مرحبا حمزه .. شوف أولاً مافيه مخلوق بالدنيا ذي كلها له الحق يشكك في وطنيتي تجاه وطني ولاني بحاجه أثبات لوطنيتي وماأعتقد أحد له شغل بوطنيتي .. وعموماً ترى الوطن هو الأرض والتراب بس مب بس الكوره والرياضه ..؟ يعني ياليت لما الواحد يكون وطني مره مره يخدم وطنه قبل كل شيء ويترك حتسي أنت وطني وأنت منت بوطني .. هذا أولاً .. ثانياً وبأي حق تصادر أرائنا وأننا منب واعين وأننا متعصبين وأن ردودنا مهيب وطنيه وأننا منب مركزيين ..؟! لك رأي ..؟! نحترمه ونقدره بس مايعني أنك تصادر أرائنا وتشير لنا بالعصبيه وتعلمنا الوطنيه لأني ولله الحمد ماأحتاج أحد يعلمني كيف أعشق وطني أو كيف أخدمه .. وبعيد عن كل هالكلام وسلطان ومظلوم أو مب مظلوم .. لاصرت منت متابع للكوره السعوديه بأي حق تحكم ..؟! يعني لاأنت هلالي ولاأتحادي ولاسعودي ولاأنت عايش جو الوسط وشلون تحكم ..؟ ترى أهم شيء علشان الواحد يحكم يمتلي ويشبع من الوسط علشان يكون بمقدوره يعطي رآيه دون أيما ظلم لكن تجي تقل ذا ظالم وذا مظلوم أعتقد برضو مب من حقك تقييم أننا ظالمين أو مظلومين اذا منت متابع .. بعيد عن كل شيء رأيك بسلطان نحترمه ونقدره ورأيي ورأي المنتقدين برضو مايغير في الموضوع شيء يظل رآينا وتظل وجه نظرنا وحبنا للسعوديه ماوقف على المنتخب .. المشكله لو مافيه كوره ومنتخب كيف أقدر أثبت للعالم وقتها أني وطنيه ..؟ صادق عبدالله بن مساعد لما قال ( العالم هنا يظنون أن بس حنا اللي نحب وطنا وحنا الوطنيين بس وحنا اللي المفروض نضحي ونسكت ) كل العالم ترى عندهم وطنيه حتى الحيوانات أعزكم الله تشتاق لمحلها وأحياناً تبكي لما تفارق مواطنها ومحلها .. يعني ذي فطره مايحتاج يجي واحد يقول لي أنت وطني وإلا لا وهالحين أقولها مب لازم أثبت لكم أنا وطنيه والا لا ماهو شغلكم أنا ووطني من دونكم .. والله يعيين الوطنين بالرياضه يبدو أن لاأنقطعت الرياضه بتنقطع وطنيتهم معاها لأن وطنيتهم مرتبطه بالرياضه .. تحياتي ..