تكمله الجزء الثاني
عندما قال لها ال....... هذا الكلام خافت البنت انو بوها او امها يدرون عن الموضوع فقالت
شوق رحت لهم على وجهي الخميس المهم قلت لها شوفي لا اتصلت عليك ذات البشره
السوداء قولي لها ان فيني فشل كلوي وأبكي يمكن يرحمونك ويخلونك بحالك المهم انقطعت شهر
تقريباً بعد شهر قابلتها قلت هاه بشري شسويتي قالت دقت علي ذات البشره السوداء
وقلت لها الكلام هذا وانا اصيح سكرت مني ودقت على امي وقالت سلامات شفيها شوق
الأم عمتها قالت بسم الله على بنتي مافيها الا العافيه تقول ودرو اني اكذب وجروني على
وجهي.سألتها سؤال قلت (أنتي عذراء) قالت ايه لا تخاف علي قلت ياشوق انحاشي
قبل يروح هالشي الباقي لك . وجلست اقنع فيها تنحاش بالباقي المتبقي من شرفها
المهم قالت انا بسحب نفسي منهم وحده وحده عشان مايحسون فيني ولا يفكرون فيني.
انقطعت البنت مره ثانيه تقريبا شهر بعد شهر دقت وهي تبكي تبكي بكائ عنيف وأنا اقول
لها شفيك شفيك مو قادره تتكلم انا حسيت شنو صار قلت لها صار الي كنت احذرك منه
وقتها اجهشت بالبكاء فعرفت الموضوع الموضوع ان (ال........ انتهك شرفها) بعد ماتمالكت نفسها
قالت الحقير وهو بنتهك شرفي بكل عنف وقسوه يقول لي (هذا عشان ماتنسيني طول حياتك) ؟!
تخيلو ؟؟ المهم البنت تقول انا الحين اخاف اكون حامل ماخذه اختبار حمل من الصيدليه
تقول لو اطلع حامل بنتحر ومدري شنو المهم انا كنت منصدم اكثر من البنت تقريبا
ومو عارف شنو اقولها واهدي فيها واقول ان شالله مافيه شي المهم بعد اسبوع اتصلت
قلت هاه بشري؟ قالت لا الحمد لله نتايج الاختبار مافيه حمل ! المهم بعد أسبوعين دقت
وهي تبكي تبكي نفس بكائها الأول فحسيت انو فيه شي تدرون شنو طلع (طلعت حامل)
حامل سفاح من شخص لا يخاف الله همه الوحيد اشباع غرائزه طبعاً أنا كنت احس نفسي
عاجز قدام المصائب الي تتعرض لها البنت هذي مااقدر اقول لها شنو تسوي المهم تدرون
شنو سوت البنت بموضوع حملها راح اقوله لكم بالجزء الثالث من قصه معاناه شوق
وأرجع أذكر أن القصه هذي مو للأثاره بل للعبر والعبره بالنهايه أنشالله