الله الله .. والله شيء يشرف ويبيض الوجه فعلاً .. ولازال الشق الأكبر في الموضوع هو وين الأعلام قبل الدوله عنهم ..؟! يعني مافيه نقل إعلامي كبير للدور الرائد اللي يقومون فيه اذا ماأخذنا بالاعتبار على ماتقولين أن جامعه سعود ومركز الملك عبدالعزيز والسفاره تدعمهم فهذا جانب حكومي ونقول دعمـوا رغم القصـور .. بس وين الأعلام ..؟! يعني شباب وفكره وهم يسوقون لأنفسهم باليوتوب والفيس بوك ..؟! مو حرام هالشيء ..؟! قسم بالله شيء يغبـن ..! هالمجموعه هي تبي تكون رائده الجسر التواصلي بين البلدين اللي للأسف منقطعين .. كثييييير هنا شباب يحبون اليابان وأولهم أنا .. أموت فيها كدوله / كفكر / كلها على بعضها أحبها مجملاً .. بس للآسف أفتقد أبسط الأساسيات في مثلاً : اللغه اليابانيه , العادات اليابانيه .. عندي مخزون جيد عنهم كدوله بس أقولك مب للدرجه اللي أعشقهم فيها .. والسبب ليه ..؟ لأني للآسف مالقيت جو مهيأ ..! في كل الدول العالميه تلقى ثقافه شرق أسيويه عندهم وبالعكس يهتمون بالدول هذي لأنها تعتبر من أوائل الدول المفكره والمصنعه .. بس حنا .. نايمين بالعسل كالعاده .. حتى القنوات الخشبيه عندنا ماهي مكلفه على عمرها تنقل فيلم واحد بحياتها ياباني أو برناج بس تنقل أفلام أمريكيه , بريطانيه , كنديه وغيرها .. المقصـد .. أننا هنا كارشين اليابان وثقافاتهم وتعاملهم برا .. وماحنا معطينهم وجه مع أننا حنا الخسرانيين ونظن هالشيء مب مفيد لنا .. بس الدول العالميه تهتم فيهم أكثر منا لأنها فعلاً شعوب لابد أن تكون صديقه .. الله يوفقهم هالشباب وأتمنى أشوف لهم دعم أعلامي أكبر من الحاصل .. وأتمنى يكون برضو فيه دعم من الحكومه لهم أكبر من هالدعم .. هم رواد حركه ثقافيه وخطوه قيمه في التواصل بين الشعوب .. غزيل : حضـور يشرح الخاطر .. لاهنتي ..