محمد مستغرب من كلام ليان .. وخاف يقول لها بأن تركي خاطب
يقوم يخرب عليها ..!!
راح لعند منى ولقاها جالسه تكلم بالجوال .. وارتبكت يوم شافت محمد ,,
منى : خلاص اتصل فيكِ بعدين ..
اوكيشن ..
يالله باي ..
محمد ( باستغرب ): وش فيك قفلتي بسرعه ..!
خذي راحتك ماني نايم انا ..!!
منى ( مرتبكة ): لاعادي اصلن مصدع راسي من كثر الهرج ..
من الي دق عليك ..!!
محمد : تركي ..
منى : وش عندهـ توهـ مكلمك ..
محمد : عن اللقافه خخخخخخخخخخخخخخ
يالله نامي وانتِ ساكته ..!!
انا بروح مع الشباب ..
تصبحين على خير ..
منى : وانت من اهله ياعيوني ..

:

راح محمد مع الشباب .. ونسى موضوع ليان ..

:

( في الظهر )


حصه فتحت الباب لليان ..
حصه : صاحيه انتِ ..
ليان : طفشانه .. جيبي لي التلفزيون هنا ..
والاب توب .
حصه : طيب .. اسمعي اليوم باخذك للسوق ..!
ليان ( طارت من الفرحه ): متى ..!!
طيب ليش وش المناسبه ..!!
حصه : ياليان نسيتي زواجي انا وعزوز
باقي له اسبوعين وانتِ ماشريتي شيء ..!!
ليان : طيب عزوز ماقال شيء ..
حصه : وابشرك ..
ابوي قال له من اليوم ورايح ماعد يحبسك ولا له دخل فيك ..!!
ليان ( طارت من الفرحـه ): قولي والله ..
وناااااااااااااااااااااااااااااااااااااااااااااااا ااااسه ,,
حصه : تدرين ليش ..!!؟؟
ليان ( تضحك من الفرح ): ليش هههههههههههههههههههه
هههههههههههههههههههههههههههههههههههههههههههههه
حصه ( بحزن شيديد وملامح وجهها تغيرت ): مدري شقول لك
بس لازم تدرين ..
ناصر خطبك من عزوز .. وعزوز ماصدق على الله حدد معاهـ موعد الملكة ..
الأسبوع ذا ..
ليان ( بعصبيه ):وش قلتي ..!!
كذب والله انك تكذبين ..!!
ناصر الغبي اخو عبير ماغيرهـ ....!!!
حصه ( بقهر ): والله ياليان مااكذب عليك هذا الي صار ..!!\
ليان : ماتدرين اني احب تركي ومستحيل اتخلى عنه مهما صار ...!!
ليان ( بكت بصوت عالي ): مستحييييييييييييييييل والله لاتنطبق السماء على الأرض
مااخذتــه تفهميـــــن ..!!
حصه : والله حاولت اقتع عزوز بس رفض

:



طلعت ليان من الغرفه وراحت تركض لعند ابوهـا وهي تصيح ..
ليان ( بكت تحت رجلينه ) : يبه والي يخلي لك صحتك ..
ويرزقك من نعيمه لا تزوجني ناصر ..
الله يخليكم ماابغاهـ ..
يبه انا بنتك الصغيرهـ لا ترميني له ..
يبه والله مالي دخل بالي صار ..!!
والله مو انا الي سويت كذا ...!!
حصه فهمي ابوي ان مالي دخل والله ياناس
مالي دخل ..
ابو ليان ( انصدم من حاله ليان وتفاجأ فيها ): ليان وش فيك ..!!
طيب هدي نفسك .. لاتصيحين ..!!
ليان ( تبكي بحرارهـ ): يبه عزوز والله ماعليه مني تكفى يبه ماابغاهـ ناصر
ماابغاهـ ..!!!

:
دخل عزوز وشاف ليان تصيح ..
عزوز ( بعصبيه ): وش تسوين هنــا .. انا قلت ماابغى اشوفك قدامي ..!!
ليان ( راحت لعزوز ومسكت يدينه ): عزوز تكفى يااخوي ناصر ماابيـــه ..
والي يخلي لك شبابك ..
مابي ناصر ..
عبد العزيز ( بعصبيه ): ليش ماتبغينه ..!!
ولا تبغين تركي حبيب القلب هاهـ ..!!
( رفع يدهـ يبي يضرب ليان ) ..
ابو عبد العزيز : ماتمد يدك عليها من اليوم ورايح ..!!
وانا تراني حي للحين ..!!
واذا اختك ماتبي الرجال ماهو غصب ..!!
وكلمتي هي الي تمشي فاهم ..!!
عبد العزيز ( انقهر ويناظر بليان نظرات حقد ): بس يبه انا عطيت الرجال كلمه ..!!
ابو عبد العزيز : وانا اقول لك ماني موافق ..!
والي اقول يصير على الجميع ..
حصه ( خافت على صحه ابوهـا ): يبه خلاص هدي نفسك لاترفع ضغطك والي
يسلمك .. خلاص الي تبيه رح يصير ..!!
ليان ( طارت من الفرحه وراحت وضمت ابوهــا ): الله يخليك لي يايبه
ولا يحرمني منك يارب ..
ابو عبد العزيز : خلاص يابنتي روحي مع اختك للسوق ..
ومن اليوم سوي الي تبينه ( يناظر بعزوز ) واخوك ماله كلمة عليك
مدام انا حي ..

:
راحت ليان تجري من الفرحــه ..
وتصارخ وترقص هي وحصه من الفرحـه وعبد العزيز كان زعلان من كلام ابوهـ
وطلع من البيت وهو معصب ..



:

( في الجنوب )
مشعل مر عليه شهرين وهو خارج السعوديه ..
و خالد تقدم وطلب يد الهنوف ..
وتركي فكر وقرر بأنه يملك على أروى ..
وخطبها من اهلها بس ينتظر يوم الخميس يملك عليها ..

:

( في بيت اروى )


الهنوف وامها واخوانها كانوا في بيت عمهم ابو خالد ..
الهنوف كانت بغرفه اروى يتكلمون بالموضوع ..
الهنوف : هاهـ يااروى وش قلتي .. موافقه ولالا ..!!
اروى ( حست انها مخنوقه وودهـا تبكي ): انا تعبانـه يالهنوف ..
قلبي تعبان مو قادرهـ اركز ولا قادرهـ افكر ..!!
الهنوف : مو انتِ تبين تركي ..!!
هذا هو بنفسه جاء لعندك وطلب يدك ..!!
اروى ( بشك ): انا بسألك سؤال وعهد الله تجاوبين بصراحــه!
الهنوف ( خافت ): وش هو السؤال ..!
اروى ( رافع حاجبها ):انتِ قلتي ان تركي عمرهـ مافكر فيني
ولا يبغاني اصلن وقلتي لي ارجعي لمشعل احسن لك
والحين فجأهـ يجي يخطبني ومن نفسه بعد ..!!
الهنوف ( نزلت راسه وارتبكت حيل ): ..
اروى : انتِ قلتي له بأني احبـه صح ..!!؟
الهنوف : ...................................... ساكته وماقدرت تتكلم ..!
اروى ( تنهدت ): مافي داعي يالهنوف انا عارفه كل شيء ..!
لو ماتكلمتي تتكلم عيونك ..!!
اروى ( بحزن وبقهر ): انا عارفه بأن تركي حلم مستحيل ..
بأن يكون لي
الهنوف : لا مو مستحيل هذا هو طالب يدك ..
وينتظر الموافقه بس ..!!
اروى ( بأبتسامــه ): خلاص قولي له بأني موافقه ..
الهنوف ( طارت من الفرحـه وبصوت عالي ): من جد يااروى ..
كلوووووووووووووووووووووووووووووووووووليش,
الف والصلاهـ والسلام عليك ياحبيب الله محمد .
كلوووووووووووووووووووووووووووووليش ..
:
طلعت الهنوف من الغرفه وراحت تبشر امها
وام خالد وكان يوم احتفالي ..

( في المجلس )



خالد : الف مبروك ياتركي والله يتمم لكم على خير ..
تركي ( كان باله مو معاهـ ومو فرحان وحس بأن الوضع عادي ): الله يبارك فيك ..
عن اذنك ..
:طلع تركي للحوش وكان متضايق
( بينه وبين نفسه ): يالله ماني مصدق انا ملكت
بس ماني فرحان ولاني مبسوط ليان حبيبتي تركتها
بدون لا اكلمها ولاحتى قلت لها أي شيء
ياترى وش تسوي الحين بغيابي ..!!
يمكن الحين مع حبيبها ناصر ..
الله يهنيهم ..!!
وانا بعد لازم انساها ولا افكر فيها ..
وانا بعد الله يهنيني مع اروى ..
( دموعه نزلت ) .. وراح لسيارته

كان تركي حزين بالحييييل ومايدري وين يروح ..
دق عليه ناصر واستغرب تركي حييييييييل من اتصاله ..
تركي : هلا
ناصر ( بدون نفس ): السلام عيلكم
تركي ( مستغرب ): وعليكم السلام ..
ناصر : كيفك ان شاء الله بخير ..
تركي : الحمد لله عال العال ..
آمرني ..
ناصر : مايامر عليك عدو ..!
بس حبيت اعزمك على زواجي آخر الشهر هذا ..
من ليان العبد الله .. ومعزوم انت واهلك واهل عمك كلهم
تركي ( انصدم من كلام ناصر ): وش قلت زواجك آخر الشهر هذا ..!
من ليان ..!!
ناصر ( بضحكه ): وليش مستغرب ..!!
ايه ليان .. والحين هي زوجتي .. ومااحب اسمع اسمها على لسان احد ..!!
تركي ( حاول يمسك نفسه ): الله يهنيك وعلى البركه واتمنى لك الخير
من كل قلبي .. وان شاء الله احضر الزواج عزيز وغالي ..
ناصر : ايه هذا الكلام الي ابي اسمعه منك ..!!
تركي : وانت بعد بارك لي توني ملكت على بنت عمي ..!
وزواجي بعد شهرين ..
ناصر ( اسنغرب ): والله جد ..!!
تركي ( دموعه على خدهـ ): ايه والله ..!!
ناصر : الف مبروك منك المال ومنها العيال ..
تركي : الله يبارك فيك ..
ناصر : يالله مع السلامه واشوفك قريب ..
تركي : على خير .. باي ..
ناصر : بايات ..

:
تركي وقف سيارتــه ..
وحس ان الدنيا قافله معاهـ وودهـ يبكي لين مايقول بس ..
تركي ( بعصبيه ): معقولــه ليان وافقت عليــه ..!!
معقولــة خانتني وتزوجت ..!!
كل الي كان بيننا وهم × وهم ..!!
انا حبيتها ( نزلت دمعته ) واخلصت لها وبعت ناصر وعبير
على شانها .. تجازيني كذا ..!!!
آآآآآآآآآآآآآآآآآآآهـ ياقلبي ..
( جلس تركي يبكي بدون شعور متندم على كل شيء صار بينه وبين
ليان )