دكتــور لـو تشرح عن عيـونها الســود
أبرك لنا من شرحك بعلم الأعصـاب
تشــرح لنــا الأعصــاب عن مخ مولود
وأعصابنا ذابت من فراق الأحبــــاب
تشـرح وأنــا عقلـي من العام مفقود
عقلي مع اللي كامل الزين جــذاب
الزيــــن فيهـــا مالـــــه قياس وحدود
عنق المها ترخص له أعمـار وأرقاب
بعيونهـــــا زين ٍ عن النــــاس به زود
يا زينها لا سلهمت ذيـــك الأهـداب
لرموشهـــــا ظل ٍ على الخد موجود
ولخدودها نور ٍ عن البــــال مـا غاب
يا مــا حـلا ليل ٍ على الردف مهدود
عن شوفته ردتني ظروف وأسباب
نظراتها أعطتنـــــي مواثيق وعهود
والظن فيها بنت الأجــــواد ما خاب
ميثاقنــــا النظـــرات والحب محدود
بيني وبينه ما حصــل شي ينعاب
جســـر المحبه بيننــا اليوم ممدود
وعن حبها قلبـي من العام ما تاب
هـــذا الكـــلام من القلب مسرود
والله مـــاني ياهــــل العرف كذاب
دكتور لو تشرح عن عيونها السود
أبرك لنا من شرحك بعلم الأعصاب
