يا من بنى لـه فـي خفوقـي مدينـه
......... لاغاب عنها فدوته كـل مـن غـاب
لـه دمعتيـنٍ فالمحاجـر حزيـنـه
......... وحلمٍ قديم من التعـب مفرقـه شـاب
ولـه عاشـقٍ يفـداه بأغلـى سنينـه
......... وبخافقٍ من كثر ما اشتـاق لـه ذاب
مـدري اديـن الوقـت والاّ اديـنـه
......... ودي اشتكي له مدري اشكيـه بعتـاب
ودي اطيح مـن التعـب فـي يدينـه
......... اصبحت اشوف الناس من بعده اغراب
يمكن نسى السجّان صرخـة سجينـه
......... ما حس بالوحده ولا طيّـر اسـراب
يا ما رفعت الصـوت واقـول وينـه
......... ويا ما صحى حلمي على غيبة احباب
انا الغريب اللـي فقـد نـور عينـه
......... والعاشق اللي عن محبتـك مـا تـاب
حتى السهر هذي يـدي فـي يمينـه
......... يا قلّ ما غمضت من بُعـدك اهـداب
اسهرك شوق وفـي يـدي ياسمينـه
......... واقول يا خوفي يجـي الحلـم كـذّاب