الموضوع: اترك ذكراك هنا
عرض مشاركة واحدة
قديم 18-03-2009, 02:08 PM   #1
Miracle Future
قناص مميــز
 
ورده اترك ذكراك هنا

بسم الله الرحمن الله الرحمن الرحيم
.
.
مدخل:

غريبه حيل هالدنيا تفرقنا بدون شعور
ولا ترحم ولا تعطف ولا تقدر محبتنا


صحيح الزمن غدار وايام الزمان تدور
وصحيح الوداع صعب هو اعظم مصيبتنا


توادعنا وتفرقنا ومشينا وسط ذاك السور
جميله سنيننا كانت سعادتنا وشقاوتنا

احد ينسى هذاك الصوت المعروف والمشهور
بصبحنا مع الطابور ونزيد بكلمتنا

وعشان نعصي كنا ناخر الطابور
ونتفلسف ونقهرهم نجاوبهم بضحكتنا

وتبدا الحصه الاولى ويجينا المدرس المغرور
نحاول نحرق اعصابه بما تحمله خبرتنا

ويجينا الثاني بوجه مبتسم ومسرور
ونقلب ضحكته هم وهاذي هي طبيعتنا

ننسى المدرس والحصه نشارك ننصب المجرور
نزيد الطين بله ونستعبط في اجابتنا

نسولف باول الحصه نكتب والقلم مكسور
نموه للمدرس مادرى وش هي كتابتنا

نشاغب نزعج ونضحك لكن قلبنا عصفور
نسامح غلطة الثاني لجل خاطر برائتنا

تحياتي يا ايام الدراسه واغفري المستور
كشفنا او تكلمنا عن الموجود بساحتنا

اصدقائي يوفقكم الله الواحد المشكور
اذا ضاقت بنا الدنيا يساعدنا بمصيبتنا

اصدقائي هاذيك ايام راحت والسنين شهور
فمااااااااااان الله ولا تنسون صحبتنا واخوتنا

.
.
.
.
الذكريـآت
ماذا تعني لنا ؟؟؟؟
لحظات تمر بنـآ وتنسى وترجع لكـ بعد فترهـ ؟؟
هل كل واحد لنا ذكريات كل واحد يقول نسيت ؟؟
لكن بداخله لو يسترجع شريط حياته لحظه تلقاه
يضحك ومره تلقاه حزين ؟؟ ليش
ج/ هي الذكريات
اوقات مرت علينا بحلوها ومرها ولما يتذكر يقول
الله يا حلو ذيك الايام حتى لو تكون ميب حلوه
شفتو شلون
الطفوله ؟؟؟
المراهقه ؟؟؟
الشباب ؟؟؟
كل منا له ذكريات يتمنى لو رجع
الوقت ليعيشها
الطفوله
اتذكر كنا بسادس ابتدائي كل يوم قبل نروح للمدرسه
انا وعيال حارتنا نروح للفوال نتقاط على الفطور وندربي
روسنا للمدرسه وهذي الحال اليوميه وما اصدق اطلع من
المدرسه اتغدا واصفط نومه ولا يوم الربوع
اتشقق ما اصدق اني بطلع العب بالشارع واسولف
وارقد ولا واقوم الا اليوم الثاني ما وراي شي
نختم الطفوله بأنها كانت ايام من اجمل ما نتذكر
المراهقه
ويستمر شي بس بتطور الي هو هذي المره
صرنا نروح البوفيه عـ الصباح تركنا الفوال
ويا كثر ما تهاوشنا وهربنا من الحصص بس داخل
المدرسه برى المدرسه هذي تطورات صارت بالثانويه
واتذكر يوم الاستاذ يوقفني(ماني حال الواجب)
صرنا نهرب برى المدرسه ومازلنا في الثانويه
للحين يعني باقي للذكريات نهايه نسطرها بخروجنا من الثانوي
.
.
حاس اني طولت عليكم لو بسترجع كل ذكرياتي كنت انسان
حافل بالذكريات اااااهـ يالذكريات موضوع لازم نعود بالذاكره
ونسترجع ذكرياتنا نختم ونترك المساحه الباقيه لكم
لاتحرمونا من ذكرياتكم

التوقيع:




*
..
Miracle Future غير متواجد حالياً   رد مع اقتباس