يسعد مساك في .،
يمكن يكون الموضوع بعض فقراته استفزتني شوي !
لانك بالغتي فيها وكثيير ،
بالنسبه لاول نقطه " اصله مب سعودي " !
يمكن اتفق معك بالفكره الاساسيه ، هو يعتمد على ثقافة فئات معينه من المجتمع !
اما بالنسبه للامثله اللي انتي جايبتها ،
فـ مااتوقع ان فيه احد بيفتخر بشاذ وملحد وووو ..... ! فـ شي طبيعي ان المجتمع يتبرا منهم ،
بعدين من قالك ان هشام الراشد سعودي اصلا .؟
وبالنسبه لمساله ليه ليه نقول انه موسعودي ليه مانقول مو مسلم !
لان مايحق لاي انسان تكفير شخص ! والكل عارف هالشي 
من يقول ؟
فيه كثير مطاوعه واهل دين وعارفين الشرع كويس ومو متقيدين بالزي السعودي دائما !
ماتسوى عليك يامحمد عبده
ماادري وش الهدف من هالنقطه الى الان
لان الكل عارفين ان السعوديه هي ارض الاسلام وهو مصدر فخرنا بوطنّا !
اممممم يعتمد على مفهوم الحريه بنظرك
اذا كانت الحريه زي مايبغاها البعض .. اني اسافر لحالي اكشف اتبرج ..... الخ الخ
فـ هي اكيد حرام ومن وسوسة الشيطان !
كل شي مسموح بحدود الدين والشرع .. وكلنا قارين القران الحمدلله وعارفين الصح والغلط
اما بالنسبه لحرية الكلام والراي ..تعتمد على المجتمع وافكاره ونوعية الافكار !
عزيزتي هذي تعتمد على عقليات بعض الناس .. ماتتعمم على شعب كامل !
هالفكر موجود من زمان ومااظن فيه عيب ان كل واحد يحافظ على نسبه ( في مسالة الزواج ) والرسول حث على هالشي .. لكن التفرقه محرمه اكيد
ومااعتقد ان فيه شعب من شعوب العالم ماعنده هالفكر
اتوقع الان يقصد فيها الاصل يعني اجداده )
وليس نمط الحياه الحالي واللي ماله اول ماله تالي
وكل انسان له الحق يفتخر باصله بدون المساس بالاخرين
وكل مين واسلوبه في الحياه الاهم اني مااتعرض لهم او اقلل من قدرهم !
طلعيلي واحد بس من الشعب يقول هالكلام 
هالفقره هي اللي اجبرتني على الرد !
اي نعم رافعين روسنا لاننا سعوديين ولله الحمد .. واللي عنده اعتراض موشرط يرفع راسه ... محد مجبور على شي !
وبما انه طفل اكيد راح يردد هالعباره .. لان الانسان بفطرته يحب وطنه والمكان اللي ينتمي له وعاش وتعلم فيه واكل من خيراته
ما فطرنا ربي على الجحود والنكران ،
يعني لازم يكبون علينا امواال طائله ونعيش في ثراء عشان نحب وطنّا ؟
بالنسبه لليوم الوطني والبرنتات اللي انتي حاطتها
معاهم حق وانا وحده منهم ،
الاحتفال بالوطن مو بالرقص والاستهبال في الشوارع لانه " نقص عقل اكيد "
كل انسان وله طريقته بحب وطنه ،
وهاللي نشوفهم بالشوارع اتوقع مايعرفون شي اسمه وطنيه
الوطنيه نعبر عنها بوفاء او تضحيه او بناء لهالوطن اللي نحبه !
ماانكر ان فيه سلبيات كثيره هنا - مثل باقي الدول والشعوب -
وفيه اشياء كثيير مو عاجبتنا اكيد ،
لكن شلون تبينها تتصلح وحنا كل واحد جالس في بيته ينتقد ويسب ويبغى وظيفه براتب وقدره ويبغى ويبغى ويبغى !
شلون تبين الوطن يتطور - عشان تحبينه - وحنّا هذا حالنا !
للاسف فيه ناس مايعرفون قيمة وطنهم الا اذا بعدو عنه !
بالنسبه لآخر نقطه - ابها ،
ماراح اتكلم عنها كثير ، بس انا اشوفها حلوه مو بالسوء اللي تكلمتي عنه
وياكثر السياح اللي يجونها من دول الخليج ..
وكل واحد يصيّف على قده ..
طويلين العمر واللي عنده يصيفون وين مايبغون وش المشكله الله يقويهم
واللي ماعنده طيب ! وين تبينه يروح
وشي طبيعي نقول ابها البهيه ومدري ايش لانها فعلا بهيه وجنة السعوديه !
راحة البال وطيب العيش .. اهم شيئين نعيشهم في السعوديه ولله الحمد !
صدقيني الانسان بدون وطنه - مشرد -
ليه الجحود والنكران بحق الوطن ؟
الوطنيه شي بالفطره .. مو شي ندرسه !
عموما فيه دول كثييير فاتحه مجال الجنسيه للي يبغى !
ودول غنيه بعد
اما بالنسبه للبلد المتردي والمتهالك !
لاتعليق من جد !!!!!!!!!
كثير يتمنون العيشه اللي حنا عايشينها ولله الحمد
في شكرا لك 