تبي تتركني .. إتركنــي ..!
تأكد إني ما حـ أزعل ،
ولا أسأل وش تفاصيل البعاد .. وطوله ونوعه ..!
ولكن قول أنا ماشـي ..!
ترى بعض الوداع أجمل ،
من هروب الحبيب اللي .. ترك له ناس موجوعه ..!
وإذا حبي مايعني لك ..!
أكيد ان الفراق أفضل ،
وإذا عيني بتبكي لك .. أكيد العين مخدووووعه ..!
واذا انت اللي بتتركنـي ..!
ولا أحدٍ جابرك ترحل ،
حراام أتضايق وأشقى .. على اللي رايح بطوعه ..!
أنا ما أقول لك بنسى ..!
ولكن مستحيل أسأل ،
بحبس أصغر أنفاسي .. لو الهمسات مسموعه ..!
أنا بتذكر أيامك .. 
ولا أنسى حبي الاول ،
بتبقى صورتك عندي .. بوسط الروح مطبوعه ..!
حبيبي لو بترجع لي ..!
وتعطيني العذر بقبل ،
أبغفر للحبيب اللي .. غياب احبابه يلوعه ..!
ومهما طوّل غيابك ..!
بتبقى رحمتي أطول ،
تأكد في شرع قلبي .. لك الاقلام مرفوووعه ..!