×× البارت الثامن عشر ××
وبثوانـي .................................................. .................
طاحت أميرهـ على الأرض ,, وأغمى عليها !
سارهـ ( بصياااااااااااح ) : اميرهـ ..
وش فيـك أميرهـ ردي علـي ..!!!
ياربي وش اسوي أميرهـ ... ( تبكي )
ياويل قلبي خلني ادق على امها الباب تجي نوديها المستشفى
..
راحت سارهـ تجري وهي تبكي ودقت الباب ..
سارهـ ( بصوت عالي ) : خاله اميرهـ طاحت على الأرض يالله ألبسي
نوديها المستشفى بسررررررررررررررررعه ..!!
أم اميرهـ ( بصراخ ) : وش فيها بنتي ياسارهـ ..
( تبكي بخوف ) .. يابنتي الوحيدهـ وش فيها
طلعت سارهـ وام أميرهـ وراحوا يودون أميرهـ للمستشفى ..
وأم أميرهـ كنت حالتها تكسر الخاطر ,, وماتتحمل صدمات كثر ماتحملته بموت زوجها وعيالها
بحادث ,, وخايفه تفقد أميرهـ ..!! وماعاد يبقى لها أحد !!
طلعت الدكتورهـ من بعد ساعتين أنتظار ..
سارهـ : طمنيني يادكتورهـ وش فيها ..!!
الدكتورهـ : ارتفع عندها الضغط .. وباين على المريضه ماأكلت من يومين وأكثر
وأتضح انها تعاني من مشاكل نفسيه وسبب لها حاله أغماء ,, أعطيناها
مغذي .. ورح تصحى بعد شوي .. بعد ماينزل ضغطها .. وناخذها على الدكتورهـ النفسيه : نريمان : لنتأكد من حالتها ..
ماتشوفون شر ..
أم أميرهـ ( حطت يدها على راسها تصيح ) : والله ماعمري قصرت معها بشيء
وش السبب بحالتها ياسارهـ فهميني ارجوك !!
سارهـ ( الدموع بعيونها ) : ماادري عن شيء ماأدري ..
وقامت وراحت دورهـ المياهـ وماقدرت تمسك دموعها ..
سارهـ : والله لااوريك ياناصر الحين وش اقول لأمها .. ابي الي براسي
يصير اليوم قبل بكرهـ آآآآآآآآآآخ بس آخ
..
( في شقه العيال )
جات الساعه 2ونص وتركي مارجع للبيت ,
وكان حسين ومحمد ينتظرونه لأنهم بيقفلون الباب ,
وينامون .. ولأن تركي مامعاهـ مفتاح ,,
وأتصلوا عليه كذا مرهـ ولا رد ..
محمد : ( بطفش ) انا نعسان الحين كيف ننام ونخلي الباب مفتوح
حسين : اول مرهـ اشوف تركي كذا ويتكلم كذا ..
ناصر مصخها حبتين ..
محمد : ياهـ احنا متى نخلص !!
ابروح اكلم حبيبتي لين يجي .. واذا ماجاء عاد الله يعينك استناهـ
أنت ..
حسين : نام طيب انا بستناهـ
محمد : قووول كذا من اول خخخخخخخخخخ
يالله تصبح على خير حبي ..
حسين : وانت من اهله ..
..
مرت نص ساعه ودخل تركي وهو حزين ..
وشوي يسمعون اصوات بواري سيارات وازعاج
تركي ( بأستغراب ) : بسم الله وش ذا الصوت كنه تحت بالقراج ..!!
حسين : ايه الصوت من عندنا تحت
تركي : انا طلعت وماشفت سيارات ولاشيء ..
فتحوا وطلعوا من البلكونه..
..
حصه ( بصوت عالي ) : ليان هبه قوموا أسمعوا وش الأصوات ذي
ليان : ( صحت وهي مفجوعه ) .. يمه كني أسمع أسمي
وفتحت البلكونه .,
ولقت قدامها تركي وحسين .. ورجعت ولبست عبايتها وطرحتها
وحصه وهبه كذالك
..
كانت مجموعه سيارات فخمـه ومليانه شباب ..
وكانوا ينادون بأسم ليان ..
ليان ياحلوهـ
ليان ياقمر
ليان أعطينا وجـه
ليان أنا أحبك
ليان يامغرورهـ ..,,
وكانوا يرددون الكلام وبواري ومسجل ,,
وسوين ازعاج مو طبيعي وكل العميار الي جنبهم الي في الأسكان
طلعوا يتفرجون على الي صاير ,,
وكانت السيارات موقفه على عمارهـ ليان ..
..
ليان ( بصياح ودموعها بعيونها ) : مستحيل مستحيل الي قاعدهـ اشوفـه !!
حصه : ( بعصبيه ) الله لايوفقه من رجال ..
هبه ( عصبت وراحت تجري ) ..
تركي يناظر بليان .. ومستغرب من الي صاير ..
وكان يدور في باله الرجال الي كان بيخطفها
وفكر بأن ليان على علاقه فيـه ..
ليان ( كانت مفجوعه ومتوترهـ بالي صار وودها
تموت ولا شافت الي شافته )
هبه نزلت تحت عند السيارات .. ووقفت بنص الطريق ..
هبه ( بصوت عالي وعصبيه ) : هيه انت وياهـ ..
ايش المهزله الي مسوينها هنـا ...!!!
ايش الوقاحه والأستهتار ..
الرجال : ياعمري انتِ ليان .. تعالي معاي
هبه : ( بعصبيه ) انا ماأشرهه عليك يالداشر اشرهه
على ابوك معطيك هـ السيارهـ وجاي بالمبزرهـ الي معك
مسوي مهرجان بألخر الليل ..
يالله بذي الليله ولا واحد منكم يوصل لبيته ..!!
قسم لو ماتحركتوا من هنا لأتصل بالشرطة تتفاهم معاكم ..
الرجال : شرطة ايه ياماما هههههههههههههههههههههههههههههه
هبه : تفو عليكم
وطلعت هبه وهي معصبه .. ومتنرفزهـ ..
..
تركي ( بتوتر وعصبيه ): محمد بسررررررعه
البس بدلتك وأنزل تحت ووقف المهزلـه
محمد : ايه فكرهـ ..
نزل محمد ولابس بدلته ( شرطي ) وركب سيارهـ العمل ,,
وبدى ينادي على السيارات ,,
الرجال الأسمر: ياعيال مشينا بسرعه ..
وحركت السيارات اللي كانت واقفه عند العمارهـ ..
( في شقه ليان )
حصه : يالله ليه صار كذا ,
انفضحنا قدام الجيران .. ولا بعد لو شفتي نظرات تركي واصحابه ..!!
( حطت يدها على راسها ) يافضيحتنا يافضيحتنا ..
ليان ( ماهي عارفه ايش تسوي وخايفه حيل وودها تبكي ) : ليتني رحت لعندهـ
بس ماصار الي صار .!!
هبه ( بعصبيه ) : هذا الي بقى والله تروحين لذاك الرجال انتِ خفتي منو
بس مجرد انه مسك يدك كيف لو رحتِ له لحالك وش بتسوي ,.
اسمعي كلامي بكرهـ كلمي تركي ولا تسكتي او كلمي أخوك
يجي يشفلوا صرفه معاهم ... هـ المرهـ وعدت والحمد لله صاحبهم ساعدكِ ..!!
المرهـ الجايه أيش بيسوو
ليان ( بخووف ) : يارب ساعدني انا مرهـ خايفه .. محتارهـ مرهـ !!
مااعتقد تركي يقدر يطالع بعيوني بعد ماأنفضحت .. والمشكلة اني ماعمري كلمت
احد او ضريت أحد ..!! هذولي مدري من مرسلهم علي ..!!
حصه : فكري يمكن تزاعلتي انتي مع شخص أو عرفتي احد وناسيته ..!!
ليان : لي يومين أفكر والله يابنات مافيه أحد أعرفه أو ضريته ..
اللهم ناصر أخو عبير وماله يومين .. وعبير الي تغيريت علي بسبب
تركي .. وبعدين عبير ناصر أخوان ومستحيل يسوون كذا أنا أعرف عبير
زين ..
هبه : طيب تعرفينهم ماقلنا شيء بس لا تستبعدينهم ..!!
ليان : انا لازم أتصرف بأقرب وقت قبل لايكبر الموضوع أكبر من كذا ..
جاتها رساله على جوالها ..
( هاهـ حبيبتي وش رايك بالعرض حلوو صح ..!!
هذا لأنك تجاهلتي ولا جيتي بالوقت المحدد ..
لنا موعد ثاني بعد بكرهـ بنفس المكان وبنفس الموعد
لو ماجيتي صدقيني بتشوفين شيء ماعمرك شفتيه ..
فاهمه ! )
رمت ليان الجوال .. وراحت تبكي
حصه : هبه هاتي الجوال ..
شافت حصه وهبه المكتوب ..
حصه : آخ ياقهر متى تطيب رجلي كان تصرفت ..
هبه : اسمعي ليان بتكلم تركي ولا واحد فيهم
ولازم نضغط عليها هذا هو الحـل ..
حصه : الله يستر بس من الأيام الجايه .. انا مرهـ خايفه
الله ينتقم من كان هو السبب ..
هبه : آمين ..
( في شقه العيال )
حسين : والله مو قادر أستوعب الي صار ..!!
تركي : عاد انا الي أستوعبت ..!!
معقول ليان تعرف كل هذولي الشباب .. وتكلمهم !!
حسين : لا ماأتوقع تعرفهم .. وهي باين عليها هاديه وماتحب
هـ الحركات
تركي : وش دراك انت ؟!
حسين : انا أشوف كذا .. بعدين الي نعرفه انك ماتحكم على الناس
بدون ماتعرف السبب بالضبط ..
اقول خلنا نساعدهم .. أخونا وصانا عليهم ..!!
الحين لو يجي بوقت الفضيحه الي صارت بالله وش بيسوي
أقل حاجه بيذبحها ..
تركي : ايه والله صدقت ..
طيب كيف نكلمهم ..!!
حسين : انت تصرف انا مالي دخل خخخخخخخخخخخخخ
تركي : طيب ..
..
جاء محمد ..
محمد : آخ بس ماعرفت اللوحـه ماامداني اسجلها ..
تركي : ليه مابلغت عليهم
محمد : ماامداني من شافوني على طول حركوا ..
والسيارات كثيرهـ وماميزت بينهم ابلغ عن مين واخلي مين
لازم نخليه يجي مرهـ ثانيه ونكفشه
تركي : ايه صدقت
جلس تركي طوال الليل يفكر بليان والي صار معها ..
:
( في بيت أميرهـ )
سارهـ : الحمد لله على السلامه ..
أميرهـ : الله يسلمك..
سارهـ : اميرهـ انا تأخرت مرهـ واهلي ينتظروني وياويلي
منهم خخخخخخخخخخخخخ
اسمعي .. ماابيك تشغلين بالك ..
خالتي ..
أم أميرهـ : هلا
سارهـ : انتبهي عليها ولو عيت تاكل خبريني بس اوريك فيها ..
أم أميرهـ : ابشري ..
سارهـ : لاتروحين بكرهـ الجامعه ولا تفكرين الأسبوع هذا مراجعات
ومافيه شيء جديد .. يعني الحضور والغياب سوا ..
ابروح اشوف الدروس وكذا ولاتشلين هم من هالناحيه
أميرهـ : الله لايحرمني منك ياسارهـ ..
سارهـ ( بأبتسامه ) : ولا منك ياقلبي تصبحون على خير ..
الكل : وانتِ من أهله..
..
( في سيارهـ سارهـ )
سارهـ ( بينها وبين نفسها ) : الحمد لله جات على كذا وماصار شيء أكبر ..
الله يكون بعونك يااميرهـ والله الي صار لك شيء مايتحمله القلب ..
دق جوال سارهـ .. وفرحت سارهـ يوم شافت الرقم ..
سارهـ : يس يس هذا رقم غريب ومحول بعد شكله ناصر
يااااااهـ يالفرحـه الحين نبدأ اللعبه صح ..
سارهـ : الوووهـ
ناصر ( مستغرب من الصوت ) : الو من معي !
سارهـ : اشفيك ناصر انا ليان .. ولا مضيع من كثر الي تعرفهم !!
ناصر : لالا والله ماأعرف احد غيرك ..!!
سارهـ : طيب ليه تسأل وتقول من معي !!
ناصر : لابس صوتك متغير كثير عن أول ..!!
سارهـ : وكيفه الحين عاجبك ..!!؟
ناصر : ( بدلع ) وشلون مايعجبني ياروحي ..
سارهـ : (خخخخخخخخخخخخخخخ ,الله مصدق الأخو )
طيب ناصر شوي واتصل عليك ..
ناصر : طيب انتظرك ..
سارهـ : ههههههههههههههههههههههههههههههههههههههههه
من جد غبي .. ابتصل عليه من رقمي على شان ماينتبه انه محول
وأتأكد هو غبي فعلآ ولا فيه ذكاء شوي ..
دقت سارهـ ..
ناصر : هلا ..
سارهـ : ناصر هذا رقمي الجديد القديم امسحه .. واتصل علي بس من هذا
على شان كذا سكرت ..
ناصر : طيب ليه الأول قفلتيه ..
ساهـ : ايه وماابيه هذا عام افضل من الشحن ..
ناصر : ايه افضل من الشحن خلاص ابمسح الأول ..
طيب ليان ممكن أسأل سؤال ..
سارهـ : تفضل ..
ناصر : وش الي غيرك علي بالأول بس تنافخين وماودك تكلميني
والحين تغيرتي ميه وثمانين درجـه ..
سارهـ : انا فكرت كثير ولقيتك انت المناسب لي .. وحسيتك تحبني
اكثر من أي انسان ..
ناصر : ياااهـ كلامك يشرح الخاطر ..
سارهـ : انا بنام الحين وراي جامعه اكلمك الصباح
ناصر : والله ماودي اسكر .. بس خلاص اكلمك الصباح اهم شيء راحتك
سارهـ : يالله باي
ناصر : باي حبي
..
سارهـ : ههههههههههههههههههههههههههههههههههههههههه
يااااااااااااااااااااااااهـ والله من جد توحفه ..
يالله وش ورانا طقطقه ووناسه وناسه وطقطقه ههههههههههه
( في الجنوب )
أروى : وش فيه تركي مادق إلا العصر وبس ولا حتى ارسل ولا شيء
وش صار معاهـ .. مدري ادق ولا أتغلا عليـه ..!!
والله مقدر اصبر أبدق ..
مشعل ( كان نايم وصحى على رنه الجوال ) : ( بصوت خشن )
ياروحي يادوى اجروحي
أروى : ( تتغلا ) طيب انتَ نايم !
مشعل : كلمة ولو جبر خاطر ..
أروى : طيب آسفه ازعجتك نام ولا صحيت كلمني !
مشعل : ماابغى انام ابيك انتِ وبس !
أروى : تركي وبعدين ..!!
مشعل ( انقهر من كلمة تركي ) : طيب ليش زعلانه وش سويت انا !!
أروى : ماكلمتني إلا العصر وبس طوال الليل وينك .!؟
مشعل : خخخخخخخخخخخخخ ياقلبي زعلانه !!
أروى : مو كثير ..!!
طيب تركي متى تجي للجنوب مو بالعادهـ تطول كذا ..
مشعل ( تضايق ) : قريب ان شاء الله ..
أروى : ( فرحت ) متى ,, !!
مشعل : يمكن بعد أسبوع ..
أروى : ايه يعني بعد الأختبارات صح ..!!
مشعل : صحين ,,
أروى : طيب لاجيت وش اول شيء بتسويه ..!!
مشعل : ابخطبك .. والله اني صادق
أروى : والله جد ..
مشعل : معقول كل هالحب لك والقلب لك وانا لك ..
ماينقصني إلا شوفتك بس ..
أروى : ( تخفي فرحتها ) طيب حبيبي نام الحين وراك دوام ..
وانا بروح عند أهلك بكرهـ اجلس معاهم من زمان عنهم ..!!
مشعل ( توهق ) : الي يريحك ..
يالله قلبي تصبحين على خير
أروى : وانتَ من أهله ..
..
أروى : ياهـ يافرحتي إذا كان تركي يفكر يخطبني ..
وينسى اختي نورهـ .. وانا تأكدت بأنه يحبني اكثر ..
الحين أقدر انام وانا مرتاحـه ..
..
مشعل : ياربي وش اسوي انا .. والله لو تركتني اموت بعدهـا
مااقدر استمر بالكذب بس وش اسوي انا .. وشلون اقنعها
بأني مو تركي .. لو كلمت خالد وقلت ابخطبها اكيد ماراح يعترض
بس اروى كيف اشرح لها ..!!!!!!!!
( في الصباح )
خالد صحى بدري مو من عادتـه ..
جلس خالد ينتظر ...........................
ابوهـ ماشافه من يومين ..
أم خالد مستغربه من صحوهـ خالد وجات عندهـ ..
أم خالد : غريبه خالد صاحي من حاله ..
خالد : خخخخخخخخخخخخخ صباح الخير ياوجه الخير
ام خالد : صباح النور .. وش الي مصحيك بدري ..
خالد : انتظر الوالد ماجاء ولا شفتـه من يومين ..
أم خالد : ايه هو كذا ابوك ياكثر اشغاله وماينشاف مرهـ
لا تشغل بالك .. هو لاكان فاضي يجي ..
خالد : يمه تدرين انه ماطب البيت من يومين !!؟
ام خالد : ( بخوف ) وشلون ماطب البيت ..!! هو يجي وينام
بالمجلس ولاكان يبي عشاء ولا فطور اروى تحطه له ..
اقول : خل عنك الوساويس قم افطر ..
خالد: لا مالي نفس ..
وطلع برا بيتهم ..
خالد: هذا الي كنت خايف منـه .. ابوي وين يروح كل هالوقت
حتى لو كان رجل اعمال وكان عندهـ ملايين الدنيا مو معقول
يسافر بدون مايعلمنا .. وهو مايحب السفر ابدآ ..
وش الي مستخبي .. وانا وين ألقاهـ !!؟
خلني ادق عليـه ..
.............................. جواله مقفل ,
خلني ادخل البيت وان شاء الله يجي واعرف وش فيـه !
..
( في الصاله )
زياد : يمه وين ابوي مرهـ ماشفته من زمان
خالد : لاتشغل نفسك كل يالله على شان اوديك
زياد: مو لاتشغل نفسك انا كبير وافهم احسن منك !!
يمه اقولك وينه ..
أم خالد : والله مدري عـنه ..
ولاتشغلون نفسكم ابوكم ماتهمه بهالدنيا الا الفلوس
خالد راح وفتح التلفزيون وجلس يتفرج على الأخبار ..
..
مشعل صحى وراح يفطر بالصاله ,,
ابو مشعل : صح النوم
مشعل : صح بدنك .. صباح الخير
أبو مشعل : من وين يجي الخير وانت موجود ..
مشعل ( تضايق ) : خالتي فيه فطور ولالا .
زوجه ابو مشعل : ايه فيه الحين اقول للخدامه
تطلعه لك فوق ..
مشعل : ايه احسن ..
أبو مشعل : والله هذا الي ناقص رجال طول وعرض
وانا الي أغديه وافطرهـ واعشيه ..!!
مدري متى تصير رجال زي الرجاجيل وتعتمد على نفسك ..
مشعل ( عصب ) : يبه ماله داعي هالكلام .. على هـ الصبح بدون اي سبب
انا وش سويت لك على شان تحقد علي كل هالحقد ..
أبو مشعل ( بصوت عالي ) : لاترفع صوتك علي وانقلع يالله ولا عاد اشوف وجهك !!
مشعل ( بحزن ) : ابشر يايبه ابحقق لك الي تبيه وماراح تشوف وجهي أبدآ ..
طلع مشعل لغرفتـه ..
زوجه أبو مشعل : ليش بس كذا ياأبو مشعل .. !!
وش فيك انت على الولد ليش تعامله كذا والله انه طيب
ومايستاهل الي تقوله له ..
ابو مشعل : تعلميني وش اقول لولدي اسكتي يالله مدام
النفس طيبه ..
..
( في غرفــه مشعل )
مشعل متضايق حيل من كلام ابوهـ ومتكدر ..
وجلس يفكر وحس انه مجروح ومو عارف وش يسوي !!
نزلت دموع مشعل من كثر مافكر بكلام ابوهـ .. وجرح كرامته
ورجولته .. وقرر ................................................
أنتهى البارت
التفاصيل بالبارت الجاي ..