أبد ما جيت أبارك لك ولكن جيـت باوصيـك
على الله ناوي ٍتدخل بهـا الليلـه .. معذبتـي
ترى لولا الظروف اللي عطّتك وحدّت محاكيك
قسم بالله ما تدخل عليهـا لـو علـى رقبتـي
ولكن النصيب أقوى ولاادري ويش اسوي فيك
نعم..صارت معزبتك, ولا صـارت معزبتـي
كذا شاءت بنا الأقدار تحرمني لجـل تعطيـك
كذا لازم عشان تفوز انت, اخسـر بتجربتـي
تراهـا غاليـة جدا..وتكفـى.. والله يخليـك
تدللها..تدلعـهـا ..تنسّيـهـا مصاحـبـتـي
أنا من كثر مااغليها أحس اني بديـت أغليـك
ولاتسـأل بأيـة حـق والا وش مناسبـتـي
لأنك لو بتسألني بتسمع شـي مـا يرضيـك
لذا يا خوي لا تسـأل ولا تسمـع لأجوبتـي
أبيك تحطها في داخل عيونـك وبيـن ايديـك
وهي دلوعة إعتادت علـى كثـرة مداعبتـي
فداعبها شوي شوي حتـى تشتهـي طاريـك
وشاغبها إلين تقـول: بطّـل مـن مشاغبتـي
واذا هي مالها خلقك,,ولا تضحك ولا تسليـك
تحمّلها وإسألهـا :ياعمـري ليـه عصّبتـي
وبالك أسمع انك يوم تضربها وهـي تشكيـك
ما يحتاج أوري لك بفـن الضـرب موهبتـي
صحيح انك بتملكها ومعـك العقـد بالتمليـك
وانا عارف حدود الله ومـن حقـك معاقبتـي
ولكن قل لها : المجنون وصّاني وهو يعنيـك
يقـول انـه بينتظـرك ولوشيّـب وشيّبتـي
وانا مجنونها اللي ما نساها وانت مـا يمديـك
تغطي ذكرياتي. في هواهـا ربـع تجربتـي
أحس اني تماديت بكلامي,والغضـب حاديـك
ولو انك مكانـي مـا تفكـر فـي محاسبتـي
كفاك اني تركت الليله أشغالي عشـان أجيـك
دخلت القاعة برجلي ولا أدري ويش عاقبتـي
وانا ما جيت أخرّب عرسك الليلـه ولا أذيّـك
أنا جيتك عشان أخاطبك واسمـع مخاطبتـي
توصّى .وانتبه.واحرص عليهـا والله يهنيـك
ترى كل الكلام اللـي طلـع مـن قهركبتـي
ولكن ما قدرت اني أقولـه وانـت مايخفيـك
أخاف اني اذا قلتـه تقـوم وتقطـع رقبتـي