بسم الله الرحمن الرحيم
السلام عليكم ورحمه الله وبركاتهـ
كيفكم عساكم بخير
بصرآحه مو عارفه من وين ابدأ موضوعي
لكن خير الكلام ماقل ودل
كل انسان بهالدنيا يصير له موقف اما حزين ...محرج...مضحك...مبكي
لكن اللي صار لي انا غيرر وغَير شخصيتي معه
ممكن كثيير من الاعضاء راح يلاحظ اسلوبي بالتعليق ع المواضيع او اسلوبي بالكلام معكم
ويعتبر ان هذي شخصيتي الحقيقه
لكن بالواقع واقولها بالفم المليان هذي مو شخصية حزينه الحقيقه لا بالعكس
انا حصل لي موقف من 5سنوات هو اللي غير شخصيتي واسلوبي مع الجنس الاخر(الرجال)
ممكن اللحين من الصعب اني اثق بالشباب بالذات لان ماكو شاب مصدر للامان الا من رحم ربي
راح اقولكم الموقف وانتم بآنفسكم احكموا هل اللي صار لي سبب مقنع بتغيير الشخصيه او لا
قبل خمس سنوات كنت بسادس ابتدآئي
كنت راجعه من المدرسه كنت مو مسجله بباص لان المدرسه بجنب البيت
كنت امشي وكان الجو هواء قووي بالمره عاد العبايه عليها السلام مع الهواء
ويطير حجابي وكان فيه سياره تمشي وراي من اول ماطلعت من المدرسه حتى وصلت البيت
ممكن الا هنا ماصار شي
لكن وقفت السياره قدامي واظطريت اني اوقف ونزل واحد منهم الشباك حق السياره
وكلمني انا كنت عفويه اي شخص يسالني اجاوبه>>كنت اقول ان الدنيا اماان لكن طلع العكس
سالني انتي بسادس قلت ايه قال حلوو طيب اركبي ويبغاني اركب معه لكن شنو رديت عليه
قلت بيتي قريب>>ماكنت اعرف نيته
المهم كان بيجبرني اركب معه لكن رفضت وطلع اخوي الصغير من البيت وشاف السياره وانا خفت وقلت خلاص اخوي جاء>>اكلم الشاب
المهم اول ماشاف اخوي يركب السياره ويروح
كنت وقتها بسادس يعني علىيكم العد كم لي سنه وانا اللحين باولى ثانوي
....
للآمــانه وربي اللي خلقني اني ماكنت اعرف شنو نيته ولا اعرف شنو كان يبغى فيني
رجعت البيت وخبرت امي باللي صار ونبهتني من هالنوع
ومن خمس سنوات واسلوبي اسلوب ولد
ماكو عندي اي ثقه فيهم
لانهم اقل كلمه اقولها عنهم حقيرين>>وربي مو الكل فيه ناس فيها خيير
....
انا كتبت هالموقف وماكو احد من اهلي يعرفه غيري انا وامي واختي
واللي اجبرني على كتابته هو اللي اشوفه من الاعضاء اللي يشكون ان تحت يوزر روح الامل
ولــد
...
هذا اللي عندي وخـــلاص لاتلوموني اذا اسلوبي كان معكم اسلوب ولد لان الدنيا ماتمشي مثل مانبغى...
س\انــتم تشــوفون عدم ثقتي بالشبـــآب بشكل خــآص والرجـــال بشكــل عـــآم بمــحله
وللمعلوميه كثيير تصير لي موآقف اكثرهــآ المـــغآزلــهـ اللي يرتـــفع ضغــطي منكم يالشباب
اتمنى من الشباب اللي يردون يكونون اكـــثر صرآحه
والي عنده\ها موقف اطرحوه هنــآ
تقبلوا تحياتي
حزينه بلا دموع