( ترانيم الزعيم ) مبدعه يا أختي ..
عن جد حركتي فيني ألم وحرقه بداخل قلبي وكنت بأكتب بهذا الموضوع بس سبقتيني وتستاهلين يا الغاليه ..
والله أنا لي أخو عمره 30 سنه أصـم وأبكـم الحمدلله متزوج وعنده ولـد عمـره الآن سنـه و3 شـهـور , بس نظرة المجتمع له فيها رحمه واستعطاف وهو ما يحب أحد ينظر له بهالنظره لأن يحس أنه مثلنا وأحسن بعد وأحياناً يحسبون إنه ما يفهم شيء رغم أنـه ذكـي ودارس بالجامعه والآن موظـف والشركة تعتمد عليه بكل شيء ..
والله في بعض المرات يلعبون عليه بعض المحلات ويآخذون منه مبالغ أكثر من قيمة الأشياء اللي اشتراها بس والله العظيم اني أحسده على النعمه هذي على الأقل ما يآخذ ذنوب ..
ومن طيبته وخوفه علينا ما ينام لين يشوف كل البيت نايم ويمـر على كل واحد في الغرفه ويلحفه اذا مو متلحف عدل ويلبي احتياجاتنا وهو مصدر بركة بيتنا الله يخليه لنا هو وزوجته وولده (الله يحفظهم).
وبصراحه جماعتنا يحبونه حيل , حتى إذا طلعنا إحنا وياه لمكان وعرفوا انه اصم وابكم يتكلمون معاه ويبتسمون له وهذا اللي يريح بالي وبال امي اللي تموت عليــه وحالفه هي وأبوي مـا يطلع من بيتنا مهما كان السبب .
فيه مواقف كثيره بعضها يقهر وبعضها حلو بس صعب احصيها , وهالفئه اموت فيهم وبأحساسهم وخوفهم على الناس ..
{ على حسب نظرة المجتمع لهم تقف أحلامهم اللافته أو تتحرك }
مشكورة على اسلوبك وطرحك الراقي ..
نلتقي بإبداع جديد بأناملك الرائعه..
دمتي لي أختاً ...
أخ ـتك: نبض محمد بن فيصل.