مثل الزمن يا صاحبي صرت خوان
لو للزمن محبوب عيا يخونه
مثلت الغدر والكذب في صوره إنسان
حتى شعوري تعجز أنك تصونه
مثلك يعيش الحب من غير وجدان
يقرأ ملامح كذبته في عيونه
الطبع يغلب لو تطبعت ويبان
دايم وراعي الزين تفشل ظنونه
هجرك وصل ومواصلك صار هجران
سرقت من ليلك معاني سكونه
العاشق إلي حمله حبك أحزان
والله حرام أنك تحرك شجونه
الفرق شاسع بين سالي ولهان
بين القلوب القاسية والحنونة
مثل الزمن يا صاحبي صرت خوان
لو للزمن محبوب عيا يخونه
