×× البارت الأربعين ××
( في بيت اروى )
كانت اروى تتجهز للملكة وكانت عندها الكوفيرا واهل الهنوف كلهم ..
اروى ( شافت رساله مشعل وجلست تقراها اكثر من مرهـ
وودها تتصل عليه بس ماقدرت لأن الهنوف جالسه عندها )
الهنوف : اروى وش احط مناكير .. برتقالي ولا احمر ..
اروى ( مالها خلق تتكلم ): مدري الي يعجبك ..!!
الهنوف : وش فيك مادهـ بوزك شبرين ..!
وهذا الي يشوفك يقول عندك عزاء منتي العروسه ..!
اروى ( تفكر بمشعل ) ..
الهنوف : اروى تركي اتصل يقول تبين شيء ولا ناقصك شيء ..!
اروى : ليش يسأل ..!
الهنوف: توني قابلته بالصاله يقول بيطلع عند مشعل لأن صار لأبوهـ حادث ..!!
اروى ( بصراخ ): وش قلتي ابوهـ صار له حادث ..!!
الهنوف : ايه تركي يقول كذا ..!!
اروى ( قلبها يعورها وحست بالعبرهـ ): طيب ماصار عليهم شيء ..!!
الهنوف : والله ماادري ..!!
بس خليك منهم الحين اسوي مكياج ثقيل ولا هادئ ..!!
اروى ( طنشت الهنوف وجلست تفكر بمشعل وقلبها عورها عليه ..
وودها تقوم وتروح تكلمه بس الكوفيرا مااعطتها مجال .. وكانت متضايقه
وتعصب من اتفه شيء ) ..
:
بعد صلاهـ العصر ..
رجع تركي وخالد من المستشفى ..
وخالد كان متأثر حيل لأن صديقه مشعل كانت ظروفه صعبه ..
وماتهنى برجعته .. وكان يتمناهـ معاهـ بيوم ملكه اخته ..!!
تركي ( ماحس بالفرحه وحس بأنه يوم عادي مثل أي يوم لأن خوياهـ ماهم معاهـ
وكان يفكر بلياااان كثير .. وودهـ يسأل ويتطمن عليها بس لما يتذكر بالموقف الي صار بينه
وبين ناصر يحقد عليها اكثــر ) ..
( في المجلس )
تركي : خالد انا بروح لبيتنا ابتسبح واجيب ثوبي من الكواي .. واجي بعد صلاهـ المغرب ..
خالد : لاتتأخر تعال بدري ترى المعازيم يجون بدري مرهـ ..
تركي : لا ماراح اتأخر .. بس بالله مر على المحل الي عند بيت مشعل
حق البتيفور .. حجزت عندهـ قبل كم يوم خذ الفاتورهـ وجيبها ..!
خالد ( مايبي يروح ): خخخخخخخخ تركي روح انت .. مايمديني والله ..!
تركي ( حط يدهـ فوق راسه ): ياربي يعني اروح انا ..!!
خالد : ايه خخخخخخخخخخخخ
تركي : مالت عليك بس خخخخخخخخخ
:
قابلت الهنوف تركي وهو طالع مع الباب ..
الهنوف ( تنادي ): تركي تعال ابيك ..
تركي : وش تبين ..
الهنوف ( تطالع بتركي وتضحك )
تركي ( مستغرب ): وش فيك تضحكين ..!
الهنوف : اضحك على غبائك ..!!
تركي : غبائي ..!!
اقول اخلصي تأخرت متى اروح ومتى اجي ..!!
الهنوف : ياخبل ورى وجهك كله شعر وليش ماحلقت ..!!
تركي ( تذكر بأنه نسى اهم شيء ): ياربييييي ياربي وش هـ النسيان ..!!
نسيييييييييت مرهـ ..!
اصلن ماطالعت بالمرايه ابد خخخخخ
الهنوف : ههههههههههههههههههههههههههههههههههه
( تغمز لتركي لحست عقلك اروى ..! )
تركي ( بينه وبين نفسه ): بلاك ماتدرين من لحس مخي ..!!
اذلفي يالله بروح ..!!
الهنوف : ايه بس اروى ..!!
تركي ( بأستغراب وش فيها ): مدري مو على بعضها معصبه وكأنها مغصوبه
على الملكة ..!!
تركي : افا وش هـ الكلام ...!!
الهنوف : والله حسيت كذا ..
تركي : متأكدهـ انتِ ..!!
الهنوف : ايه والله حتى اقول لها سوي مكياج حلو وكذا ..
تقول : لا ماابي بس ابي كحل .. وهي بالأول طايرهـ فيك وتقول بسوي
وبسوي والحين مدري وش بلاها كل ماقلت شيء عصبت علي ..!!
تركي : اها .. طيب يمكن متوترهـ بس لاتضغطين عليها
تراها حبيبتي خخخخخخخخخخخخخخخخ
الهنوف : طيب يالحبيب خخخخخخخخخ
:
طلع تركي وهو محتاس مرهـ وبراسه الف شغله وشغله ..
:
( في بيت مشعل )
مشعل رجع من المستشفى وراح عند امه بالشقه .. وكان يشكي لأمه
عن ملكة اروى .. وكان يبكي ومقهور ..
ام مشعل : ياابني خلاص لاتبكي ..
ابوك محتاجك الحين نام لك ساعتين وروح لعندو ..
مشعل ( يتنهد وحس بأن قلبه يتقطع بالتدريج ): آآآهـ يايمه قلبي يوجعني ..!
ام مشعل ( حست بولدها ونزلت دموعها ): ياابني لك قطعت قلبي
مابحب اشوفك عم تبكي ..!!
مشعل ( يناظر بأمه والعبرهـ تخنقه راح ضم امه وجلس يبكي ) : يمه رح تتزوج اليوم
وتخليني ..!!
انا حبيتها يمه بس هي ماتبيني .. بتموتني يايمه بتموتني ..!!
انا الي احبها مو تركي انا الي ضحيت بصداقتي بخالد على شانها ..!!
( بصراخ ) يمه ليش كذا حظي ..!!
ابوي ومايبيني ..
واروى ماتبيني ..!!
ليش كذا انا ..!!
لييييييييييييييييييش
ام مشعل ( تمسك مشعل بقوة وتمسح دموعه ): ياأمي لاتبكي ..
لاتحرق لي ألبي .. شو بدك بأعمله بس لاتبكي ..!!
مشعل ( عيونه حمراء من كثر البكاء ونام على رجول امه ويتكلم بصوت واطي ): خلاص يمه انا ماعاد بي حيل .. انا تعبان قلبي خلاص ماعاد يتحمل ..!!
ام مشعل ( حاولت تسحب مشعل لفراشه ): قوم نام وبصحيك العشاء تروح لأبوك ..
الله يكون بعونا ويصبروا على بلواهـ ..
:
راح مشعل لفراشه وضم المخدهـ وبكى وكان يتألم من القهر وحس بأنه منبوذ
واروى مافكرت تتصل عليه ولا عزته بوفاهـ زوجه ابوهـ كان متضايق وطول وقته يبكي ولا عارف وش يسوي )
( في المدينه )
ليان كانت جيعانه مرهـ وتنتظر حصه تجي تفتح لها الباب ..
دقت الباب ليان وتنادي على حصه ..
من ورى الباب ..
ليان : حصه انا جيعانه ..
حصه : ادري ياقلبي بس عزوز بيأخذك جدهـ ..!!
ليان ( بطنها يطل اصوات ): ياربي وليش يوديني ..!!
بيزرع لي شعر ولا ايش ..!!
حصه ( بلا شعور ): ههههههههههههههههههههههههههههههههههههه
هههههههههههههههههههههههههههههههههههههه
وش دخل شعرك ..!!
ليان ( منقهرهـ ): وتسألين بعد شعري قطعه والله لو تشوفين الأرض مليانه من شعري
حسبي عليه الظالم ..!!
حصه : لاتتحسبين عليه الحين يجي ويجيب المفتاح ترى جهزت لك أغراضك ..!!
ليان : وبعد مجهزتها ..!!
ماني رايحه عظامي تعورني حيل وماقدرت انام يدي توجعني من اول
والحين كسرها لي ..!!
حصه : خليك ساكته لايكسرها كلها الثنتين ..!!
ليان : اوووووووووووووووووف بس ..!!
حصه : بروح اشوف ابوي ..
ليان : طيب ..
:
ليان ( تفكر ): وش عندهـ عزوز بيوديني جدهـ ..!!
ياربي بس الحين اروح انا وياهـ وبيضربني ومابه احد يفكني منه ..!!
يارب سالم يجي معنا ..!!
خلني افتح الجوال اشوف احد ارسل لي ولالا ..
فتحت الجوال ولقت كذا رساله من اصحاب تركي يباركون
ومافهمت وش السالفه .. ولقت رساله من عبير تقول
( مبروك يالمزيون مبروك منك المال ومنها العيال ..
بس صدقني ياترك لو تاخذ الف بنت رح احبك احبك احبك وماراح اتخلى عنك
متى تجي جدهـ بس تنور والله ..
مشتاقه لشوفتك ياروحي ..)
ليان ( انصدمت وجلست تقرأ الرساله اكثر من مرهـ ): يعني تركي تزوج !!
( حطت يدها على قلبها ): مستحيل ...!!
طيب ذولي يباركون مثل عبير يعني تزوج ..!!
طيب وانا ياتركي ..!!
لالا مااصدق غير أتأكد يارب مو صدق الي قاعدهـ اشوفه يارب مو صدق ( بلاشعور نزلت دموعها وجلست تدق على محمد وكان انتظار ربع ساعه )
ليان طفشت وماكنت متوترهـ ودقت على حسين ..
ليان ( تحنقها العبرهـ ): الو
حسين : الو
ليان : السلام عليكم ..
حسين : وعليكم السلام .. بس ارفعي صوتك لأني مااسمعك زين ..!!
ليان : حسين انا ليان ..!!
حسين : اهلييييييين ليان هلا والله شخبارك ..!!
ليان ( تبكي )..
حسين : ليه ليه ليه تبكين عسى ماشر ..
ليان ( حاولت تتمالك نفسها ): اخباري زفت ..
حسين ( شك بالموضوع ):وش فيك ..!!
ليان : تركي وينه ..!!
حسين ( مايدري وش يقول لها وارتبك ): ماتدرين وينه ..!!
ليان : لا
حسين : طيب رقمه وش جابه معاك ...!!
لان : هو اعطاني اياهـ ووعدني يدق ولا دق وله اكثر من شهر ولا
ارسل ولا سأل عني ولاشيء ..!
حسين ( مستغرب ): ليان انتِ تلعبين على الحبلين ..!!
ليان ( مسحت دموعها ):مافهمت عليك ..!
وش تقصد
حسين : انتِ تكلمين ناصر وتركي ارسي على بر ..!!
امس جاني ناصر وحالته حالته وتركي سافر وبسرعه البرق ملك ..!!
ليان ( انصدمت من كلام حسين ودقات قلبها سريعه ): ملك !؟
حسين : ايه اليوم ملكته .. ليه ماتدرين ..!!
فجأهـ
فتح عزوز الباب .. وليان قفلت الخط بسرعه وحطت يدها ورى ظهرها والجوال معاها ..!!
عبد العزيز ( مستغرب ): وش فيك تبكين ..!!
ليان ( خايفه ووجهها شاحب مسحت دموعها وجلست على السرير )...
عبد العزيز ( بعصبيه ): سألتك وليش ماتردين ..!
ليان ( نزلت راسها وماهي قادرهـ تمسك دموعها ) ..
عبد العزيز : قومي يالله البسي عباتك الهيئه دقت علي وقالت
تعال وجيب اختك معاك ..!!
قومي يالله بنشوف مصيبتك الجديدهـ وش هي ..!!
:
طلع عبد العزيز من الغرفه وليان نامت على السرير وتبكي بصوت عالي ..
( بينها وبين نفسها ): آهـ يالخاين اليوم ملكتك ..!!
ومعطيني الجوال تذكار تلعب علي واستغليت طيبتي ..!
ياقلبي المسكين ماادري ان الهوى سكين ..!!
آآآآآآآآآآآآآهـ بس آآهـ مايفيد الندم انا الغبيه الي تركت ناصر
وخدعني جماله .. انا استاهل اكثر من كذا ..!!
:
دخل عبد العزيز على ليان ويفكر بأن ليان تبكي على الي سواهـ فيها
كان متندم ويحس بالذنب وأنه قسى عليها كثيييييييير ..!!
عبد العزيز ( بصوت واطي ): ليان يالله قومي .. انتظرك تحت ..!!
ليان ( قامت وكانت تبكي وراحت واخذت اغراضها وسلمت على ابوها وعلى حصه
وحست بأنها عايشه على كيف مايشتهي عبد العزيز وين مايبغى يوديها تمشي وهي ساكته .. وكانت طول الطريق تبكي بصمت ومتندمه على كل شيء بينها وبين تركي )
( في جدهـ )
منى اتصلت على عبير ولهم اكثر من ساعه يتكلمون بنفس الموضوع ..
عبير: يامنى افهميني انا مااقدر اجيب لك هـ المبلغ ..!!
وحتى لو طلبت ناصر بيعطيني وزود .. بس رح يحقق معاي ولانتسين انتِ تبين فوق العشرين الف ..!!
منى ( حست انها بورطة كبيره ): انا وش اسوي والله محمد شاك فيني ..!!
ويزعل كل مايشوفني اكلم بالجوال ...!!
عبير : خلاص لاتكلمينه طيب ..!!
منى : انا اصرفه وابي متعب ينسى الموضوع بس المشكله مهددني
بيتزوج هو وناقصه هـ المبلغ وانا أخاف يأذيني .!!
عبير : والله مدري شقول لك يامنى ..!!
انتِ دخلتي نفسك بمتاهه ماادري كيف تطلعين منها ..!!
منى ( تبكي ): كله منك ..!!
عبير ( بأستهزاء ): مني انا ..!!
وليش ياعمري وانا وش دخلني .. انا ماضربت على يدك وقلت سوي
شيء منتي قدهـ ..!!
منى ( بندم شديد ): وانا سويت كذا كله على شانك وماابيك تزعلين ..!!
ولاحتى تبكين ..
عبير : هههههههههههههههههههههههههههههههههههههههههههه
من جد طيبه انتِ على شاني انا ..!!
مااصدق ..
طيب اسمعي انا عندي خط اكلمك بعدين ..!!
قفلت الخط ..
:
منى ( متندمه على تضحيتها لعبير والي كلفتها تدفع الثمن غالي وعرفت بأن عبير
نذله وتدور على مصلحتها .. ومن النوع الي يتمسكن حتى يتمكن ..!! )
:
عبير : والله ضحكتني تسوي مصايب وترمي بلاويها علي ..!!
خليني اكلم سارهـ الغبيه ..
عبير تتصل اكثر من مرهـ ..
وبعد 6 اتصال ردت سارهـ ..
سارهـ ( بدون نفس ): وش تبغين
عبير : افا ياسارهـ وش تبغين كذا ..!!
سارهـ : اقول اخلصي علي هاتي من الأخير وش تبغين
الذاكرهـ لو تموتين ماعطيتك اياها ..!!
عبير: لا وين مااتصلت على شانها ..!!
(بكذب )لأن عندي نسخ منها مو نسخه هههههههههههههههههههههههههههههههه
سارهـ ( انقهرت ): طيب وغيرهـ ..!
عبير: ابقول لك حاجه واسمعيها زين ..
سارهـ ( تغني طاطش ماطاش ) ..
عبير ( انقهرت من سارهـ ماهي معبرتها ) ..: سامي ابعدي عنه
ولا تقربين منه .. انا احبه وابغاهـ لي ..!!
ومااسمح لك تكلمينه او تتصلين فيه ..!!
عبير ( فتحت مسجل الصوت ) ..
سارهـ : ههههههههههههههههههههههههههههه انا بتصل على سامي او بكلمه ...!!
آخر شخص اتنازل له وافكر مجرد تفكير بأني اكلمه ..!!
(سمعت نغمه التسجيل ) : وش ذا انتِ حاطه على المسجل ..!!
عبير: ايوااااااااا بزاتوو خخخخخخخخخخخخخخخ
وشكرا الي ابيه وصلت له ..
ومثل مادقتي باب الناس يندق بابك ..!!
وسكرت الخط ..!!
:
عبير : ههههههههههههههههههههههههههههههه اوريك ياسارهـ على شان
ثاني مرهـ ماتحرقين قلبي وتاخذين المومري .. خلي قلبك الحين ينحرق على سامي
وموتي حرهـ ..
:
( في بيت سارهـ )
سارهـ : ياربي صدق انا غبيه ..
الحين تكذب علي وتسمع سامي الكلام الي قلته وثم يحقد علي ويكرهني ..!!
اصلن هو كارهني من زمان لو يبغاني كان اتصل علي من بعد ماتقابلنا بس ماش حظي بارجال اردى من الردي خخخخخخخخخ يمكن لأني مو حلوة وشعري خشن .. وماني بيضاء بالحيل .. يالله بدال ماينقرد معي تاخذهـ وحدهـ تستاهله خخخخخخخخخ
( كانت قنوعه مرهـ وفكرت بأن سامي مايفكر فيها اصلن وهي ماتبي
ترمي نفسها عليه .. وكان عزيزه نفس وقويه شخصيتها حتى بأصعب المواقف وكانت تردد هـ البيت ..
كني فقدت الهوى بأسباب زلاتي ..
آدم فقد جنته بأسباب تفاحـــه ..!!
دق ناصر على جوالها ..
سارهـ ( بدلع ): اهليييييييين ..
ناصر ( بخبث ): هلا ليونه شخبارك ..
سارهـ : الحمد لله تمام ..
ناصر : تدوم افراحك حبيبتي ..
ناصر : اليوم موعدنا صح ..!!
سارهـ : صحين ..!!
ناصر : وش راح تلبسين لي ..!!
سارهـ ( مستغربه ): وش دخل اللبس الحين ..!!
ناصر : احلى شيء البجامه تصدقين خخخخخخخخخخ
سارهـ ( ماهي فاهمه شيء ) : ايه احلى شيء هي خخخخ
ناصر : خلاص ابنتظرك حبيبتي بنفس المكان الي اتفقنا عليــه ..!!
سارهـ : اوكيه ..
ناصر : باي عيوني
سارهـ : باي ..
سارهـ : يالبثارهـ كيف ...!!
اووووووووف من هـ الآدمي خلني اليوم اروح واعترف له ...!!
وهو فكر يسوي شيء .. الله يعينه ..!!
:
ناصر ( اليوم نهايتك ياسارهـ اليوم اليوم ) ..
( في الجنوب )
تركي كان يكلم محمد ,
محمد: تركي انا موافق على هـ الشيء وتوكل ولا تخاف ..!!
تركي : والله متردد ..!!
محمد : اقول خلك واثق وترى لافات الفوت ماينفع الصوت ..!!
تركي : طيب .. اكلمك لاخلصت ..!!
محمد : يالله بالتوفيق ..
:
راح تركي جاب ثوبه .. ومر من عند المحل ياخذ البتيفور خايف ينساه
وشاف سياره مشعل واقفه ..
تركي ( بينه وبين نفسه ) : ايه اشوى ..
نزل تركي وراح لشقه مشعل دق الجرس ..
ام مشعل : مين ...!!
تركي : انا تركي مشعل فيه ..!!
ام مشعل ( بينها وبين نفسها ): هذا الي بيتزوج اروى ..!!
ايه ياابني مشعل عم يبكي وتعبان وماودوا يشوف حدا ..!!
تركي : خالتي ليش يبكي ..!!
ام مشعل ( تصرف ): على شان زوجته ابوهـ توفت واخوانوا بالمستشفى ..!!
تركي : متأكدهـ من الكلام ..!!
ام مشعل(تصرف ): خليني اشوف مشعل دقايق ..
:
راحت ام مشعل تقنع مشعل بأنه يقوم يكلم تركي ..!
بالقوة قام مشعل وراح وفتح الباب ..
تركي ( انصدم يوم شاف حاله مشعل .. وعزم مشعل وامه للملكه ) ..
:
( في بيت اروى )
بعد صلاهـ العشاء ..
كان البيت مليان واجواء احتفاليه .. واروى كانت مسرحه
وبالها مو معاها ..
ام خالد : اروى وش فيك اليوم ملكتك ابتسمي ..
لاتكشرين ..
اروى : يمه متى نكتب الكتاب .. ابي اطلع لغرفتي ..
ام خالد : ايه تأخر تركي الله يهديه من اليوم يتصلون عليه ومايرد ..
اروى : ايه اتصلت عليه وقال انا جاي ..
ام خالد : خلاص لاتسألين اجل عنه ..!!
الهنوف ( كانت شاكه بأن اروى ماتبي تركي ..وبالها مع مشعل راحت الهنوف لها تتأكد من شكوكها )
الهنوف ( بصوت واطي ): اروى ..!
اروى ( بدون نفس ): هلا
الهنوف : بسألك بصراحه وجاوبيني ..!!
اروى : خير وش عندك ..
الهنوف : انتِ تحبين مشعل صح ومتندمه على انك وافقتي ..!!
اروى : لاتجيبين الطاري والي يرحم والديك ترعى بالقوة ماسكه نفسي
وماابي اصييييييييييح ..!!
الهنوف( خافت ): طيب طيب لاتاكليني .!
( تأخر تركي حيييييييل والرجال ينتظرونه يجي وقرب العشاء يجي وهو ماجاء بعد طوووووووووول انتظار )
توقعاتكم ..
والتفاصيل بالبارت الجاي 