.
مشاركة ( عبدالعزيز السبيل الحربي )
اسـدل الليــل مالـك علـم ياطيـر
يـوم سمعـي فقـد نـوح الحمامـه
وين ابلقاك قلـي .. ياعسـى خيـر
خايف الليـل مـن شـدة ظلامـه ؟
سقـت رجلـي وياكثـر المشاويـر
مالحقنـي معـه غـيـر النـدامـه
حالتي حلـم مايحتـاج تفسيـــر
بـس عيّـا يـزوره في منـامه !
جـرح حطيـت لـه مليـون تبريـر
مانفع .. قـال : خلـّه للإقامـــة
كـل ماجتنـي جروحـه مساييـر
فـز قلبـي وبــادر بإهتمـامـه
ماكفـاه الـذي فـي حالـي يصيـر
تدمـع العيـن .. وتشـح الغمامـه
كان يبغى العمر مامـن .. مخاسيـر
صرت كلي على شانه كــــرامه
إن توفـى.. بياخـذ معـه تفكـيـر
وإن توفيـت ! مالـي كـود خامـه
وكـان وده فراقـي يـا : معاذيـر
ليه ؟ ينصب علـى صـدري خيامـه
والله إن اشقـه عشـق المناعـيـر
للوفا والشجاعـة .......... والكرم
ماتـرك شـئ .. حنـي يامقاديـر!
روّح الليـل والبـاقـي كـلامـه !!
وانت ياطيـر ويـن القـاك ياطيــر
ماعلـى العاشـق الوافـي مـلامـه
هذهـي عاودتنـا حــزّه عصـيـر
وهـذا انـا تلنـي نـوح الحمـامـه
ضـف جنحانـك وودعنـي وطيـر
اسبـق الليـل لايـسـدل ظـلامـه
روح قلّـه محبـك حالـتـه غـيـر
راح وقتـه علـى عضـة ابهـامـه
يكتبـك شعـر ويصخـرك تعبـيـر
بيـن دمعـه وغصّـه وإبتسامـه !
ولو يقول .. ومتى ينسى على خير ؟
قول له : هو متى يـوم القيامــه ؟
السلامـه .. معـه هـات التباشيـر
بنتظر لين .. ترجـع بالسلامـه !!
مشاركة.. ( مشعان البــــراق )
لو أقدر آصلك يانجمٍ لمعـت بسماي
الأرض ماأظـن تعرفني ليا جيتهــا
من دونك الجاذبية والنجوم بفضـاي
اكثر من وجيه ناسٍ ماظهر صيتها !
ياليتها من علـومٍ مثل هـذي وجـا
كان الفرص يوم جتني .. ماتعديتهـا
بلاي من شرهة ربوع
.. و .. فرحـة أعداي
هذي هي الساعة اللي ماتمينتهـــا
آثرك مثل السراب اللي مايقطع ضماي
لو اني اتعبت رجليني ، وعنيـتـهـا
درّ في مدارك وانا ادرّج مكاني أخطاي
بعد أوقـفـت خطّر أيامي وداريتهـا
وإلا طموحي ! بعيد أبعد من آخر مداي
ولو انها بالعزوم .. عزومي ابليتهـا
لكن يآسي غلب على حقيقـة رجاي
وهزيمتي من مرارتها .. استلذيتهـا
وعلى كثر مانسفت من الحقايق وراي
تموت الأحلام لكن ماأنهدم من بيتهـا
مدري خطاك انت ، ولا الحظ خطاي !
سؤال .. منه الإجابـات استشفيتهـا
علوم .. والونّـه المتفجرة في خفاي
غفت على وسادة ضلوعي وصحّيتها
وبقت لي الذكريات اللي عزاها عزاي
الله من ليل ، سرتـني وسرّيتهــا
هي مسكني من مقاديري ورحلة شقاي
وهي راحتي لاشتكيت إلها وناجيتهـا
معها ..
واسولف لحالي من خـلاي بـ خلاي
كم خففت ضيقةٍ فالصـدر كنيتهــا
بانجم ليتك تغيب ولا تكـدّر صفـاي
يكفي عليّه جروحٍ منك .. عانيتها !
طابت .. ولكنك اللي ماتدور دواي
عاشت ماخليتها وأبطيت ماداويتها
ماهو أنا اللي يجي ويـــروح
من دون ............... " راي "
علاقة عيوني بنورك ، قد انهيتها
اللي خسرته دفا ناري فبرد شتاي
واللي كسبته مباديٍ ماتت أحييتها
هذا أنا في عيون أعداي قبـل :
أصدقاي !
أموت .. والدمعة الزرقا ماهليتها
إلا على من قدر يكسب رضـاي
وثنـاي !
هذي حياتي عشانــه ماتغاليتها
مشاركــة .. ( مرزوق الروقـي )
أبطيت ماأبديت مافي خاطري من كلام
بين الأضلاع همٍ مايعـدّه عــــدد
سكّت لأن الكلام يهجّ باب المـــلام
واليوم طالت بي أوجاعي وطال الأمد
اليا إنجلا الليل الأظلم حلّ بعده ظـلام
كن الظلام متسيـّـد عالميـ للأبــد
ورحى المواجع ليا دقت جروحٍ قـدام
قامت سنينـي تناولها جــروحٍ حدد
واليا تقضيّت في حبل الرجا مااستقام
اما فلت من يديّ والا غــدا من مسد
صحيت من صدمةٍ منـها يفيق النيـام
في غفلـتي مادريت إلا بـ قمّ ياولد !
ووقفت والموت مابين اللحـم والعظام
يفتك وانا اطلـب مدد لكن مابه مدد !
ماديت مـن حولي وصوتي صــدح
فالزحام
وصداه عوّد علي يقـول مافيه أحـد
ربعـي مضوا دون عودة لـو حشمت
الحشام
واصحابي اقفوا بعد ....
واحبابي اقفوا بعـد ....
والغيث عيّا يحول مــن بطون الغمام
لو لوّح البرق في وجهـه ودنّ الرعد
أمشي وأشوف التساؤل في عيون الأنام
ليه الزمان إنقلب والكون جنّ ، وقعـد
- أجازته اللجنة .. 
..