المزن : نعيد ونزيد والقضيه هي نفسها .. :/ أنتي تشوفين الخطأ خطأ الاداره وأنا أشوف الاداره مقصـره فقـط والخطأ في البطاقه الاخيره على ياسر .. لذلك ماله داعي نتناقش باكثر من رد على حلقه واحده فقط .. وماأعتقد من وجه نظري الشخصيه أننا نحمل ياسر فوق طاقته ونضغط عليه أكثر بقولنا انه تعرض لشيء ماتعرض له شخص بالعالم .. الشهره ذهبت فيها أرواح .. هذا مب معناته أننا نقول أذبحوا ياسر لا بس أقولك أن هالاشياء موجوده من خلقه ربي للدنيا .. وحتى على فكره ترى .. ياسر ظهر وقال حدثني عن أشياء مهمه .. هو أخطأ .. وأصاب بنفس الوقت .. أصاب بأنه قهر عذاله وماألتفت لهم .. وأخطأ لما فعل عكس ماقال وفرح عذاله .. :/ بتقولين تأثر بقولك كان من المفترض أنه مايصرح أجل هالتصريح ويكتفي بالصمت أو يقول إي شيء غير هالاجابه .. بتقولون العتب على المذيع أقولك عاد لاصار المذيع مجنون نصير مجانين مثله .. يطول النقاش .. الاختلاف للرأي لايفسد للود قضيه .. بس مثل ماتبون تحملون ياسر أكبر من طاقته مالمفروض بعد نحمل عبدالرحمن بن مساعد فوق طاقته .. بيسـو : الا مهمته بدافع عن لعيبته أكيد من قال ذي مب مهمته ..؟ بس متى بغيتيه يصرح ..؟! اذا ياسر نفسه مايبي كلام حول هالامر ..؟! ورده على المذيع أكبر دليل برضـو .. ولما صرح سامي صرح بوقت جيد على الاقل على قولتك ليه ياسر يأخذ كرت أحمر عقب تصريح سامي ..! ماهو صرح وخذا كرت عقبه ,, الضغط موجود كذا والا كذا صرح والا ماصرح دام فيه منافسين متخلفين فيه ضغط .. بس المفروض أحنا نرميهم خلفنا .. ياسر بشر ومانلومه بأول كرت بس نلومه بثاني كرت وأرجع أقول ( لايلدغ الؤمن من جحر مرتين ) يعني بتصير هالمسأله نقطه ضعف في ياسر ..؟! هذا اللي أحنا مانبيه .. عموماً مسأله التناقض في كلام سامي ذا يخص سامي نفسه بس اللي فهمته أنه حب يبين أن ياسر ماتهمه مثل هالاشياء بشكل كبير هي مجرد ضغوطات ماراح تعيقه عن مسيرته الرياضيه ان شاء الله .. ألتفت لنفسك ياياسـر .. أنت ثروتنا .. واجه نفسك بجرآه وقف مع نفسك بتحدي أكبر .. كل المشاهير والنجوم تحارب ..! ليست على الصعيد الكروي فقـط ..! بل على كل المستويات .. في السياسه / الرياضه / الفن والخـ .. ! الناجح هو من يرميهم خلف ظهره ويعطي أحبائه الابتسامه .. وأنت عهدناك ناجحاً بسجل أبيض .. وهكذا دوماً نريدك .. لاتنظر لإي شيء سوى للهلال ..! من تريد بعد الهلال ..؟! الهلال بجماهيره وكيانه معك وحينما تخطأ لانك أبننا سنقول أخطأت .. لذلك لاتلتفت لأي شيء غير الهلال .. أعلم أن الكرت أقلقك .. وأعلم أنك تعي أنك فعلت شيء ندمت عليه كثيراً .. لكن تذكر بأن الندم لايجدي ومايجدي هو فهم الدرس جيداً ..