صباحكم بنفسج .. / .. توني راجعه من الجامعه قسسسسسسم فيني صيحه لابوهم من جامعه ومن موظفين يعني صحيت الساعه 5 ونوص الفجر غسلت وصليت ثمن قابلت المرايا وجلست استشور شوشتي واحط ميك اب ابو الفضاوه وبعيدن رحت ألبس وجت في بالي سمو الأميره عشان القميص والكرفته قسم اني جالسه حوالي ساعه ابي اضبط الكرفته موب راضيه ماخليت احد بالبيت مامريت عليه لدرجه صحيت امي من النوم قلت زينيها ولااحد عرف قلت مافيه إلا حل واحد وادخل النت وافتح المسن واسال قالي ابو طلال اكتبي بقوقل طريقة ربط الكرفته وانا مع الخيل ياشقراء بس للأسف ماعرفت المهم قررت احوس اي شيء واتوكل لانها زفتت اخلاقي بعدين اخذت شنطتي وطلعت ووصلت مقر الجامعه الساعه 7 درعمت مع الباب وفصخت عبايتي وجلست احوس قبال مرايتي شوي ثمن دقو علي البنات واتفقنا في مكان كالعاده وتقابلنا رحنا للقسم اللي بنحول فيه وجيتنا عشانه وللأسف يوم سألنا قالو مافيه احد مداوم التحويل يوم الأحد أو الأثنين آخ يالقهر ماشافو معانتي وربطة الكرفته والكشخه لابوهم بالاخير مافيه احد جلسنا احنا والبنات نسولف واخذ وعطى ولايخلى من الحش الله يدحر الشيطان وكل البنات قالو شنطتي زينه حسبي الله على عدوهم ورب البيت بعد ربع ساعه انقطعت قالو ترا بقلبنا قلنا ماشاءالله المهم الين صديقتي جايبه معها بسبوسه مخصوصه من مصر توها راجعه منها وجابت تذوقنا والثانيه جابت سيد الكيف " قهوه " والثالثه جايبه صورها مع محمد الزيلعي وكل وحده حاطه سماعة جوال وخاشه جو مع الأغاني ولايخلى هالمكان اللي جلسنا فيه بعيد عن المصادرات هذي بعض للصور قآعتي الترم اللي فآت حنيت لها ورحت اصور قبل احد يجلس فيها ترى الكرسي الأول حقي والثاني بعد احيانا يصير لي عشان لاتعبت مديت رجلي مكانا اللي جلسنا فيه وخلاص انا قفلت اخلاقي وجاني نوم رحت اخذت ورقة خروج ودبلت كبدي وهي تاخذ معلومات وادق على ابوي الينه نايم قلت تعال خذني بغى يتوطأ في بطني سفهني ساعه كامله بعدين جاء وخذني وجيت بطلع من بوابة الجامعه مسكتني حقت الأمن وعطتني محاضره وش هالعبايه ممنوعه وانتي في جامعه ... والله لو ماقرت اسمي اني لااقول جامعة جيرانكم بس اغربي عن وجهي واهج وطلعت من البوابه كان نفسي اصور لكم الشوارع والزحمه بس ماقدرت وغير كذا فيني خمول وإرهاق ادري كثرت بربره عليكم بس وش اسوي ودي افرغ الشحنه اللي بداخلي وهذا جزء من يوم ماوصفته كامل وضياع البنت المستجده وبهذلتها وان شآءالله بكره تنحل أموري وشكلي منب رايحه بدري آل المجلس
| استودعكم الله الذي لاتضيع ودائعه ! ] ask.fm,flickr , twitter , tumblr , instagr.am