صباحكم حب ... احبتي
فيما مضى
الطيف الأول مرني..واشتقت لك
مافيه احد يستاهلك..ماقلت لك
فيما مضى
واليوم انا يارب..يارب الحقوق
بحماك من قلبٍ يبوق
لا العين تسهر هايمه
ويخالف الظلما شروق
يارب..من رحمتك ابي عفوك
ومن عفوك رضى
رحمن كل مااحتجت لك..فيما مضى
/
*
/
فيما مضى
دمي على دمي يخاف
والطيف لو قال وصدق..جاني بعدها مرني
وقف على حالي وشاف
فيما مضى
/
*
/
واليوم غصب اشتقت لك
والدم في جسمي قضى
ياقاسيه ماقلت لك..فيما مضى؟!
/
*
/
فيما مضى
ادعي عسى الله يصلحك .. ساعات
واخاف لأعتب واجرحك
صفحات يطويها الزمن
واليوم يشتاق الغريب..ان شاف في ظلمك وطن
يسكن ويبني من غضى
ومن المشاعر بيت لك..فيما مضى
/
/
/
*
سالم الطلوحي