صديقآتي دفآ عمري .. ![قلب](robben/smile/017.gif)
احبهم
ولا اتخيّل العيش بدونهم ..!
هم عآلمي الخآص ..
فلآ اكاد اخطو خطوة الا بعد اخذ آرائهم ..!
وهم كذلك ايضآ ![قلب](robben/smile/017.gif)
لا احد يعرفني جيدا .. سوآهم ..!
امممم انتي تعبآنه؟
فيك شي ؟
شكلك موب رايقه الحين , صآير شي؟
كثيرا ما يرددونها ![قلب](robben/smile/017.gif)
انا , احداهم ![ورده](yasser20/me/F.gif)
: مرحبآ
: هلا وغلا برقم جوالك
: هع اخبآرك؟
: تمآم .. كيفك انتي؟
: ازقح ما علي
: الآ اقول
: سمي
: بتداومين بوكرآ؟
: اممم مآدري , وانتي؟
: الآ ان شالله
: يختي بقوه مالي خلق .. وش رآيك نغيب؟
: يوووه .. ماما بتعيي اكيد
: قهررر .. خلاص يوم ثاني
: اذا ودّك تغيبين عآدي ترا
: لا وش اغيب .. خلاص منب ميّته اذا ما غبت
: لا تصيرين سخيفه .. تكفين لا تجين عشآني
: من جدك انتي ؟ وش الحمدلله عآدي
: برآحتك .. بس ترا صدق اذا مره مالك خلق والا تحسين انك تعبآنه لا تداومين
: لا بداوم
: طيب وش رايك وش البس؟
: امممم التي شيرت الاسود وتحته قميص ابيض
: تهقين؟
: اي وقسم تطلعين تخققين
: اصلن انا بكل شي اخقق
: اووم الثقه
: طب وش اسوي بشعري؟
: سويه (لِيِس) .. يطلع مره حلو
: يوووه لا منب فآضيه
: تكفيييين
: هااه .. خلاص اذا كان فيه وقت بسويه (لِيِس)
: حلووو , طب وانا ؟ وش البس؟
: اممم الصدق الصدق
: ايوه
: ما عندك شي حلو ههههههههههههههههههههههه
: هههههههههههههههههههههههههههه تبن انقلعي ض1
: لا عآد جد , البسي هذآك البلوفر الاسود
: والله؟
: ايه وربي مره حلو
: طب وشعري؟
: كيرلي
: اوووكي , طب يالله باي ما تلاحظين انك خلصتي رصيدي !
: لااا تكفين منب مسكّره , بسولف
: يااربيه ذالنشبه !
: ايييه تتذكرين هذآك ..................... الخ
وتمضي الدقائق والسآعات , ولا اشعر بالملل ابدا ![قلب](robben/smile/017.gif)
احب اهتمامنآ بأدق التفآصيل
كما احب ان احتفظ بذكريآتهم .. اياً كآنت ..![ورده](yasser20/me/F.gif)
/
انا , الاخرى ![قلب](robben/smile/017.gif)
: مرحبآ
: اهليين
: اخبآرك؟
: تماام يوم سمعت صوتك , كيفك انتي؟
: بخيير دآمك بخير , وينك عن المآسن؟
: مآدري .. ما دخلت
: فيك شي؟
: اممم لآ بس تعبآنه شوي
: ياقلبي عليك .. شفيك
: مآبي اروّعك .. بس نزله
: يآحيآتي انتي , طب رحتي للمستشفى؟
: انا الحين فالمستشفى !
: يا عمرري .. طب عطآك شي
: ايه فيني المغذّي الحين , وكتبلي حبوب
: سلآمتك يا بعدي ما تشوفين شر
: الشر ما يجيك قلبي
: طيب حيآتي انا اخليك الحين .. واذا رجعتي من المستشفى عطيني كول مي
: اووكي قلبي
: يالله مع السلامه
: بآي
احبنا
احب ذلك الطهر الذي يكتسي علآقتنا ..!
صديقآتي
الله لا يحرمني منكم ![ورده](yasser20/me/F.gif)