الآسى مني تمكن والحزن فيني دفين
والليالي جرعتني همها وأحزانها
دارت الدنيا علي وعشت بالدنيا حزين
وأشعلت في وسط روحي جمرها ونيرانها
أخفي احزاني عساها في جبيني ماتبين
وأكتم العبره واشد خطامها واعنانها
حالتي تشكى على الله منجرح مثل السجين
والسعاده في حياتي منهدم بنيانها
في حنايا الروح جرح وفي حناياها حنين
والمدامع فوق خدي سيلت غدرانها
والتفت ابحث وادور من يسار ومن يمين
السعاده من يدل الروح عن عنوانها
والله اللي راد يرسلي قبل موتي عوين
رحمة الله في طريقي فتحت بيبانها
واختفى أبليس اللعين وصرت مرفوع الجبين
يوم زاد بوسط روحي مستوى لي مانها
بعد ماكان الرخيص أغلى علي من الثمين
صرت أبي جنات ربي روحها وريحانها
الله اللي دلني مولاي هو نعم المعين
رحمة الله من بغاها ماتهون شأنها
ياسميع ويمجيب كل وقت وكل حين
رد الأول الصراط بشيبها وشبانها
ياإلهي بك نلوذ وبك نعوذ ونستعين
لا ذكرنا هاك الحنايا تشتعل ضيانها
الآسى
إنشاد ابو يزيد من شريط حنايا الروح