×× البارا السادس والثلاثين **
سارهـ : عبير فيه ..!
ناصر ( رافع حاجبه ): اكيد فيه ولا ماجيتي من راسك !
سارهـ ( تطالع من فوق لتحت وتقلد كلام ناصر ): اكيد فيه ولا ماجيتي من راسك
وش هـ الأسلوب الماصخ ..
( سحبت الكرسي وجلست على الطاولة ).
ناصر ( استغرب اكثر وخاف امه تجي وتشوف سارهـ جالسه معاهـ )
سارهـ : إلا اقول شخبار المعاريس ..!
ناصر( بدون نفس ) : بخير
سارهـ : اهااا
وتركي وينه مااشوفه ...!!
ناصر : سافر .. للجنوب
(وبعصبيه) وبعدين قومي عند عبير وش تبين تسولفين معي وش بتقول
عني امي لو شافتني معك ..!!
سارهـ ( بضحكه خبيثه ): هههههههههه اما وش بتقول لاشافتنا ..!!
اجل وش بتقول لو تدري انك تحب ليان وتضاربت انت وتركي على شانها ..!!
ناصر ( انقهر ): حقيره ..
( بعصبيه زبصوت عالي ) قومي اطلعي براااا.. برااا اشوف
:
جات ام ناصر ومعاها الشاهي وسمعت ناصر يوم يطرد سارهـ
ام ناصر ( بعصبيه وبصوت عالي ): ناصر وش فيك على البنت ..
من صدق ماتستحي على وجهك تطرد صديقه اختك من البيت ياقليل الأدب ..
ناصر ( ماقدر يتكلم خايف سارهـ تفضحه )...
ام ناصر ( بعصبيه) : يالله ادخل جوا وماابي اشوف وجهك يالله ..
سارهـ تناظر بناصر وتبتسم ): خليه ياخالتي .. ماعلي منه وش يقول
انا بطلع لعبير وانتِ لاترفعين ضغطك خليه يولي ..
ام ناصر (بفرحه): منتي زعلانه يابنتي ..!!
سارهـ : لاياغاليه ماازعل من ناس مايعرفون الأصول ..!!
ناصر ( بعصبيه ): اللهم طولك ياروووح !!
:
طلعت سارهـ لعند عبير بغرفتها وحكت لها
الي صار بينها وبين ناصر ..
سارهـ : اقووول وش اخبارك انتِ وتركي ..!!
عبير: ابد زي السمن على العسل
سارهـ ( بينها وبين نفسها ): و هـ الأرنب الي مايدخل مع الباب ..!
سارهـ : اهااا ..
بس مااشوفك تكلمينه ..!!
عبير : ماابي اضايقه ..!!
سارهـ : وليش تضايقينه مو تحبون بعض ..!!
عبير( بخبث كذبت على سارهـ) : الا بس هو متزوج ووقته مو لي ..!
سارهـ( طارت عيونها ): اما متزوج !!
عبير: ايه متزوج وعنده ولد بعد وعلى شان كذا مسافر ويرجع
اذا خلصت اجازتـــه..!!
ساره ( تبلع ريقها ): اماااا لالاياشيخه اكيد تمزحين ..
عبير (بغرور ): ليه مو مصدقه اسألي ناصر او حسين ام محمد
وشوفي وش يقولون ..
ساره( انصدمت من كلام عبير وكأن احد ضربها على وجهها )
عبير : ابروح اجيب لي عصير على بال ماتستوعبين خخخخخخخخخ
:
نزلت عبير وراحت تجيب عصير ..
وسارهـ جلست تفكر ومصدومه وتفكر كيف تقول لليان الخبر ..
دق جوال عبير ..
المتصل ( نبض قلبي )
سارهـ : منهو ذا ..!!!!
خليني اعطيه مشغول واشوف الرقم رقم مين ..!!
فتحت سارهـ جوال عبير وشافت الرقم ..
سارهـ ( بصدمه كبييييييييييييييييييييييييييرهـ )..
يالله .. عبير تكلم سامي ..!!
وكمان مسميته نبض قلبي ..!!
فتحت الصور ولقت صور ليان وتركي يوم
كانوا بالسوق وجالسين على الطاوله بجوال عبير
ومقطع فديو لهم ..
سارهـ ( حطت يدها على فمها وطارت عيونها من كثر ماهي مصدومه )
مو معقووووووول مو معقول ..
ايش هذا الي اشوفه ..
ياربي شلون اتصرف ..!!!
امممممممممممممم
اممممممممممممممممم
بسرعه لاتجي
اممم ياربي ..!!
معاي ذاكرهـ قديمه وخربانه خلني اركبها
:
دخلت عبير ..
وشافت سارهـ مرتبكه وقلقانـه ..
عبير ( مستغربه ): وش فيك ..!!
سارهـ : احس بطني يعورني بروح الحمام ..!!
عبير : سلامات روحي ولو تبين دواء اجيب لك من المطبخ
سارهـ ( بفرحه): ايه روحي جيبي ..
(تمثل ) آهـ يابطني ..
:
راحت ساره الحمام وبدلت الذاكره وطلعت
جات عبير وسولفت ساره معاها وحاولت ماتبين انها حزينه او متضايقه
وكانت تتكلم شوي وتسرح اوقات ..
( في الجنوب )
مر شهر واروى ماكلمت مشعل ولامشعل كلمها ..
اروى حست انها تعلقت بمشعل وعشقت صوته واسلوبه وضحكاته
وسوالفه .. وكل شيء كان بينهم ..
مع ان قلبها يحب تركي .. بس فكرت بكلام الهنوف ولقت انه الصحيح
تركي مايحبها ولافكر فيها ..
أروى ( بغرفتها تروح وتجي وماسكه الجوال ومترددهـ تتصل
على مشعل ولالا ) ..
اروى : ياربي وربي خايفه ..!!
وش اسوي انا وربي اشتقت له .. من عرف اني رفضته لادق
ولا ارسل والله انك صادقه يالهنوف .. خلني اتوكل على الله واتصل عليه
دقت اروى
مشعل ( دون نفس ): نعم
اروى ( دموعها على خدها ): مشعل
مشعل : ايه معاك .. بغيتي شيء ..
اروى ( بحزن ): انت زعلان مني ..!
مشعل : ليه ازعل منك الزواج وقسمه ونصيب
وانتي الظاهر عندك امل انك تتزوجينه على شان كذا رفضتيني
اروى :لا مو كذا
مشعل : لحظة بكمل كلامي
وكمان الحين هو هنا وجاي يخطبك لازم تفرحين الحين
والله يسعدك ياضناي ( سكت وماكمل كلامه حس انه بيبكي )
اروى ( كانت تبكي ): مشعل انا ماكنت ادري بأنك مو تركي
وانا تعبانه اكثر منك ونفسيتي منهارهـ .. وانا من زود الصدمه
ماقدرت اقول ايه وا لا .. وجاوبتهم بدموعي ..!!
انا عشقت صوتك واسلوبك وكلك لأن فكرتك تركي..
( مشعل ماقدر يمسك نفسه ونزلت دموعه )
مشعل : اسمعيني قبل مرحل ..
انا حبيتك وعزيتك وصدقت معاك وحتى بقسى ظروفي
امي جبتها من سوريا وقلت استني اسبوعين بس لين اروح
اجيبها واخطبك .. وانا وفيت بكلمتي وجيتك ..
بس تأكدت انك تحبين تركي ومخلصه له لأبعد حد ..
وانا آسف على كل شيء صار بينا .. واتمنى انك تنسيني
ولا عاد تتصلين علي ..
اروى ( ببكاء وعصبيه): مشعل لاتقول كذا حرام عليك وش ذنبي انا
مشعل : فمان الله ..
:
قفلت السماعه وراحت تبكي عى سريرها ..
وتألمت حييييييييل ولا احد حاس فيها ..
اروى ( تبكي بصوت عالي ): آهـ ياقلبي
وش اسوي بنفسي .. تركي مايبغاني
ومشعل تركني .. وانا ضايعه
ياربي ليه يصير معي كذا
ليييييييييييييييييييييييه
:
وصل تركي وخالد عند الاستراحه الي دايم يجلس فيها مشعل
دخل تركي وخالد للاستراحه
تركي ( بأستغراب ): وش هالصوت .!!
خالد : ماادري ..!!
راح خالد وفتح الباب ,,
وتركي استغرب حيييييييييييل وخالد خاف يدخل ..!!
تركي ( يأشر بيدهـ لخالد وش فيه ) ..
خالد ( يأشر لتركي ماادري ) ..!!
خالد ( بخوف ): مشعل !!
مشعل ( مسح دموعه واخذ المنديل ) ..
خالد ( قلبه يدق بسرعه ): مشعل وش فيك ليش تصيح كذا ..!!
صوتك واصل لأخر الأستراحــه ..!!
مشعل ( دموعه نزلت غصب عنــه )..
تركي ( حزين على مشعل ومايدري وش يسوي ومشعل بهالحاله
وطلع برااا الغرفـه وسكر الباب على خالد ومشعل وخلاهم لحالهم )..
خالد ( بهدوء راح لعند مشعل ومسكه مع كتوفـه ): مشعل وش فيك ..!!
وش الي مضايقك .!!
مشعل ( عيونه حمراء ودموعه على خدهـ ): انا ...
( مو قادر يتكلم ):.. انا ياخالد ..
خالد : طيب هدي نفسك .. تعال غسل وجهك
وبجيب قرآن من السياره اقراْ آيـتين لين مايرتاح
بالك .. وبعدها قول الي بخاطرك ..
:
طلع خالد لعند تركي ..
تركي : هاهـ قال لك وش فيه ..!
خالد : لا بس الموضوع كبير .. ومشعل مايبكي إلا احد جارح كرامته
وماقدر يردها له ..
تركي: طيب انا بروح للهنوف اشوف وش تبي وارجع لك ..
خالد : طيب ..
:
( وصل تركي لبيتهم وجلس مع امه يسولف )
جات الهنوف .. وجلست معاهم وتحاول تفهم تركي انها
تبيه بكلمة راس وتركي مافهم عليها ..
تركي : وش تبين يالهنوف تركت العيال وجيت على شانك ..!!
الهنوف ( ارتبكت وامها تناظر فيها ): هاهـ بس بعدين اقول لك ..
ام تركي : وش تبين بأخوك ..!!
مو اول ماجاء من جدهـ تكثرين عليه طلبات ..!!
الهنوف ( تغمز لتركي وقامت )..
تركي ( بينه وبين نفسه ): يعني تبني الحقها ولا كيف ..!!
خلني اروح اشوف وش عندهـا ..!!
:
راحت الهنوف لغرفه الضيوف ومتوترهـ وخايفه من ردهـ فعل تركي ..!!
تركي ( ماسك فنجال القهوهـ وياكل تمر ): هاه وش تبغين ياخيتي ..
الهنوف ( سكرت الباب ): كل بعدين اهرج هههههههههه
تركي : آمري ..
الهنوف ( متوترهـ ): مدري شقول لك ياتركي ..!!
او من وين ابدأ ..
تركي : والله امرك عجيب ياشيخه قولي وخلصينا ..!!
الهنوف : بس بيني وبينك وعهد الله ماتعلم به احد ..
تركي : ابشري وسرك ببير ..!!
الهنوف : ولا تزعل مني ولا تضربني ولاشيء ..!!
تركي ( عصب ): بتقولين ولا شلون ..!!؟
الهنوف : بقول ..!!
اسمع .. الموضوع يخص اروى بالتحديد واكيد عرفت بأن
مشعل تقدم لهــا ..
تركي : ايه وانا وش دخلني ..!
الهنوف: المشكله بأروى ..!!
تحبك من زماااااااااااااااااااااااااان .. ومن قبل تتزوج نورهـ ..!!
تركي ( تغيرت ملامح وجهه ): كيف ..!!!
تحبني قبل اتزوج نورهـ ...!!
الهنوف : ايه وانت ماحسيت فيها ابدآ وتجاهلت مشاعرها ..!!
تذكر يوم كنا نطع كشتات .. كانت تحاول تتقرب منك باي وسيلة
وحتى يوم كانت نورهـ فيه .. ومع ان نورهـ تدري بأن اروى تحبك ..!!
وكانت علاقتهم مو ذاك الزود ..!!
تركي ( عصب وانقهر ): نورهـ كانت تدري ...!!!
شلون صار كذا ..!
الهنوف : هذا الي صار .. واروى الله يعلم بحالها ..!
اخذت جوال زياد واخذت رقم مشعل وتفكرهـ انت ..!!
وكلمته تقريبا اكثر من شهر .. وحبتك زيادهـ ..!
بدون ماتتأكد بأن الي تكله انت او لا ..!!
تركي ( انصدم من الكلام الي سمعه من الهنوف وباله تشتت ):.....
الهنوف : وش فيك سكت ..!!
الحين يوم درت بأن الي تكلمه مو انت حالتها مقدر اوصفها لك ..!!
تركي (حط الفنجال فوق الطاولة وفتح الباب وطلع )..
الهنوف : تركي لحظة ..!!!
تركي ( طلع من بيتهم وماعبر الهنوف وقفل الباب بسرررعه )..
: