبت لمبه براسي >>اول مره اعرف ان اللمبه تنبت! زي ذولا النصابين اللي بسبيستون قلت هي اللي اضافتك والا انت قال لاوالله انه هي قلت اها حلو.. اسمع الصراحه الصراحه ان عبير هذي وحده معي بالقاعه قال وشو تعرفينه قلت ايه قال انتي اللي معطيته ايميلي قلت لا وقسمن بالله هي اخذته لقته بحدى مذكراتي قال وانتي وش جابوه لمذكرتس قلت تذكر يوم تعطين اياوه واكتبه بمذكرتي كتبت بجنبوه خيوو عزومي>>والله مااذكر وين كتبتوه اصلا العام يعني المذكره يمكن تغيرت قال ايوه طيب قلت ايه جتني ذاك اليوم قالت ساامحين واعترفت بكل شي قالت انا صار لي موقف أليم وفقدت غالين من اهلي والحادث هو( وألفت له قصه هاالكبرر حتى بغيت انا اصيح >>هذي فاايده افلام الرعب اللي مقابلتهن كل النهار) ان بيتهم احترق واحترقت امهم وخواته وهي تناظرهم ماقدرت تساعدهم و مابقى الا هي.. يعني صحت الا شوي >>كذبت الكذبه وصدقته وانه تقول اني تبت والنت بكبره تركته حتى الايميل عطيته ابوي وان الصور هذي ميب لي لوحده من صديقاتي بس كنت العب عليه تكفين قولي له يمسحهن>>عشان يعرف ان البنات بعد ذهيناات >>والله من جنبه لاني ماقدر ادخل النت مره ثانيه وخليه يعطيني بلوك ويحذف ايميلي لان ايميلي يستخدمه ابوي اللحين حتى لو اضافه مره ثاني لايقبل اوكي قلت زين وهو الللي يصير وجه كذاا مابين مصدق ومكذب بس القصه الحزينه اللي عطيته تأثر منه شوي قال اهااا زين قولي له الله يسامحه اللي لعبت علي قلت بس وانت مااقوله تسامحك يوم لعبت عليه قال هااه الا بس هي اللي جابته لنفسه انا صراحه فاضي واوسع صدري قلت توسع صدرك على بنات خلق الله قال هي بعد لعبت علي عطتن صور مهيب له كذا متساوين قلت هااه ايييه صح. . وش رايكم بتصرفي عاد مابي من اخوي شوي عاد من الجهه الثانيه بتصرف مع عبير انا بس قولو لي وشلون؟! ودمتم سالمين!>غبار
. علمينا بالمستجدات حريم لازم يعرفن السالفه