ردني لك موتي في غيابك موتين
يا محول ضيقتي من وجود إليا عدم
لا تخليني ما بين الثلاثه والثنين
البكا والسخط فيك وشعوري بالندم
ضقت درعن ياالله إنك تزينها تزين
من عيون اللامبالاه ويدين الردم
والله إن جرحك بقلبي كبير وله حنين
كبر ملك الامبراطور في عيون الخدم
الله أكبر يا وليفي بعدما كنت وين
صار مالي في حياتك ولا موطا قدم
ردني لك لاخلاص أنت رح والله يعين
من على شانك يفض الجموع ويحتدم
خلني لي واوعدك في مقابيل السنين
ما تمنا صعب ولا عشق ولا أنصدم
أنت ما قصرت يا الغالي وعذرك سمين
وطول الله عمرك ولا خلا ولا عدم