يلاا حيهم جميع وكل عام ونتم بخير ومن العايدين الفايزين طبعاً طال الأنتظار وكثر اللغو في الحديث وتعال نزل اغراضك ووين أغرضك ونبي نشوف أغراضك بس زي ما يقولون خاتمها مسك بسرد لكم يومي ومع أغراضي : ) - طبعاً اليوم جونا ناس يفطورن عندنا وأول مرره أشوفهم المووهم دخلت صاله الطعام إلا والسفره ما شاء الله تبآرك الله شوي ويجي أبوي معصب يقوول حطو السفره على الأرض سلامات يبه ؟ وش تحس فيه ؟ قال الضيوف اللي عندي ما يعرفون راحتهم إلا وهم جالسين على الأرض قلت يـبه حظك والضيوف اللي عندك المووهم وأشيل الفطور كله وأحط على الأرض وهذي سفره ع الأرض عقبها نزلت مجمع الظهران أبي أشتري شوز وقسم صآر موقف أجل بنت الذين تبي تسرق جوالي أقلكم السالفه دخلت ميلانو وأخذت الشوز وباقي بس أدفع الحساب ونا أنسان ضآيع ,, مستعجل ,, متوتر أحيانا مع بعض المواقف جيت حطيت جوالي على طاوله المحاسب وأخذت محفظتي ورحت أجيب الأكياس حقتي لاني ونا قاعد أجرب الشوز خليتها في الارض ورحت <-- مب قايكم أنه ضآيع المووهم أخذت الأكياس وشوي وتجي بنت أخذت الجهاز ورمته في شنطتها وش أسوي وأجي عند بوابه المحل لو سمحتي جيبي الشطنه أبي أفتشها قالت مالي شي عندك <-- وربي كفشها طيب وشدرني أنه عندك شي قلت طيب وكلمت واحد من أخوياي قلت لي ناد لي هيئه المجمع هي سمعت طاري الهيئه دخلت المحل وحطت الجهاز على نفس الطاوله وعلى جيت الهئيه خليتهم يفتشون الشنطه لعانه وخذو البنت وخويتها وما مدري وش صار فيهم جعلهم ما يعودون المحاسب شاف الموقف يوم حطت البنت جهازي على الطاوله وشله وحفظه عنده وربي طلع زقرت هـ السوري وأخذت رقمه وبعدين حاسبته والطامه الكبرى أني نسيت الكيسه في المحل وماتذكرتها إلا ونا في البيت عقبها دقيت عليه وقلي مرني بكره وهي محفوظه عندي بالصون وطبعاً قبلها شريت لي ساعه ونا عارف أنكم بتخقون عليها وشريت بعد شماغ البسام وقلت المره هذي بجرب نفسي ونا ألبس أبيض وهذي السبحه شريتها ونا متردد : ( وبعد شريت عطر سينما وهو غني عن التعريف وهذي صوره للحبايب كلهم ومثل ما ذكره محمد مراح تنزل أغراضك إلا قبل صلاه العيد وصدقتك رويته وبعدين شسمه رحت ميجا ستار وشريت رابح صقر حفله جده ونآيف البدر الجديد واليوم صارت أشياء كثيره بس هذا يكفي لاني أنا ما أنعطى وجه نشوفكم في عيد الأضحى وأن شاء الله أقلكم قصتي مع الخروف ألي كنه مصآرع وربي ذاك اليوم لحاله بكتب عنه روايه وكل عام ونتم بخير