معليش يابوعبدالله أنا أختلف معاك في ذا النقطه .. المدرب أول ماجاء طير العالم بالعجه مره يقول أبقابل لاعبين الفريق لاعب لاعب ومره أبشوف منشـأت النادي ومره أبقابل مجلس الاداره .. أدري أنه من حقه لحد يجي يقول مهب من حقه بس كشروط لديه يوم رفض العقد ماقال لنا ليه رفض العرض .. :/ يعني منشأت احترافيه ولاعبين محترفين واداره محترفه هذا اللي نشوفه وأكيد فيه أخطاء بس لو هو صدز محترف تسان قايل لنا ليه رفض مثل ماطير وسائل الاعلام يوم يجي بشروطه وطلباته العجيبه .. عموماً مهيب مسأله راحه ماديه بقدر ماهي مسأله هوايه أو شغل وقت فراغ أو حب للظهور يعني يختلف من شخص لشخص مثل هالشيء .. الماده مهيب بس هي الفاصل الوحيد كلنا ندري مثلاً أن كوزمين مدرب بس رجل أعمال كبير جداً في رومانيا وعنده سلسله مطاعم ومشاريع وو كفيله بأنه يعيش طول عمره مرتاح ومع ذلك يدرب .. أمممم تيجانا من خلال اللي شفناه .. أنا اكتشفت شيء عاد تظل وجه نظري بالاول والاخير انه مدرب مغرور ورافع خشمه على غير سنع .. ومن اول خبر نزله المركز الاعلامي قلت أنا لما شفت شروطه صراحه وجهه مايبشر .. عموماً ماوقف الهلال على تيجانا أو غيره .. جاء اللي أفضل من تيجانا ورحل اللي أهم منه وظل الهلال بطل .. ومسأله الاعلام والتعاطي مسأله مأخوذ خيرها من زمان يابوعبدالله .. روح : تواجد بطل لاهنتي يابعدي على هالطله ..