دكتور لا تتعب وتشرح سؤالك
لا الدرس جايز لي ولا الشرح مفهوم
فكري لحاله وانت درسك لحالك
ماني على درس السياسات ملـزوم
فكري مع اللي قادني للمهالك
للي غـــلاه بداخل الجوف مـردوم
والله لو دونه تحول المسالك
لا جيه لو حطوا على راسي اللـوم
ياكثر شوقي يالغلا لوصالك
وانا ادري اني منك مفلس ومحـروم
مثل العطيش اللي على الضيم هالك
غره سراب الما والقلب مضيـوم
دكتور لو الزين يشرح بدالك
والله ماتلقى بغيابي ولا يــوم