شكرا على اثارة هذا الموضوع فعلا كان ودي اعلق
أولا مسلسل سنوات الضياع أنا من أشد
المعجبين والمتابعين له
وبعدين انا ما اشوف ان المسلسل يستحق كل هذي الضجه لان انا اشوف ان فيه مسلسلات خليجيه وعربيه تعرض مشاهد قذره وواطيه ولاتمت للمجتمع الخليجي بصله وتكثر هالمسلسلات في شهر الخير رمضان ونشوف كل الناس ماشاءالله تتابعها بكل شغف واهتمام مع العلم ان هالمسلسلات تظم مشاهد الواحد مايقدر يشوفها هذا غير عن لبس الممثلات وحركاتهم وغير عن الفوازير والرقص والسخافه
وبعدين حبيت اقول ان المشاهدين ملو من المسلسلات الي تتكلم عن الشذوذ والمخدرات والجرائم والتكفخ الي يكثر بالمسلسلات الخليجيه غير عن اللبس البايخ
واتجهو لمتابعة المسلسلات التركيه لانها كلها حب ورومانسيه الخاليه من المشاهد الاباحيه وحتى لبس الفنانات محتشم وهم اصلا مو مسلمات وفي النهايه أحب أقول انها فتره وتعدي يعني مثل ما هبينا بالمسلسلات المكسيكيه وخلصنا بعد ماينتهي هالمسلسل راح ينسونه الناس يعني أحس المسلسل ماخذ ضجه مالها داعي وبيني وبينكم جمال لميس ماينسكت عنه يعني ما ألوم الشباب الله يعينهم