...............................................
يادمع عيني خف جرحت عيني
والعين تبكي خوف تفقد بصرها
كف يادمع ماودي انك تجيني
بنسى عسى نفسي تدارك خطرها
ودي الصبروالوقت يرحم أنيني
والنفس من ذا الصبرتجني ثمرها
ياغيرصبري مل والله يعيني
والروح تبكي ضايقه من صبرها
هوصاحبن قفى ودمرسنيني
كان الامل كان الحياه في عمرها
كان الوفى والشوق ويموت فيني
هودنيتي ملهم عيوني نظرها
هوغايتي هوراحتي هوضنيني
هومهجتي بالحب نفسي غمرها
ياحيف وقتن حال بينه وبيني
وتبددت الاحلام لحظة سفرها
واللي انكتب وانصام وسط الجبيني
لابد هالايام تكشف خبرها
..........................................