متجهين بالسيارة على بيت مرام أنا و بيسو .. طول الطريق بيسو تقول : الهنوف أنتي مشروع إعلامية ناجحة فتكفين لا تفشلينن انا : ابشري طال عمرتس بيسو تقول بقلبها : ماظني والله ايه نشوف وصلنا ودقينا الجرس تنتن تنتن تنتن <- صوته ، وربع ساعه ملطوعين برا :( وينها ذي .. شوي وفتح لنا عريس بيسو وهـ خقت بيسو مرهـ انا : بيسو امشي لا أعلم عليتس ..! بيسو : هنيف وجع :( قلطنا الله يجزاهـ بالخير بالمجلس ! شوي جت مرام تاخذ عبينا ، عاد متكشخين انا وبيسو - هلا باللي لفى .. تو ما تبارك المكان : انا ومرام جالسين نتقهوى وبيسو تشرب زنجبيل <- انا : الله يا مرام قهوتس محكورة ماشالله - أعجبك :< موب هي مسويتها شغالتهم بيلسان : والله ! خليني اخلص الزنجبيل لاني مزكمة وحلقي يوجعن من المزاعق عليتس ياهنيف ومرام يكسي ملامحها الخجل <- مدري ليه ، تسوي انها مشهورة وحركات - وبعدين شلون زنجبيل وبعده قهوه انا : محد قالتس يابيسو تتبنين موهبتي الفذة بيسو : اخلصي هنيف نبي نشوف مشهاير واجد انا : تهقين اوصل لياسر يابيسو مرام ووجهها مليء بالضحك بس كاتمتها ثم قامت بيسو : غربل الله عدوتس هنيف مو قلنا حريم بس الشرع يقول محرم الإختلاط إلا للضرورة انا : طيب بيسو مقابلتي مع ياسر ضروريه خصوصا اننا بنتكلم عن كاس ولي العهد بيسو : الهنوف <- تقولها بحرقة وندم الشرهة ميب عليتس على اللي يتبنى موهبة بثرة مثلتس بتخلصين ولا اجيب موهبة احسن منتس انا : لالالا تكفين طموحي لا ينهدم مرام كانت تزهب وتلبس فيما صار الحوار اللي قبل شوي مع بيسو يلا يلا شغلوا الكاميرات يا شباب .. 3 2 1 اكشن <- مره مصدقين أعمارنا انا : بيسو تعالي جنبي بيسو : الله من البثارة صدز مرام : انجزن ، بتبدون ولا طلعتكم من بيتي <-مصدقه عمرها انا : لالا مرام تكفين برنامجي ماراح ينجح الا بتس :| انا :أحبائي المشاهدين والحضور الكريم حياكم الله في برنامجنا ( غالي وسيّر على غالي ) والمختلف في عن غيره من برامج المقابلات .. هي : امرأة أجبرت الجميع على الهيام بأحاسيس كانت تدفقها إلينــاا .. بدت من خط الصفر ، وخطوة بخطوة إلا أن أصبحت اديبة في النثر يضرب لها المثل .. <- تخب عليتس مرام الآنسة مرام لك معجبين كثر ، وكانوا دائماً يدعمون ذائقتك الشعرية .. لهم : ماذا تهدين ؟ أهديهم خاطر إحساســـي : منهم : ماذا تنتظرين ؟ التشجيع الدائم والتواجد بـ استمرار .. من دونهم : ماذا ترجين ؟ ما أقول الا مثل ما قال حكيم زمانه والله ما تسوى أعيش الدنيا دونك < كيف الحال ع هـ السؤال <- هههههههههههههههههههههه صعبه انا ، مرام أنفع اصير مذيعة ولالا ؟ - زين ان خلوك تنظفين الاستديو بعدهم خلاص خلاص بصير مذيعة جدية وش رايتس نلعب حريم خخخخخـ ؟ - اخذتن لقاء لقناة سبيستون يوم نلعب خخخ , بزر عندتس على طاري الحريم : - تحبين جمعتهم ؟ - لااااأ , أكره الحريم وش عاد اقعد معهن - سمعت انتس تجلسين مع العجز واجد وش السر يا مرام ؟ - ههههههههههههه وش دراتس مهنا سر .. بس سواليف العجز أطلق وأي سؤال تسألينهن يجاوبن ما عندهن عيب وحرام وهادية أصواتهن .. و سواليفهن لها هدف الا وهو تثقيف الجيل الجديد - دالوبتس لونه ليش كذا ؟:| - يحول السؤال لأبوي وبعدين انتي شايفته يوم تحتسين؟؟ - طيب ورينا تي شيرت تحبين تلبسينه ?.. أعشقه حد الثمالة .. كرفته لين قال بس ! بيلسان : هنوف خلي المايك لي شوي وتعلمي الاسئله اللي بترجع بالفايده على المشاهدين - < ما ضنتي - مرام اتذكر في محادثه قديييمه .قلتي لي عن ظاهرة طبيعيه مضيقه خلقك ..اللي هي طبقة الاوزون ومدري ايش ممكن تعطينا نبذه عن هالمشكله ؟ الانحباس الحراري .. وشوفي هـ الحرارة وش بتسوي بالمياه والمزارع بالأكسجين.. الخ هـ الامراض .. وتقلب الجو ..والجفاف والفيضانات منين برأيك ؟ راجعي ملفي فيه موضوع كامل عنه وهل لقوا لها حلول ؟ المشكله موب في الحلول لانه فيه حلول المشكله بتطبيقها .. وليه انتي تحبين تضيقين صدرك بأخبار و مصايب مالك فيها حل أذا انا تكلمت وغيري تكلم أكيد بنوصل لحل ... وهذي مشكلة مشتركة .. ما تخص احد بذاته .. وبعدين انا خايفه علي بزاريني بعدين: ما تدرين وش يجيهم .. لازم أهيئ لهم الجو المناسب لحياتهم .. - علاقاتك بـ النت .. وش يحكمها ؟ - يحكمها اللي يحكم أي علاقة بحياتي الطبيعية .. هل استفدت منها فعليا ؟ - كثيــر استفدت منها , عرفتني بـ (أنا) وتأثرت فيها شخصيتي واهتماماتي .. لها ضرر عليك يوما ما ؟ - موب ضرر بمعنى الكلمة .. ممكن أقول مشاكل , ايه لك المايك هنوف - مرام سؤال جدي : قلبك أبيض ونظيف ، يا ترى مالسر ؟ - يوووووووووه :< راحت بخرايطها .. اخجلتي خدودي مم ما ادري ما فيه سر , يمكن أنتي شايفه كذا وغيرك لا .. وهل تربيتك خلتس إنسانة تظنين دايما بالحسن ؟ - يمكن تأثرت بأمي: لو تشوفني احش بأحد ذبحتني بس للمعلومية .. أظن – بعض الاحيان- بالسوء بس دائما ما أطلع غلطانة .. لذلك اختصر علي الطريق واصفي النية - يقولون طيب القلب منكوب بهالزمن ليش ؟ - طيب القلب غالباً ما يكون متردد وخواف لذلك يضيع حقه بسهولة .., وغالبأ ما يضحي بنفسه عشان غيره .. يعني ناكب نفسه - حوشكم وسيع ممكن تمشينا فيه شوي ؟ - أنا اشك انتس عايشتن معي - يوووه مرام برا بررررد مره مره دخلينا الكاميرا ثلجت - حياتس بلاتس متعودة ع دفا جدة وهـ يازين الدفاا زيناه وقفة صعنونة حبايبي فاصل ونواصل - حطوا فاصل اغنيه عمرو مصطفى (أول ما أقول) ودي اخق : بيسو : وبطفش الهنوف ليتني ماتبنيتس - لا تخربين برستيج القصمان يحسبوننا نمن ع الخلق انا : افاا وراه ، والله ماسويت شي <-مصدقه ان بيسو عندها سالفة بيسو : انطمي وكملي ترا البرنامج Live - Live < أشك شك عظيم ان بيسو قايلتها انا : لا تذبين حكي ترا ببطل <- بتتأثر بيسو مره بيسو : هنيف ارجعي من البريك مرت 10 دقايق :| مرام كانت تعدل الميك آب انا يلا يلا مرام .. - منب طايره عودة لكم أحبائي ، مع ضيفتنا الاديبه الكبيرة مرام .. جيّاشة المشاعر مرام : < لا يكثر علاقتك مع المطبخ كيف ؟ حبايب من بعيد لبعيد .. مرات معدودة دخلت ازين الكبسة مرات كثيرة كانت للحلى والسلطات .. مرات لا تعد ولا تحصى كانت للـ شاهي ممكن تورينا ثلاجتكم وهي مفتوحة <- ياحبها للعيشة - ما ودتس اوريك الباب حليب نيدو صناعة سعودية ولا وش بالضبط ؟ جاين علم يقول بقر دنماركية بس اللي حالبهن هندي عايشن بالسعودية .. طيب اكيد تعرفين شوكولاته فلك فلاك تهقين صناعة أمريكية ولا سويسرية ط1 ؟ تقول أمي : يا سعودية يا تركية .. وأنا أقول : ما ادري .. سؤال شاطح : سمعنـا انك تحبين الكورة ؟ - يا قدمتس طيب ورينا الكورة اللي تلعبين فيها ؟ - لا تطلعين علي اشاعات اني العب كورة خلاص عقلت صورت لتس كورة ولد اختي لاعبك المفضل من ؟ تــوتي .. جتن أيام خقيت معه خقه موب طبيعيه الحين تقل عقلت .. بس ينبض له القلب شوي ورينا اياه لو تكرمتي ؟ ياكثر من يعشقونك ودهم بس يوصلونك..على نفسك اذكر الله..علشان مايحسدونك.. بيسو تذب طبعن : ياصبر الأرض عليتس أسئلة - هههههههههه ع لساني , انا ومتلخبطة أخت مرام آآآآآآآآ اقصد شاعرتنا مرام : ممكن تعطينا شي من الروائع اللي تملكينها أحاسيسك كـ إهداء لنا ؟ أولا: منب شاعره .. ثانياً : هذي خاطرة لكم خصيصا " يا أبعد مـــا عندي عني بـ اختلاف أسمائنا كيف لأقدارنا أن تتشابه ..! الدنيا لا تطير .. الدنيا قابعـــة على صدور الأنــام .. ونحن فيها تماثيــل تنحتنــا الأقـــدار لذلك نتشــابه .. نولد بنفس الطريقــة ألم لأجلنــا ونموت بنفس الطريقة ألــم بنــا .. ونعــيش ما بين تــلك وتـــلك كذبة تدعى [حـــــياة]" اعزائنا المتابعين بكل آسف انتهى برنامجنا اليوم نشكر شاعرتنا مرام على إستضافتها لنا بمنزلها الرائع .. و أشكر كل من كان خلف الكواليس من مصوريين ومعدين ومنتجين والمخرج بكبره .. <- ترا مافي بس بيسو : واخيرن مابغينا - حرام عليتس ما غير تفشلينه انا : اقول تراتس زودتيها ميس بيسو غثيتينا ، ليتني وماليتني بيسو : هنيف ! عيب انا اكبر منتس احترميني مرام : خلاص بنات روقوا المنجا , اطلعن بالشارع تهاوشن بيسو : الله يعطيك العافيه مرام على الاستضافه الرائعه - زارتنا البركة .. كرروها عاد : و بنعود لكم بس لضيف ثاني المايك مع بيسو