البارحـه عـيـا الجـفـن لايغـفـي
كن الجفـن لمعانـق السهـد مغصـوب
تقبـل هواجيسـي والأخـرى تقـفـي
تبدأ معـي لامالـت الشمـس بغـروب
واليـا تنفـس صبـح يومـي وشـفـي
أقفت وأنا مـن بيـن الأفكـار منكـوب
تلفـنـي كـثـر الهواجـيـس لـفـي
لف الفـراق لقلـب عاشـق لرعبـوب
تـعـاهــدوا بالله كـف(ن)بـكـفـي
لوعشقهـم ذنب(ن)فـلا منهـم يـتـوب
وأن المـواصـل بينـهـم مايـقـفـي
الا القـدر لأنـه مسـجـل ومكـتـوب
لاياهـمـوم القـلـب بــاالله كـفـي
يكفي بديت أشـك فـي حالتـي نـوب
هذي ظروف الوقت غصب(ن) على أنفي
عجزت أقاوم كل هم(ن) علـى صـوب
والقلـب فيـه مـن الـولـه مايكـفـي
حالي براها وأصبـح الفكـر موصـوب
طيف الهنوف اللي علـى البـال يلفـي
يذوب منه أحسـاس قلبـي وأنـا أذوب
قلبـي عليهـا طـول وقـتـي يهـفـي
مافيـه غيـره صـار للقلـب محبـوب
يزفنـي شوقـن لهـا حـيـل زفــي
شوق(ن) أحسه داخـل الـدم مسكـوب
وعيـت حلـوم الليـل تاقـف بصفـي
حلمي أشوفه جالس(ن) بـس بالـروب
ودي أمتـع ناظـر(ن) مـنـه جـفـي
وأسقي خفوق(ن) صام عن كل مشروب
وأصبحت واعي جفـن عينـي محفـي
جفت بعينـي دمعـة الشـوق ماتـذوب