أقتباسطردين في مبارتين ماتثبت لكم ان اللاعب يعااااااااااااااااااني يعاااااااني! ومحد فيكم سمع اللي قاله ياسر لفارس عوض قال ابي اروح لدنيا مافيها ناس ولا جمهور ولا شي ! من قال ماسمعناه ..؟! الا سمعته ومن قال أن ياسر مايواجه ضغـوط على مستوى حياته الشخصيه أو على مستوى حياته الرياضيه ..؟! أنا ماقلت عكس هالكلام ..!! أنا أقول أننا نجي نرمي كرت ياسر في مباراه الأمس على تقصير رئيس النادي ذا مرفوض وشيء صراحه مايقبله منطق .. :/ في مباراه الاهلي كلنا سكتنا ولاواحد فينا تكلم وقال ياسر ليه تأخذ أحمر لاننا نعرف أنه يواجه ضغوط ويظل بشر يحس ومب آله .. بس أمس .. :/ !! أوكي الحكم ظلمك بكرت تدخل هالدخله على كره ميته تحت تأثير الضغوط من الاعلام والجمهور والناس اللي ضده ..؟ هذولا النجوم في العالم يالمزن لابد يتعرضون لمثل هالضغوطات وكأننا ماشفنا ولاسمعنا وش تعرض له سامي الجابر من ضغوطات ..؟! محد يذكر فيكم كآس العالم الأخيره ووش واجه سامي الجابر فيها علشان ماينضم وكيف حاربوه أعلامياً بوجهه وفي برامج على القنوات على الهواء مباشره وجماهيره ..؟! محد منكم سمع سامي يوم يطلع وهو تخنقه العبره ويقول خلوني في حالي أرجوكم أتركوني .. ! مافيه ولارئيس ولامشجع وقف معاه مثل الان مافيه احد التفت له وللآسف مثل ماقلتي وظلم ذوي القربى للآسف ان اللي طعنوا سامي كانوا صحفيين هلاليييين معروفين بهلاليتهم وأولهم عيد الثقيل .. وش كان رد سامي الجابر .. أسم مخلد بين أربعه فقـط في العالم .. عرفتي وش نبي من ياسر لما نقول له أخطأت ..! يعني مب على ياسر بس كل النجوم في العالم تتعرض لضغوط وتتعرض لمثل هالاشياء .. أنا ألوم ياسر في هالكرت وألوم عصبيته الزايده وألوم قل خبرته اللي ماساعدته في مثل هالامور ,, الان عشاق ياسر اللي حضروا ورددوا ياسر ياسر ياسر وش ذنبهم ياسر يأخذ كرت أحمر ..؟! يعني معقوله مافيه رده فعل من ياسر كنجم تجاه جماهيره اللي وقفت بوجه العالم كله علشانه .. يحرج لجنه الانضباط .. كيف يحرجها بالله اذا أنه الف مره يطلع يقول الخشونه ضد لاعبينا والضرب ضد لاعبينا والكلام ضد لاعبينا أنتم تقولون ياسر طيب بقيه اللاعبين برضو يتعرضون لخشونه وضرب مالهم حق بعد يتكلم عنهم طيب وش الحل ..؟ يالمزن ذي حمله منظمه ضد الهلال بقوه هالموسم بقياده الاتحاد السعودي بكبره .. يعني لاصار خصمك القاضي من تقاضي ..؟! اذا منعوا الصحف والاداره والعالم تتكلم عن كوزمين وراح كوزمين وكسروا لاعبينا واحد بساقه والثاني خشمه وويلي تحت رحمه ربي هو وهوساوي وحقنوا الجماهير بقضيها لبلطان ورجعوا بقضيه ياسر تبينا نحمل الرئيس كل ذا الامور بعد ..؟ هو أدمي حاله حالنا وهو مشجع وهو أكثر واحد مايبي هاللي يصير يصير بس وش بيده ..؟! يتكلم طيب واذا تكلم وش اللي بيفيد خبريني ..؟ اذا حتى بعد الكلام قالوا بنراقب المباراه وراقبوها وطلع سامي الجابر وقال تراهم تكلموا وأحموا ياسر واللجنه ساكته نروح نكسر البيبان عليهم .. :/ أنا معاك رئيس النادي مثالي جداً في سط قذر جداً وحول جماهير لاتعي معنى التنافس الشريف في كرهالقدم .. لكن الكرت الاحمر والعصبيه الزايده اللي عليها ياسر رئيس النادي بريء منها براءه الذئب من دم يوسف بتقولين لي ليه .. بقولك ياسر لاعب خبره وياسر لاعب كبير سكتنا عن دفاعه عن حقه في مباراه الاهلي وساندناه حتى وهو يأخذ أحمر رجع لنا بالشباب وخذا أحمر وسط ظروف الفريق اللي مايعلم فيها الا ربي ووسط دعم لامعقول من جماهيره العاشقه .. تتذكرين الشلهوب العام .. لما طلع والفريق محتاجه وقال أنا برتاااااااااح وتعبان .. ياسر بالضبط نفسه بمثل هالقضيه يوم يقول مابي لاناس ولاهواء .. كلهم نجوم يتعرضون لضغوط على مستوى حياتهم الشخصيه والرياضيه ولكن الظروف تختلف بس هذا مايعني أننا نجيز لك كرت أحمر .. :/ طارق التايب طيب .. حركته لما قال أووووووص كانت حركه عاديه كل النجوم في العالم يسوونها وحتى رئيس الاهلي طلع وقال كل العالم يسوونها حتى بالدوري الاماراتي عندنا بس قهرهم بالحركه ذي وقهرهم بالهدف حقه وكان ينرفز حسني بمهاراته وسحباته .. طارق لاعب خبير بينما ياسر خانته خبرته بمثل هالامور لذلك من الواجب علينا نقول ياسر أنت أخطيت في مثل هالامر علشان يكون درس له .. مايلدغ الؤمن من جحر مرتين يالمزن وياسر أنلدغ مرتين في أسبوع واحد ..! لما يخطي الواحد من ضغوط نقول عساك سالم وتفداك وأمش في طريقك وحنا وراك بس لما يجيه لدغه مثل السابقه وتصير هي نقطه ضعف ياسر وينلدغ مره ثانيه وينطرد .. تقهر يالمزن ترى .. حنا مانبيها تصير نقطه ضعف حنا نبيها نقطه قوه لياسر نبيها أنطلاقه نبي رده فعل لجماهيره اللي وقفت معاه في كل مكان وبكت علشانه .. عموماً .. حنا ماظلمنا ياسر حنا وقفنا معاه وساندناه ولازلنا معاه ولازلنا نحبه وهالشيء ياسر يعرفه بنفسه أكثر من غيره .. ولما نقول له أخطأت ونصدقه القول أحنا نحبه مانظلمه .. لاهنتي ومثل ماقلتي تبقى اراء شخصيه ..