وزي كل يوم وكل مره , يتفق (الشباب والبنات) على ان لايتفقو .., ويتفق المجتمع جميعا على ان لايتفق
ويتفق الزوج وزوجته على ان لايتفقون.. وتكون النتيجه خليطا مرا من ( المشاكل) الاجتماعيه اللتي تجعل
مسار الحياه ..متعرجا يشوبـه (درزنا) وكيلو من الحصى والاراء المتعارضه اللتي لاتنفع ولا تفيد!!
بل تزيد ( الطين بلل ), ليكون مستقبلنا ( مايع ) جدا كميوعه (عسكريم) بابو في حر الرياض اللذيذ
ونغرق في الميوعـه حيث لامنقذ!,.. لاننا (معنا وتعصبنا لأرائنا)!,..واخيرا نرفع تلك اللوحه الحديديه المكتوب
في عمق ( تسبدها)..(المائـعون في وسط المعمعه)!!
وتوته توته خلصت الحتوته 
,’
جنوبيــهـ كول\..
مرحبا ومسهلا بهذا الموضوع اللذي (ازعج) النائمون والقائمون , اللذي سيطر على مواضيع المنتديات
ومواضيع الجرائد وألسنـهـ الرجال\ النساء \ المراهقين في المجالس والخيام
في البيوت والاستراحات ..في المدارس والجامعات ..عند السواويق والخادمات !!
والى ويـــن ؟.., ووش نبي ووش السالفــهـ ؟.., والى متى ؟..
الفائدهـ المرجوهـ هنا .. في المسلس اعلاه.. (الدنيئ اخلاقيا )
قبل فترهـ قلت ( الحسنه الوحيده) اللي قدمها المسلسل للمجتمـع ,انه وضح مدى ( الفقر) العاطفي
عند (حريمنا) وخلاهم ينهارون (كإنهيار الاسهم),بحيث يكون العلاج معروفا وليس(صعبا) عند الرجال !
لكن العلاج صارت نتيجتهـ ( عكسيه \ غبيهـ ) , واصبح ( يمرض اكثر من مايعالج)!,
لانك عندما تسمعين بحالات (طلاق) وصلت بسبب ان رجلها مايعاملها زي مهند , هذي سالفهـ تخليك
تضحكين بـ( مرارهـ تسبد) , وان تسمعين خبرا عن ان اكثر المواليد سمو بـ لميس \ ومهند ,
فهذا الخبر يسبب لكي حكه وحساسيه وتكه !
وعندما تفتحين جوال بنت خالتك الـ (مراهقهـ ) وتلقين الثيم مهند وخشته..
واذا سألتيها او قلتي ( ياشين الشين بس) وتمنطزتي عليها وعلى عقليتها ردت عليك بصوت
طفولي:( يالبا قلبه)..فتتمنين بعدها ان يكون لاحد آخر وليس لمهند..
فهذا كله امر يفقــع المرارهـ اللتي ضحكتي عليها للتو !! 
,’
اختي جنوبيه , انا معك قلبا وقالبا اننا نصرخ ونقول ( قليلا من الاحترام والمعامله والرمنسيه) ياشباب
الاسلام لكن مااسيئ( لعيالنا) واقلل من شأنهم , واسب فيهم في المنتديات ومالت عليكم والله
ناظرو مهند يالشيوف يالشيون يالوعين يالحكيرين يادبيين
( هذا مايحدث دائما من بعض البنات \ المراهقات )
ابدا ابدا , انا ماجربت شبابنا ولا تزوجت ليه اطالب بـ (تعامل مهند) ويمكن نصيبي
يقول لمهند:(انزح وراك) , صحيح اننا نسمع من بعض الزوجات ونسمع بـ قل الذوق في تعامل
ازواجهم , ونكرهـ اننا (نكون) في مثل وضعهم , لكن اللي تكلمو اقل (ان شاء الله) من اللي ماتكلمو ..
او اقدر اقول انهم عايشين عيشه هنيـهـ !! ,انا مافتشنا بيوت ولا عرفنا اسرار..!!
ثم ان تقارن (بنات الخليج) , بـ نانسي واليسا , هذا امر ثاني يبين اننا في معركه فارغه اساسها
( المغاير) , وكأنني بالطفولــهـ تعود ونقول ( لعبتني احسن من لعبتك) !!
,’
ياشباب ويابنات ياهوهـ وين بنوصل ؟..
كل هالاشياء (غزو فكري) , تسبب الـحروب بينا وتثير الفتن وتخلينا مضحكهـ للرايح والجاي
لما تجي بنت وتصمم وتقارن بين مـهند وبين شماغ وثوب ..
ولما يجي شاب ويحط في تيشيرته صوره لميس ويطلع في الاسواق والمقاهي ويترنح يمنه ويسره..
مايعني الا ( قل العقول) واننا (رايحين وطي) وماعندنا سالفـهـ الا اننا (مع الخيل ياشقرا)
وسهلين ( التزحلق) والانحدار مع اي شي وكل شي
خلونا نكون اكبر من كذا , خلونا نعالج المشكلـهـ , موب نزيد العلـهـ ..
مثل ماقالو اخواني اللي قبل ,خلونا نقتدي بالرسول صلى الله عليه وسلم , وكيف تعاملهـ مع ازواجه
واصحابه ,.. (( ولكم في رسول الله اسوهـ حسنهـ )) !!
,’
وآخر شي , ( اللهم جنبنا الفتن ماظهر منها ومابطن )
يعطيك العافهـ اختي جنوبيـهـ واسفين على كثره البربره
دوتس